សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ម្ចាស់សហគ្រាសក្នុងស្រុកកំពុងទទួលបានការយកចិត្តទុកដាក់ គាំទ្រយ៉ាងពេញទំហឹង និងផ្ដល់ឱកាសកាន់តែច្រើនឡើងៗក្នុងការអភិវឌ្ឍទាំងសមត្ថភាព និងពង្រីកវិសាលភាពអាជីវកម្មរបស់ខ្លួន តាមរយៈជំនួយរបស់សហគ្រិនខ្មែរ ឬ KE ដែលបានបង្កើតឡើងដើម្បីលើកកម្ពស់ប្រព័ន្ធអេកូឡូស៊ីសហគ្រិនភាពនៅកម្ពុជាផ្ទាល់តែម្ដង។
សហគ្រិនខ្មែរ ឬ Khmer Enterprise ត្រូវបានបង្កើតឡើងនៅក្រោមក្រសួងសេដ្ឋកិច្ច និងហិរញ្ញវត្ថុ ដោយមានគោលដៅកៀគរ វិនិយោគ និងគ្រប់គ្រងធនធាន ដែលបានមកពីប្រភពស្របច្បាប់ មកគាំទ្រប្រព័ន្ធអេកូឡូស៊ីសហគ្រិនភាពមួយដែលរស់រវើក និងផ្ដល់ការគាំទ្រទាំងផ្នែកហិរញ្ញវត្ថុ និងមិនមែនហិរញ្ញវត្ថុ ដល់សហគ្រិន ធុរកិច្ចថ្មី ដែលមាននវានុវត្តន៍ សហគ្រាសធុនតូច និងមធ្យម ដែលមានសក្ដានុពល ក៏ដូចជាស្ថាប័នដៃគូនានា។
ទន្ទឹមគ្នានេះដែរ ទស្សនវិស័យរបស់សហគ្រិនខ្មែរ គឺធ្វើជាថ្នល់ជាតិសម្រាប់ជំរុញសកម្មភាពរបស់សហគ្រិនក្នុងវិស័យអាទិភាពទាំង៤ គឺ បច្ចេកវិទ្យាសារគមនាគមន៍ និងព័ត៌មាន (ICT) សេវាកម្ម កសិកម្ម និងកម្មន្តសាល។ បើនិយាយឱ្យងាយយល់ ICT សម្ដៅលើផ្នែកបច្ចេកវិទ្យាព័ត៌មាន និងសារគមនាគមន៍ ដោយផ្ដោតសំខាន់ទៅលើធុរកិច្ចថ្មី ផ្នែកបច្ចេកវិទ្យា បរិវត្តកម្មឌីជីថលរបស់សហគ្រាសធុនតូច និងមធ្យម និងបរិយាកាសឌីជីថល។ ផ្នែកសេវាកម្ម គេផ្ដោតទៅលើការគាំទ្រដល់វិស័យសេវាកម្មរួមមានទេសចរណ៍ បដិសណ្ឋារកិច្ច និងភស្ភុភារ។ ដោយឡែកផ្នែកសិកម្ម គេគាំទ្រទៅលើផ្នែកសំខាន់ៗបីគឺ ផលិតភាព កសិ-កែច្នៃ និងការពង្រីកទីផ្សារ ឯកម្មន្តសាល ផ្ដោតសំខាន់លើការផលិតជំនួសការនាំចូល និងការបង្កើតកម្រងឧស្សាហកម្ម សហគ្រាសធុនតូច និងមធ្យម។
ជាក់ស្ដែង ការគាំទ្រផលិតផល និងសេវាកម្ម សហគ្រិនខ្មែរ បានផ្ដល់ជាជំនួយបច្ចេកទេសរួមមានការបណ្ដុះបណ្ដាល ធ្វើតេស្តផលិតផល ការបង្កើតផលិតផលគំរូ ការធ្វើនវានុវត្តផលិតផល ការផ្ទៀងផ្ទាត់ផលិតផលពីមន្ទីរពិសោធ ការអនុលោមតាមសុវត្ថិភាពចំណីអាហារ ការរកទីផ្សារផលិតផលនៅតាមពិព័ណ៌ក្នុងស្រុក និងអន្តរជាតិ។ KE ក៏បានចូលរួមជួយបង្កើតជំនាញ និងបណ្ដាញអាជីវកម្ម តាមរយៈកម្មវិធីនានដូចជា ទំនាក់ទំនងជាមួយអ្នកជំនាញ ការប្រកួតប្រជែង ព័ត៌មានពីអាជីវកម្ម សៀវភៅណែនាំពីដៃគូអាជីវកម្ម និងការប្រឹក្សាយោបល់អាជីវកម្ម ការចុះបញ្ជីអាជីវកម្ម និងឱកាសវិនិយោគផងដែរ។
គួរបញ្ជាក់ដែរថា បេសកកម្មគាំទ្រក្នុងការកសាងប្រព័ន្ធអេកូឡូស៊ីសហគ្រិនភាព របស់សហគ្រិនខ្មែររួមមាន៖
១. ការផ្សព្វផ្សាយវប្បធម៌សហគ្រិនភាពក្នុងចំណោមយុវជនដើម្បីអភិវឌ្ឍសហគ្រិនជំនាន់ថ្មី
២. លោកកម្ពស់សមត្ថភាពសហគ្រិន រាប់ចាប់តាំងពីការបណ្ដុះគំនិត រហូតដល់ដំណាក់កាលពង្រីកធុរកិច្ចអន្តរជាតិ
៣. ការកសាងទំនាក់ទំនងធុរកិច្ចរវាងវិស័យសាធារណៈ និងវិស័យឯកជន ក៏ដូចជាដៃគូពាក់ព័ន្ធផ្សេងទៀត
៤. ការផ្ដល់ការគាំទ្រមូលនិធិតាមរយៈជំនួយជាដើមទុន កញ្ចប់ជំនួយសហគ្រិនខ្មែរ ដែលជាការគាំទ្រផ្នែកហរិញ្ញវត្ថុដល់សហគ្រាសធុនតូច និងមធ្យម ធុរកិច្ចថ្មី ដើម្បីដោះស្រាយបញ្ហា៕
Account
Security
Favourite Content