តោះ! ស្វែងយល់ពីបច្ចេកទេសងាយៗក្នុងចិញ្ចឹមអន្ទង់ ខណៈអន្ទង់សាច់អាចលក់បានរហូតដល់ ៤០០០០៛ក្នុងមួយគីឡូក្រាម

ភ្នំពេញ ៖ អន្ទង់ ជាវារីសត្វមួយប្រភេទដែលគេស្គាល់ជាទូទៅដោយសារវាជាប្រភពអាហារសម្បូរសារធាតុចិញ្ចឹមច្រើន រសជាតិឆ្ងាញ់ និងមានតម្រូវការទីផ្សារខ្ពស់។ ហេតុនេះ មុខរបរចិញ្ចឹមអន្ទង់ក៏កំពុងមានការចាប់អារម្មណ៍ច្រើនផងដែរពីសំណាក់កសិករ ក៏ដូចជាប្រជាពលរដ្ឋទូទៅ ពិសេសគឺចំណេះដឹងសំខាន់ៗក្នុងការចិញ្ចឹមអន្ទង់ក្នុងអាងផ្ទាល់តែម្ដង ហើយបើនិយាយតម្លៃអន្ទង់សាច់លើទីផ្សារ គេអាចលក់បានក្នុងតម្លៃចាប់ពី ២៥ ០០០ រហូតទៅដល់ ៤០ ០០០ រៀល ក្នុងមួយគីឡូក្រាម អាស្រ័យទៅលើទំហំអន្ទង់។

អន្ទង់ពីដើមមកត្រូវបានគេដឹងថា ជាសត្វរស់នៅតាមបឹង ​ទន្លេរ ស្រះ​ ឬក៏តាមវាលស្រែ ពោលគឺនៅតាមកន្លែងដែលសម្បូរពពួកសត្វល្អិតរស់នៅច្រើន។ នៅប្រទេសកម្ពុជាយើងគេសង្កេតឃើញថា អន្ទង់មានបីប្រភេទគឺ អន្ទង់ត្រាវ អន្ទង់ដំណើប និងអន្ទង់ព្រ័ត្រ ហើយក្នុងចំណោមនោះ អន្ទង់ដំណើប និងអន្ទង់ត្រាវមានរសជាតិឆ្ងាញ់ និងមានប្រជាប្រិយភាពជាងគេ។

ដើម្បីធ្វើការចិញ្ចឹមអន្ទង់បាន កសិករត្រូវការកូនអន្ទង់ ដែលបានមកពីការនេសាទ ឬក៏ទិញពូជដើម្បីយកមមកចិញ្ចឹម។ ក្នុងការចិញ្ចឹមនេះទៀតសោត គេអាចចិញ្ចឹមនៅតាមទ្រុង បែ ត្រែង ពិសេសការចិញ្ចឹមកក្នុងអាងតូចៗ ដែលគេអាចអនុវត្តបានគ្រប់ទីកន្លែង។  

ក្នុងការចិញ្ចឹមអន្ទង់ក្នុងអាងប្លាស្ទិកបាន យើងត្រូវការសម្ភារសំខាន់ៗដូចជា បង្គោលឈើ របាឈើ កម្រាលប្លាស្ទិក ស្បៃនីឡុងក្រឡាញឹក ខ្សែនីឡុងឬលួស ដែកគោល និងទុយោ។ សម្រាប់ទំហំអាងសមស្រប យើងអាចសាងសង់ត្រឹមទំហំ បណ្ដោយ ៥ ម៉ែត្រ ទទឹង ១.៥ ម៉ែត្រ និងកម្ពស់ ០.៧ ម៉ែត្រ ដោយប្រើវល្លិ៍ត្អើក មែកឈើដូចជា មែករាំង មែកត្រស់ សម្រាប់ធ្វើជាជម្រកអន្ទង់រស់នៅ។

ចំណែកការជ្រើសរើសពូជវិញ យើងគួររើសយកកូនពូជណាដែលគ្មានស្នាមរបួស មានទំហំប៉ុនៗគ្នា និងមានអាយុដំណាលគ្នាមកដាក់ចិញ្ចឹម ចៀសវាងអន្ទង់អាចស៊ីគ្នាឯពេលខ្វះចំណី ឬពេលវាឃ្លានចំណីខ្លាំង។ ទំហំកូនអន្ទង់ដែលសមស្របគឺ ២០ ក្បាលក្នុង ១ គីឡូក្រាម  ឬធំជាងនេះកាន់តែប្រសើរ។

