សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ប៉ារីស ៖ ក្រុមអ្នកផលិតស្រាសាំប៉ាញ (Champagne) ជាច្រើនកាលពីដើមសប្តាហ៍កន្លងទៅនេះបានអះអាងថា ទំហំនៃការលក់ស្រាសាំប៉ាញ កាលពីឆ្នាំកន្លងទៅបានកើនឡើងរហូតដល់កំណត់ត្រាចាស់ដែលធ្លាប់មានកាលពីឆ្នាំ២០១៩ក្នុងពេលដែលពិភពលោកទាំងមូលកំពុងសម្ងំគេចចេញពីវិបត្តិកូវីដ។
ក្រុមអ្នកផលិតស្រាដែលភាគច្រើនជាក្រុមហ៊ុនក្នុងប្រទេសបារាំងធ្លាប់បានធ្វើការព្យាករណ៍រួចមកហើយថា ចំនួនលក់នៅក្នុងឆ្នាំ២០២១ នឹងអាចបំបែកកំណត់ត្រា ហើយជាលទ្ធផលការលក់ Champagne មានចំនួនដល់ទៅ ៥,៧ពាន់លានដុល្លារ ពោលគឺកើនឡើងក្នុងអត្រាដល់ទៅ ១៤ភាគរយ ច្រើនជាងកម្រិតដែលធ្លាប់មានកាលពីមុនសម័យវិបត្តិកូវីដទៅទៀត។
ទោះបីជាយ៉ាងណាក្តី សកម្មភាពធ្វើអាជីវកម្មស្រាសាំប៉ាញនេះបានធ្លាក់ចុះយ៉ាងខ្លាំងកាលឆ្នាំ២០២០នៅពេលដែលកូវីដកំពុងវាយប្រហារលើកដំបូង ដែលគ្រានោះទាំងបារ ភោជនីយដ្ឋាន ព្រមទាំងកម្មវិធីជួបជុំទាំងឡាយត្រូវបានបិទស្ទើគ្រប់ទីកន្លែង។
តួលេខជាផ្លូវការនេះក៏បានបង្ហាញដែរថា ការនាំចេញស្រាកាលពីឆ្នាំ២០២១ ចំពោះស្រាកម្រិត ០,៧៥លីត្រ មានរហូតទៅដល់ ១៨០លានដប កើនឡើង ៣៧ភាគរយធៀបពីឆ្នាំ២០២០ និងលើសចំនួនកាលពីឆ្នាំ២០១៩ ប្រមាណជា១៥ភាគរយ ខណៈដែលគិតត្រឹមទីផ្សារប្រទេសបារាំងប៉ុណ្ណោះ ទំហំស្រាកម្រិតនេះមានការកើនឡើងប្រមាណជាង២៥ភាគរយ ធៀបទៅនឹងឆ្នាំ២០២០ ប៉ុន្តែស្មើទៅនឹងចំនួនកាលពីឆ្នាំ២០១៩ ឬប្រមាណទៅដល់១៤០លានដប។
ទីផ្សារអាមេរិក គឺជាអ្នកដែលប្រើប្រាស់ស្រាសាំប៉ាញច្រើនជាងគេបំផុតរបស់សកលលោកក្រៅពីទីផ្សារបារាំង ដែលជាអ្នកផលិតដោយផ្ទាល់ ពោលគឺកើនឡើងប្រមាណ ៣១ភាគរយធៀបទៅនឹងឆ្នាំ២០១៩ ឬក្នុងចំនួនប្រមាណជា៣៤លានដប។ ក្រៅពីនោះគេសង្កេតឃើញថា ប្រទេសអង់គ្លេសជាទីផ្សារនាំចូលស្រាសាំប៉ាញធំជាងគេទី២ប្រមាណជា ២៩លានដប កើនឡើងតែ៧ភាគរយធៀបទៅនឹងឆ្នាំ២០១៩ ហើយបន្ទាប់មកជាប្រទេសអាល្លឺម៉ង់ប្រមាណជា១៥លានដប កើនឡើងប្រមាណជា២៨ភាគរយ ខណៈដែលប្រទេសអូស្ត្រាលីបាននាំចូលប្រមាណជា១២លានដបធៀបទៅនឹងឆ្នាំ២០១៩កើនឡើងដល់ទៅ៥៣ភាគរយ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្ពុជា កំពុងពិនិត្យលទ្ធភាពកែច្នៃសំរាម ទៅជាអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ
Top News, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 02/10/2026
ភ្នំពេញ ៖ រាជរដ្ឋាភិបាលកម្ពុជា តាមរយៈក្រសួងបរិស្ថាន កំពុងពិនិត្យលទ្ធភាពកែច្នៃសំរាម និងសំណល់រឹង ទៅជាថាមពលអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ។ មន្ដ្រីជាន់ខ្ពស់ក្រសួងបរិស្ថាន បានប្រាប់បណ្ដាញសារព័ត៌មាន AMS នៅថ្ងៃទី២ ខែតុលា នេះ ថា លទ្ធភាពកែច្នៃទៅរួច ឬអត់ គឺស្ថិតនៅលើទុនវិនិយោគរបស់ក្រុមហ៊ុនធំណាមួយនឹងចូលខ្លួនមកកែច្នៃ ព្រោះគម្រោងនេះត្រូវចំណាយច្រើន
អាម៉េរិកចំណាយជាង ៥ ពាន់លានដុល្លារជួសជុល និងធ្វើទំនើបកម្មនាវាផ្ទុកយន្តហោះ USS Harry S. Truman
ព្រឹត្តិការណ៍, អាជីវកម្មថ្មី និងនវានុវត្ត
• 02/10/2026
សហរដ្ឋអាម៉េរិកគ្រោងចំណាយ ៥,១ ពាន់លានដុល្លារ ដើម្បីជួសជុល ថែទាំ និងធ្វើទំនើបកម្មនាវាផ្ទុកយន្តហោះចម្បាំង USS Harry S. Truman ដើម្បីត្រៀមនាវានេះសម្រាប់បន្តប្រើប្រាស់ក្នុងពាក់កណ្តាលជីវិតបម្រើការងារដែលនៅសល់
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ខេត្តស្វាយរៀង បំបែកកំណត់ត្រាថ្មីទទួលបានទុនវិនិយោគច្រើនជាងគេក្នុងឆ្នាំ២០២៥ រហូតដល់ជាង ១,២ពាន់លានដុល្លារ
ទំព័រថ្មីនៃវិស័យទេសចរណ៍កម្ពុជា ក្រោយបំបែកឯតទគ្គកម្មថ្មីនៃការបង្ហាញរថយន្តទំនើបច្រើនជាងគេបំផុតលើពិភពលោកនៅទឹកដីអច្ឆរិយៈមុខប្រាសាទអង្គរ
Account
Security
Favourite Content