យុទ្ធនាការធុរកិច្ចបរិយាបន្ន បញ្ច្រៀបចំណេះដឹងដល់ម្ចាស់អាជីវកម្មកាន់តែប្រសើរ

ភ្នំពេញ ៖ ក្នុងពីធីសម្ពោធជាផ្លូវការនូវយុទ្ធនាការធុរកិច្ចបរិយាបន្ន ព្រមទាំងជំនួបសហគ្រិនវ័យក្មេង និងម្ចាស់អាជីវកម្មកាលពីថ្ងៃទី២៩ ខែកុម្ភៈ ឆ្នាំ២០២៣កន្លងទៅថ្មីៗនេះ អ្នកចូលរួមប្រមាណ ៣០០នាក់ បានស្វែងយល់កាន់តែច្បាស់អំពីអាជីវកម្ម បរិយាបន្ន ក៏ដូចជាការប្រើប្រាស់ប្រព័ន្ធឌីជីថលដើម្បីជាជំនួយដល់អាជីវកម្ម។

បើតាមក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានឱ្យដឹងថា អាជីវកម្មបរិយាប័ន្ន គឺជាអាជីវកម្ម ដែលឈរលើគោលការណ៍ធុរកិច្ច បង្កើតដំណោះ ស្រាយជាប្រព័ន្ធ មានភាពច្នៃប្រឌិត និងមាន ទ្រង់ ទ្រាយ ធំ ដែលឆ្លើយតបទៅនឹងបញ្ហាប្រឈមពាក់ព័ន្ធ របស់ប្រជាជនក្រីក្រ និងប្រជាជនដែលប្រភពមាន ចំណូលទាប (BoP និង B40)។

អាជីវកម្មបរិយាប័ន្ន ត្រូវបានបង្កើតឡើងក្នុងគោលបំណងផ្តល់ប្រាក់ចំណូលខ្ពស់ គួរសម និងបង្កើននូវស្តង់ដារ ជីវភាពរស់នៅប្រសើរជាងមុនដល់ក្រុមមនុស្សដែលមានចំណូលទាបនៅបាតពីរ៉ាមីត ៤០% និងក្រុមមនុស្ស ដែលងាយរងគ្រោះ។

លោក លី ហាវ អគ្គនាយកសាលាអន្តរជាតិ អាដេលី អន្តរជាតិ ដែលជាភ្ញៀវកិត្តិយសចូលរួមក្នុងកម្មវិធីខាងលើបានរៀបរាប់ថា លោកទទួលបានការយល់ដឹងច្រើនទាក់ទងនឹងធុរកិច្ចបរិយាបន្ន។

លោកបានបន្តរៀបរាប់ថា៖ «អ្វីដែលខ្ញុំបានរៀនសូត្រពីព្រឹត្តិការណ៍នេះគឺ ចំណុចទី១ ការធ្វើអាជីវកម្មបែប បរិយាបន្ន ត្រូវគិតរឿងប្រាក់ ចំណេញ អាចទៅដល់ ៤១% ដើម្បីស្ថាប័នមាននិរន្តរភាព ទី២ អាជីវកម្ម យើង ត្រូវគិតដល់ប្រយោជន៍សង្គម រហូតដល់ ៤៦% និងទី៣គឺ នវានុវត្តន៍ ដែលមានន័យថា អាជីវកម្មត្រូវ ការ ការច្នៃប្រតិដ្ឋ អភិវឌ្ឍន៍ វាឱ្យកាន់តែប្រសើរ ដើម្បីឱ្យការប្រកួត ប្រជែងយើងធ្លាក់ចុះ។ ដូច្នេះចំណុចទាំង៣នេះ ក្នុងនាមជាម្ចាស់អាជិវកម្ម គឺយើងត្រូវតែផ្ដោត យើងធ្វើអាជីវកម្មត្រូវចែកគ្នារស់ ហើយដើម្បីដើរឱ្យបានវែងឆ្ងាយគឺយើងត្រូវមានគំនិតច្នៃប្រតិដ្ឋ។ បន្ថែមពីធុរកិច្ចបរិយាបន្ននេះ ប្រព័ន្ធឌីជីថលក៏បានដើរតួយ៉ាងសំខាន់ក្នុងការជួយអាជីវកម្មឱ្យកាន់តែរីកចម្រើនផងដែរ»។

ទាក់ទិននឹងចំណុចនេះ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានមាន ប្រសាសន៍ថា ឌីជីថលពិតមានសារៈសំខាន់ណាស់ដែលអាចជួយដល់គ្រប់វិស័យ ហើយវាកាន់តែសំខាន់មួយកម្រិតទៀតសម្រាប់ម្ចាស់អាជីវកម្មក្នុងការសម្របខ្លួនទៅនឹងការវិវត្តរបស់សង្គម។