ចំពោះការដាក់ចិញ្ចឹមវិញ តាមបទពិសោធរបស់កសិករដែលធ្លាប់ចិញ្ចឹមកន្លងមក យើងគួរដាក់កូនអន្ទង់ ២០០-២៥០ ក្បាលក្នុងមួយម៉ែត្រការ៉េ ដើម្បីធានាអត្រារស់របស់កូនពូជ ចំណាយពេលតិច និងទទួលបានទិន្នផលខ្ពស់។ ហើយការលែងកូនអន្ទង់ចូលក្នុងអាងត្រូវធ្វើឡើងនៅពេលមេឃត្រជាក់ អាចជាពេលព្រឹក ឬពេលរសៀល ដោយធ្វើការលែងថ្មមៗ សន្សឹមៗ ព្រមទាំងធ្វើការបាចទឹកបញ្ចូលថង់ ឬធុងបន្តិចម្ដងៗ ដើម្បីឱ្យអន្ទង់ស៊ាំនឹងមជ្ឈដ្ឋានរស់នៅថ្មី។

ចំពោះការផ្ដល់ចំណី អន្ទង់ជាសត្វងាយឱ្យចំណី ដែលអាចប្រើកាកសំណល់ត្រីនៅតាមផ្សារ ខ្យង វារីសត្វ ឬពពួកត្រីល្អិត ពិសេសជន្លេន យកមកលាយជាមួយកន្ទក់ ម្សៅត្រី ឬវីតាមីន បន្ថែមជាមួយម្សៅស្អិតដូចជាម្សៅមី ដើម្បីរក្សាគុណភាពចំណី និងអាចបណ្ដែតលើផ្ទៃទឹកបានយូរ។ ចំពោះពេលដែលត្រូវឱ្យចំណី យើងត្រូវផ្ដល់នៅពេលល្ងាច មេឃត្រជាក់ ដោយឡែកនៅពេលទឹកមានក្លិនស្អុយ ឬក៏ទើបតែធ្វើការប្ដូរទឹកថ្មីភ្លាម ហើយយើងផ្អាកដាក់ចំណីប្រមាណ ៣ ថ្ងៃសិន។

ការគ្រប់គ្រងគុណភាពក៏ជាកត្តាសំខាន់ក្នុងការចិញ្ចឹមអន្ទង់ផងដែរ ដែលត្រូវសង្កេតនៅពេលអន្ទង់ងើបក្បាលលើផ្ទៃទឹកដើម្បីដកដង្ហើម នោះមានន័យថាទឹកមានបញ្ហាហើយ ហេតុនេះកសិករគួរប្ដូរទឹកថ្មីរៀងរាល់ ៥-៧ ថ្ងៃម្ដង នូវបរិមាណ ៥០-៧០ ភាគរយនៃទឹកក្នុងអាង។

យ៉ាងណាមិញ ការចិញ្ចឹមអន្ទង់ក៏ត្រូវជួបប្រទះនូវជំងឺមួយចំនួនដូចជា ជំងឺដំបៅ បារ៉ាសិត និងពពួកផ្សិត ដែលភាគច្រើនជាជំងឺបង្កដោយបរិស្ថានជុំវិញ។ វិធីការពារ គឺត្រូវពិនិត្រ និងធ្វើអនាម័យទឹក ក៏ដូចជាកូនអន្ទង់ឱ្យបានទៀងទាត់ចៀសវាងមានបញ្ហាដែលនាំឱ្យប៉ះពាល់ដល់អន្ទង់ក្នុងអាង។

ការប្រមូលផលអន្ទង់ យើងអាចចិញ្ចឹមត្រឹមរយៈពេល ៥-៦ ខែ ឬអាចទុកដល់ ៨ ខែ ទើបប្រមូលផលម្ដងដែលមាននោះអន្ទង់អាចមានទម្ងន់ចាប់ពី ១៥០ ក្រាម ទៅ ២២០ ក្រាមក្នុងមួយក្បាល។ ក្នុងការប្រមូលផលនេះ កសិករត្រូវត្រៀមកម្លាំង សម្ភារសម្រាប់ដង និងធុងជាដើម ហើយត្រូវប្រមូលសំបុករួចបង្ហូរទឹកឱ្យអស់ចេញពីអាង ដើម្បីងាយស្រួលក្នុងការប្រមូលផល៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

