ដីត្រឹមតែ ១ហិកតា ក៏អាចដាំដំណាំខ្ទឹមបារាំងបានផលចាប់ពី ៣០-៧០ តោន

ខ្ទឹមបារាំង ជាពពួកដំណាំខ្ទឹមម្យ៉ាងដែលមានរសជាតិហឺរ និងក្លិនប្រហើរខុសពីបន្លែដទៃ ហើយត្រូវបានគេនិយមទទួលទានដែលភាគច្រើនជាបន្លែនាំចូលពីក្រៅប្រទេសដោយសារតែខ្ទឹមបារាំងជាប្រភេទដំណាំដែលពិបាកដាំជាងខ្ទឹមដទៃទៀត។ ហេតុនេះ ដើម្បីជាជំនួយផ្នែកបច្ចេកទេស​សំខាន់ៗសម្រាប់កសិករដើម្បីអាចមានលទ្ធភាពដាំខ្ទឹមបារាំងឱ្យបានជោគជ័យ និងអាចទទួលបានទិន្នផលខ្ពស់ចាប់ពី ៣០ទៅ ៧០តោនក្នុងមួយហិតា គប្បីស្វែងយល់ដូចបានបង្ហាញជូននៅខាងក្រោម។

ខ្ទឹមបារាំង ជារុក្ខជាតិដែលដុះលូតលាស់នៅលើគ្រប់ប្រភេទដី ជាពិសេសដីមមោក និងដីល្បាប់ដែលមានជីជាតិ រួមជាមួយនឹងពន្លឺថ្ងៃគ្រាប់គ្រាន់ដែលអាចដុះលូតលាស់បានល្អ។ ខ្ទឹមបារាំងមានទំហំ មានពណ៌ និងរសជាតិខុសៗគ្នា អាស្រ័យទៅតាមប្រភេទពូជ អាកាសធាតុ និងតំបន់ដាំដុះផ្សេងៗគ្នាដែលមានទាំងរដូវក្ដៅ និងរដូវរងារ។ ជាក់ស្ដែង សម្រាប់ស្ថានភាពដីនៅប្រទេសកម្ពុជា ពូជខ្ទឹមដែលស័ក្ដិសម គឺពូជ Granex Hybride ឬ Red Creol ដែលមានសម្បកមើមក្រាស់ ធន់នឹងជំងឺ ផ្ដល់ទិន្នផលខ្ពស់ មានអត្រាដាំដុះខ្ពស់ និងមានរសជាតិឆ្ងាញ់ផងដែរ។ ដោយឡែក ចំណែកដីវិញ ត្រូវជ្រើសរើសដីទួលមិនលិចទឹក មានពន្លឺថ្ងៃគ្រាប់គ្រាន់ ពិសេសដីនៅតាមមាត់ទន្លេ ដូចជា ដីល្បាយខ្សាច់ ឬដីដែលម្បូរជាតិផូស្វាត និងប៉ូតាស្យូមជាដើម។ ក្រៅពីនេះ ក៏ត្រូវជ្រើសរើសតំបន់ណាដែលនៅជិតប្រភពទឹក ដូចជា ជិតបឹងបួ ស្រះ អណ្ដូង ដើម្បីងាយស្រួលក្នុងការថែទាំ និងស្រោចទឹក។

ការដាំដុះ គួរចាប់ផ្ដើមនៅរដូវរំហើយដែលមានអាកាសធាតុត្រជាក់ល្អ ឬនៅចុងរដូវភ្លៀងដែលយើងអាចដាំបាន តែត្រូវការស្រោចទឹកដិតដល់។ ឯការរៀបចំដី ត្រូវភ្ជួរឱ្យបាន ២ ឬ ៣ដង ហើយរាស់បំបែកដីឱ្យម៉ដ្ឋល្អ ទឹកងាយជ្រាបចូល រក្សាសំណើមដីបានយូរ និងអាចឱ្យឫសខ្ទឹមបារាំងអាចស្រូបយកជីជាតិបានល្អ។

ចំពោះការបណ្ដុះកូន ត្រូវរៀបចំរង ឬថ្នាលសាបកូនដែលមានទទឹង ១ម៉ែត្រ បណ្ដោយតាមប្រវែងដីជាក់ស្ដែង ហើយលើកថ្នាល់កម្ពស់ចាប់ពី ២តឹកឡើងទៅ។ កសិករត្រូវដាក់ជីលាមកគោប្រមាណ ៣គីឡូក្រាមក្នុងដី ១ម៉ែត្រការ៉េ និងក្រាលចំបើងស្ដើងៗនៅពីលើថ្នាល។ មួយវិញទៀត គេក៏អាចបណ្ដុះគ្រាប់ខ្ទឹមបារាំងនៅក្នុងឡាំង ឬកេសឈើដែលងាយស្រួលដល់ការលើកដាក់ចុះឡើងបានដែរ។

ក្នុងការសាប ឬព្រួសគ្រាប់ខ្ទឹមបារាំង គេត្រូវយកគ្រាប់ខ្ទឹមបារាំងទៅលាយជាមួយដីខ្សាច់ម៉ដ្ឋ ឬផេះ រួចយកទៅសាបឬព្រោះឱ្យស្ដើងៗលើថ្នាល បន្ទាប់មកយកចំបើងគ្របពីលើដើម្បីរក្សាសំណើមឱ្យបានយូរ។ ស្រោចទឹក ៣ដងក្នុងថ្ងៃ និងយកផេះរោយជុំវិញថ្នាលការពារស្រមោចចូលស៊ីគ្រាប់ខ្ទឹម ដោយគ្របរហូតដល់ខ្ទឹមបារាំងដុះពន្លកទើបបើកចេញបាន។