ជាទស្សនៈរបស់ឯកឧត្តមផ្ទាល់ គឺមានការគាំទ្រយ៉ាងពេញទំហឹងចំពោះការប្រើប្រាស់ឌីជីថលដល់សហគ្រាសធុនមីក្រូ តូច និងមធ្យម ដែលកិច្ចការនេះដើរទន្ទឹមទៅនឹងគោលនយោបាយសេដ្ឋកិច្ចឌីជីថលរបស់រដ្ឋាភិបាលសម្រាប់ឆ្នាំ២០២២-២០៣៥។

គួររំលឹកផងដែរថា ចក្ខុវិស័យនៃគោលនយោបាយរដ្ឋាភិបាលឌីជីថលកម្ពុជា ឆ្នាំ២០២២-២០៣៥ គឺសំដៅលើការកសាងរដ្ឋាភិបាលឌីជីថលដើម្បីលើកកម្ពស់គុណភាពជីវិត និងទំនុកចិត្តប្រជាពលរដ្ឋតាមរយៈការបម្រើ សេវាសាធារណៈឱ្យកាន់តែប្រសើរ ហើយដើម្បីសម្រេចបានចក្ខុវិស័យនេះ ឯកសារគោលនយោបាយ រដ្ឋាភិបាលឌីជីថលកម្ពុជា ២០២២-២០៣៥ បានដាក់ចេញនូវយុទ្ទសាស្ត្រចំនួន ១០រួមមាន ៖

ទី១គឺ ការរៀបចំ និងកែលម្អហេដ្ឋារចនាសម្ព័ន្ធតភ្ជាប់ឌីជីថល, ទី២ ការរៀបចំ និងកែលម្អហេដ្ឋារចនា សម្ព័ន្ធប្រព័ន្ធទូទាត់សងប្រាក់ឌីជីថលសម្រាប់សេវាសាធារណៈ, ទី៣ ការរៀបចំ និងពង្រឹងហេដ្ឋារចនា សម្ព័ន្ធសន្តិសុខឌីជីថល , ទី៤ ការអភិវឌ្ឍហេដ្ឋារចនាសម្ព័ន្ធសេវាប្រៃសណីយ៍ , ទី៥ ការរៀបចំអភិបាល កិច្ចរដ្ឋា ភិបាលឌីជីថល។

ទី៦ ការធ្វើបរិវត្តកម្មរដ្ឋាភិបាលឌីជីថល និងសេវាសាធារណៈ , ទី៧ ការកសាងមួលធនមនុស្សឌីជីថល , ទី៨ ការលើកកម្ពស់ការស្រាវជ្រាវ និងនវានុវត្តន៍ឌីជីថល , ទី៩ ការរៀបចំកិច្ចសហការជាមួយ ក្រុមហ៊ុន បច្ចេកវិទ្យា ឌីជីថល និងចុងក្រោយ ទី១០ គឺការលើកកម្ពស់ធុរកិច្ចថ្មីឌីជីថល៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្តេចធិបតី ៖ ការគ្រប់គ្រងធនធានទឹកបានកាន់តែល្អ អាចជួយដល់ការអភិវឌ្ឍសង្គម និងសេដ្ឋកិច្ច

ព្រឹត្តិការណ៍, សេដ្ឋកិច្ច

• 11/04/2024

ទឹកគឺជាធនធានដ៏មានសារៈសំខាន់សម្រាប់ការអភិវឌ្ឍសង្គម និងសេដ្ឋកិច្ច ហើយការប្រើប្រាស់ធន​ធានទឹកប្រកបដោយប្រសិទ្ធភាព និងស័ក្ដិសិទ្ធិភាព គឺពិតជារបៀបវារៈសំខាន់ខ្លាំងបំផុត។

ស្លឹកទ្រាំង មានប្រយោជន៍ច្រើន និងធ្វើកាបូបបានស្អាតប្លែក និងប្រើបានយូរ

ជំនួញ, ព្រឹត្តិការណ៍

• 11/04/2024

ទ្រាំង ជាដំណាំមួយប្រភេទដែលមានអត្ថប្រយោជន៍ច្រើន សូម្បីស្លឹកក៏អាចយកទៅវិញកែច្នៃជាសម្ភារប្រើប្រាស់ ជាពិសេសធ្វើជាការបូបដ៏មានសោភ័ណភាពស្រស់ស្អាត។

វិស័យកម្មន្តសាល និងការងើបឡើងវិញ ជួយជំរុញកំណើនសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 11/04/2024

ADB ព្យាករថាសេដ្ឋកិច្ចកម្ពុជានឹងកើនឡើងក្នុងអត្រា ៥,៨% ក្នុងឆ្នាំ២០២៤និង៦,០%ក្នុងឆ្នាំ២០២៥ ដោយសារកំណើនក្នុងវិស័យកម្មន្តសាល និង វិស័យទេសចរណ៍ ។

ភាពរីកចម្រើននៃប្រព័ន្ធធនាគារនៅកម្ពុជាបង្ហាញយ៉ាងច្បាស់នូវជំនឿទុកចិត្តរបស់សាធារណជន និងវិនិយោគិនមកលើវិស័យនេះ