កម្ពុជា គឺជាស្ពានតភ្ជាប់ទីផ្សារក្នុងស្រុក តំបន់ និងសកលលោកដែលមានប្រជាជនសរុបរាប់ពាន់លាននាក់

Top News, ព្រឹត្តិការណ៍, សេដ្ឋកិច្ច

• 18/11/2026

ភ្នំពេញ ៖ បន្ទាប់ពីបញ្ចប់ដោយជោគជ័យនៃកិច្ចប្រជុំកំពូលហ្វ្រង់កូហ្វូនីលើកទី២០ កម្ពុជា កំពុងដាក់ខ្លួនជាមជ្ឈមណ្ឌលវិនិយោគដ៏មានសក្តានុពល និងគាំទ្រធុរកិច្ចនៅចំបេះដូងនៃតំបន់អាស៊ាន ហើយក៏ជាស្ពានតភ្ជាប់ទីផ្សារពាណិជ្ជកម្មទាំងក្នុងតំបន់ និងសកលលោកផងដែរ។  ជាមួយនឹងឥរិយាបថបើកចំហសម្រាប់ការវិនិយោគដែលផ្តល់ភាពជាម្ចាស់ភាគហ៊ុនដល់បរទេសរហូតដល់ ១០០% ស្របពេលដែលកម្ពុជាជាប្រទេសដែលមានកម្លាំងពលកម្មវ័យក្មេងអាចបណ្តុះបណ្តាលបាន និងការផ្លាស់ប្តូរជាយុទ្ធសាស្ត្រឆ្ពោះទៅរកវិស័យអេឡិចត្រូនិក ថាមពលបៃតង និងផលិតកម្មដែលមានតម្លៃបន្ថែមខ្ពស់ កម្ពុជាបានផ្តល់ជូនអ្នកវិនិយោគសកលនូវច្រកទ្វារដោយផ្ទាល់ទៅកាន់មហាអនុតំបន់ទន្លេមេគង្គ អ្នកប្រើប្រាស់ចំនួន ៧០០ លាននាក់របស់អាស៊ាន និងដៃគូពាណិជ្ជកម្មអន្តរជាតិសំខាន់ៗ។ ថ្លែងក្នុងកិច្ចប្រជុំកំពូលហ្វ្រង់កូហ្វូនី

អាជីវកម្ម​ត្រី​ចំហុយ​ខ្មែរ​នៅ​ព្រែក​ព្នៅ ​​បង្កើត​តម្លៃ​បន្ថែម​តាមរយៈ​គុណភាព និង​ការ​វេចខ្ចប់​បែប​ធម្មជាតិ​

ជំនួញ, ព្រឹត្តិការណ៍

• 18/11/2026

​ ​អាជីវកម្ម​ត្រី​ចំហុយ​ខ្នាត​គ្រួសារ​មួយ​នៅ​ខណ្ឌ​ព្រែក​ព្នៅ​ ​រាជធានី​ភ្នំពេញ​ ​កំពុង​បង្កើត​ភាព​ខុសប្លែក​ក្នុង​ទីផ្សារ​ម្ហូប​អាហារ​តាម​អនឡាញ​ ​តាមរយៈ​ការ​ផ្តោត​លើ​គុណភាព​ អនាម័យ ​និង​ការ​វេចខ្ចប់​បែប​ធម្មជាតិ​ ​ដោយ​ប្រើប្រាស់​អនុផល​ព្រៃឈើ​ក្នុង​ស្រុក​ ​ជំនួស​ឱ្យ​ប្រអប់​ស្នោ

ប្រធានាធិបតីបារាំង អេម៉ានុយអែល ម៉ាក្រុង កោតសរសើរដល់ក្រុមហ៊ុន កាណាឌីយ៉ា គ្រុប នៅក្នុងព្រឹត្តិការណ៍ ហ្រ្វង់កូតិច (FrancoTech)

ព្រឹត្តិការណ៍, អត្ថបទពាណិជ្ជកម្ម

• 18/11/2026

ភ្នំពេញ ៖ នៅក្នុងថ្ងៃទី២ នៃព្រឹត្តិការណ៍ ហ្រ្វង់កូតិច (FrancoTech) លោកប្រធានាធិបតីបារាំង អេម៉ានុយអែល ម៉ាក្រុង (Emmanuel Macron) បានជួបជាមួយ ឧកញ៉ាវេជ្ជបណ្ឌិត ពុង ការ៉ូលីន (Carolyne Pung) អនុប្រធានក្រុមប្រឹក្សាភិបាលក្រុមហ៊ុន កាណាឌីយ៉ា គ្រុប

រុស្ស៊ី​ប្ដូរ​យុទ្ធសាស្ត្រ​ហិរញ្ញវត្ថុ ​​ពង្រឹង​ពាណិជ្ជកម្ម​ជាមួយ​ចិន​ ទោះ​ការ​ប្រើ​ប្រាក់​យន់​ធ្លាក់ចុះ​

ព្រឹត្តិការណ៍, អាជីវកម្មថ្មី និងនវានុវត្ត

• 18/11/2026

ការ​ធ្លាក់ចុះ​នៃ​ការ​ទូទាត់​ជា​ប្រាក់​យន់​ក្នុង​ពាណិជ្ជកម្ម​រវាង​រុស្ស៊ី​ និង​ចិន ​កំពុង​បង្កើត​ការ​ជជែក​ដេញដោល​អំពី​ប្រសិទ្ធភាព​នៃ​យុទ្ធសាស្ត្រ​របស់​រុស្ស៊ី​ក្នុង​ការ​កាត់បន្ថយ​ការ​ពឹងផ្អែក​លើ​ប្រាក់​ដុល្លារ​អាម៉េរិក

អាស៊ានចង់ពង្រឹងជំហររបស់តំបន់ឲ្យធំជាងមុននៅក្នុងខ្សែច្រវាក់ផ្គត់ផ្គង់រ៉ែកម្រជាសកល

ព្រឹត្តិការណ៍, សេដ្ឋកិច្ច

• 18/11/2026

នៅក្នុងសេចក្តីថ្លែងការណ៍មួយដែលត្រូវបានអនុម័តក្នុងអំឡុងកិច្ចប្រជុំកំពូលអាស៊ានលើកទី៤៩ នៅទីក្រុងម៉ានីល មេដឹកនាំទាំងអស់ប្តេជ្ញាបង្កើតយុទ្ធសាស្ត្ររ៉ែកម្រសំខាន់ៗរបស់អាស៊ាន ដើម្បីតម្រង់ទិសកិច្ចសហប្រតិបត្តិការនៅទូទាំងខ្សែច្រវាក់តម្លៃរ៉ែ

ជំនួបដ៏តានតឹងរវាងកំពូលបុរសខ្លាំងទាំង៣ នៅ APEC ក្រោយបោះបង់ចោលសន្ធិសញ្ញានុយក្លេអ៊ែរជិត១ឆ្នាំ

ព្រឹត្តិការណ៍, អាជីវកម្មថ្មី និងនវានុវត្ត

• 18/11/2026

បរទេស ៖ រយៈពេល៩ខែមកហើយបន្ទាប់ពីការផុតកំណត់នៃសន្ធិសញ្ញា New START ដែលមានន័យថា មហាអំណាចនុយក្លេអ៊ែរធំៗបំផុតរបស់ពិភពលោកនឹងមិនមានដែនកំណត់ផ្លូវច្បាប់ទៀតឡើយទៅលើការគ្រប់គ្រងឃ្លាំងអាវុធយុទ្ធសាស្ត្រប្រល័យលោក។ មកដល់ពេលនេះប្រធានាធិបតីអាមេរិក លោក Donald Trump ប្រធានាធិបតីចិន លោក Xi Jinping និងប្រធានាធិបតីរុស្ស៊ី លោក Vladimir Putin គ្រោងជួបប្រជុំគ្នានៅថ្ងៃព្រហស្បតិ៍

ពាណិជ្ជកម្ម​កម្ពុជា​-​បារាំង ​ឈាន​ដល់​ដំណាក់កាល​អនុវត្ត​ឱ្យ​ចេញ​ជា​លទ្ធផល​ជាក់ស្តែង​