ព្រឹត្តិការណ៍, ហិរញ្ញវត្ថុ

• 11/04/2024

ក្នុងរយៈពេល ៣០ឆ្នាំនេះ ប្រព័ន្ធធនាគារនៅកម្ពុជារក្សាបានភាពរីកចម្រើឥតឈប់ឈរ ដោយបន្តរក្សាបាននូវភាពធន់ និងបោះជំហានទៅមុខជាលំដាប់ ក្នុងការរួមចំណែកជំរុញសកម្មភាពសេដ្ឋកិច្ច

តម្លៃប្រេងឡើងថ្លៃ ១​ ដុល្លារបន្ថែមក្នុងមួយបារ៉ែល បន្ទាប់ពីមានការវាយប្រហារនៅតំបន់ហ្គហ្សា

ព្រឹត្តិការណ៍, សេដ្ឋកិច្ច

• 11/04/2024

តម្លៃប្រេងឆៅម៉ាក Brent ឡើងថ្លៃ ១,២ ភាគរយ ឬ ៩០,៤៨ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ១,២ ភាគរយ ឬ ៨៦,២១ ដុល្លារក្នុងមួយបារ៉ែល

កម្ពុជា និងតំបន់ឈូងសមុទ្រពិសេស ចុះអនុស្សរណៈនៃការយោគយល់គ្នាជំរុញកិច្ចសហប្រតិបត្តិការសេដ្ឋកិច្ច

ព្រឹត្តិការណ៍, សេដ្ឋកិច្ច

• 11/04/2024

ក្រសួងឧស្សាហកម្ម វិទ្យាសាស្ត្រ បច្ចេកវិទ្យានិងនវានុវត្តន៍និងតំបន់ឈូងសមុទ្រពិសេសចុះអនុស្សរណៈយោគយល់គ្នាជំរុញកិច្ចសហប្រតិបត្តិការសេដ្ឋកិច្ច

តួកគីកំពុងមានជម្លោះពាណិជ្ជកម្មជាមួយនឹងអ៊ីស្រាអែល ទាក់ទងទៅនឹងសង្រ្គាមនៅតំបន់ហ្គាហ្សា

ព្រឹត្តិការណ៍, សេដ្ឋកិច្ច

• 11/04/2024

ទីក្រុងអង់ការ៉ាបានដាក់ការរឹតបន្តឹងលើពាណិជ្ជកម្មសម្រាប់ការនាំចេញផលិតផល ៥៤​ ប្រភេទទៅកាន់អ៊ីស្រាអែល ​បន្ទាប់​ពី​រដ្ឋាភិបាល​អ៊ីស្រាអែល​បដិសេធ​មិន​អនុញ្ញាត​ឲ្យ​ជំនួយ​តួកគី​ទម្លាក់​ចូល​ក្នុង​តំបន់​ហ្គាហ្សា

សម្ដេច​ធិបតី ៖ គម្រោង​ព្រែកជីកហ្វូណន​តេជោ​ ជីកថ្មីតែ​៧គីឡូម៉ែត្រ​ប៉ុណ្ណោះ

ព្រឹត្តិការណ៍, អចលនទ្រព្យ

• 11/04/2024

គម្រោងព្រែកជីកហ្វូណនតេជោ​​ គ្រោង​នឹង​បើក​ការដ្ឋាន​នៅ​ពាក់​កណ្ដាល​ឆ្នាំ ២០២៤​នេះ ហើយគម្រោងនេះ មានប្រវែង​ប្រមាណ១៨០គ.ម ប៉ុន្តែជីក​ថ្មីតែ៧គ.មប៉ុណ្ណោះ

សម្តេចធិបតី ៖ តម្លៃទីផ្សារកសិផលប្រែប្រួលមិនទៀងទាត់ ខណៈរាជរដ្ឋាភិបាលប្រឹងប្រែងរក្សាលំនឹងទីផ្សារ​

ព្រឹត្តិការណ៍, សេដ្ឋកិច្ច

• 11/04/2024

សម្តេចធិបតីបានគូសបញ្ជាក់ថា វិស័យកសិកម្មនៅតែដើរតួនាទីយ៉ាងសំខាន់ក្នុងសេដ្ឋកិច្ចកម្ពុជា ហេតុនេះហើយរាជរដ្ឋាភិបាលនៅតែបន្តយកចិត្តទុកដាក់ជំរុញ និងលើកកម្ពស់

ចង្ក្រានបរិស្ថាន ៖ ជួយពលរដ្ឋជាច្រើនគ្រួសារឱ្យសន្សំសំចៃថវិកាបានច្រើនជាងមុន

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 11/04/2024

តាមរយៈចង្ក្រាននេះ គេអាចប្រើអុសតិចជាងមុន អាចតម្លើង ឬបន្ថយកម្ដៅបាន និងអាចកាត់បន្ថយផ្សែងរហូតទៅដល់ ៩៥% ដែលជាការគិតគូដល់សុខមាលភាពអ្នកប្រើប្រាស់