ព្រឹត្តិការណ៍, សេដ្ឋកិច្ច

• 18/11/2026

​ ​ទំនាក់ទំនង​សេដ្ឋកិច្ច​រវាង​កម្ពុជា​ ​និង​បារាំង ​បាន​ឈាន​ដល់​ដំណាក់កាល​អនុវត្ត ​ដើម្បី​បង្កើត​លទ្ធផល​ជាក់ស្តែង​ ​ដោយ​ផ្អែក​លើ​សក្តានុពល​សេដ្ឋកិច្ច​ ​និង​ចំណុច​ខ្លាំង​របស់​កម្ពុជា​ ​ដែល​អាច​ទាក់ទាញ​វិនិយោគិន​បារាំង

ន​នោង​ជ្រុង ​ដំណាំ​រយៈពេល​ខ្លី ងាយ​ដាំដុះ​ ​និង​អាច​រក​ចំណូល​បាន​ជិត ​២០ ​លាន​រៀល​លើ​ផ្ទៃដី​ ​៧៥ ​អា

ជំនួញ, ព្រឹត្តិការណ៍

• 18/11/2026

ដំណាំននោង​ជ្រុង​កំពុង​បង្ហាញ​ពី​សក្តានុពល​ជា​បន្លែ​សេដ្ឋកិច្ច​មួយ​សម្រាប់​កសិករ ​ដោយ​សារ​ងាយស្រួល​ដាំដុះ​ ថែទាំ​មិន​ស្មុគស្មាញ ​អាច​ដាំ​បាន​គ្រប់​រដូវ​កាល​ ​និង​ឆាប់​ទទួល​បាន​ផល ​ដែល​អាច​ជួយ​បង្កើត​ប្រាក់​ចំណូល​ជា​ប្រចាំ​សម្រាប់​គ្រួសារ​កសិករ

ប៊ុលហ្គារី ​និង​វៀតណាម ​​ប្តេជ្ញា​ពង្រីក​កិច្ច​សហប្រតិបត្តិការ​សេដ្ឋកិច្ច​ ​និង​ការពារ​ជាតិ​

ព្រឹត្តិការណ៍, សេដ្ឋកិច្ច

• 18/11/2026

ប៊ុលហ្គារី ​និង​វៀតណាម ​បាន​ប្តេជ្ញា​ពង្រឹង​ភាព​ជា​ដៃគូ​យុទ្ធសាស្ត្រ​ឱ្យ​កាន់តែ​ស៊ីជម្រៅ​ ​តាមរយៈ​ការ​ពង្រីក​កិច្ច​សហប្រតិបត្តិការ​លើ​វិស័យ​សេដ្ឋកិច្ច​ ​ការពារ​ជាតិ​ ការ​អប់រំ​ ​និង​បច្ចេកវិទ្យា​ខ្ពស់ ​ក្នុង​ជំនួប​ទ្វេ​ភាគី​រវាង​ប្រមុខ​រដ្ឋ​នៃ​ប្រទេស​ទាំង​ពីរ ​នៅ​រាជធានី​ភ្នំពេញ​ ​ប្រទេស​កម្ពុជា

អូស៊ីអាយស៊ី រៀបចំកិច្ចពិភាក្សាតុមូលជាមួយក្រុមប្រឹក្សាធុរកិច្ចកាណាដា-អាស៊ាន ដោយនាំយកថ្នាក់ដឹកនាំធុរកិច្ចមកពីប្រទេសកាណាដា និងតំបន់មេគង្គមកជួបជុំគ្នានៅអគារ Connexion កោះពេជ្រ

ព្រឹត្តិការណ៍, អត្ថបទពាណិជ្ជកម្ម

• 17/11/2026

ភ្នំពេញ ៖ ក្រុមហ៊ុន អូស៊ីអាយស៊ី (OCIC) បានរៀបចំកម្មវិធីពិភាក្សាតុមូលផ្នែកពាណិជ្ជកម្មរវាងកាណាដា និងតំបន់មេគង្គ នៅថ្ងៃទី ១៤ ខែវិច្ឆិកា ឆ្នាំ ២០២៦ នៅ Innovation Lab ក្នុងអគារ Connexion កោះពេជ្រ។ កម្មវិធីនេះត្រូវបានរៀបចំឡើងដោយក្រុមប្រឹក្សាពាណិជ្ជកម្មកាណាដា-អាស៊ាន (CABC)