ចំពោះរបៀបដាំ កសិករត្រូវដកកូនខ្ទឹមបារាំងដែលមានអាយុប្រមាណ ៣០-៣៥ថ្ងៃពីថ្នាលថ្មមៗ មិន​ឱ្យដាច់ឫស ឬបាក់ដើម រក្សាទុកដោយស្រោចទឹកឱ្យជោគល្មមពីពេលព្រឹកដល់ល្ងាចទើបយកកូនខ្ទឹមទៅស្ទូងបាន។ យើងត្រូវដាំនៅពេលរសៀល ឬមេឃត្រជាក់ដើម្បីកុំឱ្យខ្ទឹមស្វិត ឬស្លោក។ ក្រោយដាំហើយ ត្រូវគ្របឱ្យបាន៣ថ្ងៃដើម្បីឱ្យរក្សាសំណើមបានយូរ និងទុកចន្លោះគុម្ព ០.១ ម៉ែត្រ និងចន្លោះជួរ ០.១៥ម៉ែត្រ។

សម្រាប់ការថែទាំ ក្រោយរយៈពេលប្រមាណ ១០ថ្ងៃ ខ្ទឹមបារាំងចាប់ផ្ដើមលូតលាស់ និងដុះស្លឹកចេញ គេត្រូវបើកគម្របចេញនៅពេលព្រឹក និងគ្របវិញនៅពេលថ្ងៃត្រង់រយៈពេល៣ថ្ងៃសិន ទើបឈប់គ្រប។ រាប់ពីពេលដាំដល់វាមានអាយុ ២៥-៣០ថ្ងៃ គេត្រូវបាញ់ថ្នាំផ្សិត ១សប្ដាហ៍ម្ដង ដើម្បីការពារកូនខ្ទឹមបារាំងកុំឱ្យរលួយ ហើយក្រោយ ៦សប្ដាហ៍ ក្រោយអាចដករំលួសកូនចេញបានខ្លះ ដោយទុកចន្លោះប្រមាណ ១៥សង់ទីម៉ែត្រ  ហើយត្រូវស្រោចជីអ៊ុយរ៉េដើម្បីបំប៉នបន្ថែមនៅអាយុ ២ខែកន្លះក្រោយពេលដាំផងដែរ។ ក្រៅពីនេះ ខ្ទឹមបារាំងត្រូវការការស្រោចទឹក ជ្រោយដី ដកស្មៅ ពោលគឺការថែទាំដូចដំណាំដទៃទៀតដែរ។

យ៉ាងណាមិញ ការដាំខ្ទឹមបារាំងក៏អាចប្រឈមនឹងជំងឺផ្សេងៗ ក៏ដូចជាពពួកសត្វល្អិត ដូចជា ដង្កូវស៊ីរូងស្លឹក ទ្រីប ដង្កូវស៊ីញ៉េ ក្រៅពីនេះក៏មានជំងឺដែលបង្កពីរីរុស និងបាក់តេរីដូចជា ជំងឺផ្សិតលើមើមជាដើម ដែលគេអាចការពារបានតាមរយៈការហាលដីឱ្យស្ងួតមុនពេលដាំ គាស់មើមដែលមានជំងឺចោល បាញ់ថ្នាំ និងការដាំដំណាំឆ្លាស់ផងដែរ។

ចុងក្រោយគឺការប្រមូលផល ដែលអាចប្រមូលផលខ្ទឹមបារាំងបានល្អនៅពេលស្លឹករបស់វាចាប់ផ្ដើមងាប់បាក់នៅត្រង់កន្លែងក្បែរគល់ សំបកមើមឡើងពណ៌ក្រហម ឫស និងមើមលេចចេញពីដី ដែលពូជខ្លះមានរយៈពេលលូតលាស់ពី ១២០-១៧០ថ្ងៃ ហើយពូជខ្លះអាចផ្ដល់ទិន្នផលបានជាមធ្យមពី ៣០-៧០ តោនក្នុង១ហិកតា។

លុះក្រោយពេលប្រមូលផល មិនត្រូវយកមើមទៅលាងទឹកទេ ត្រូវទុកជាប់ដីតិចៗ ហើយកាត់ឫសចេញខ្លះ ចៀសវាងកាត់ដល់គល់ឫសដែលធ្វើឱ្យវាឆាប់រលួយ ហើយការរក្សាទុកខ្ទឹមបារាំងឱ្យបានយូរគឺត្រូវទុកទាំងស្លឹក រួចចងជាដុំព្យួរឱ្យផុតពីដី និងដាក់នៅកន្លែងដែលមានអាកាសធាតុត្រជាក់ មានខ្យល់ចេញចូលល្អ។ គួរបញ្ជាក់ដែរថា សារៈសំខាន់នៃខ្ទឹមបារាំង ក្រៅពីអាចយកទៅចម្អិនម្ហូបបានច្រើនមុខហើយ គឺសម្បូរទៅដោយវីតាមីន និងជាតិកាល់ស្យូមដែលជួយឱ្យសារពាង្គកាយមាំមួន ខ្លាំងក្លា ជួយឱ្យសុខភាពមាត់ធ្មេញល្អ ព្យាបាលជំងឺបេះដូង ជំងឺក្អក ជំងឺក្រពះ ជួយឱ្យស្បែកភ្លឺថ្លា និងជាឱសថសម្រាប់ជួយបន្សាបជាតិពិសរបស់សត្វល្អិតដ៏មានប្រសិទ្ធភាពផងដែរ៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រធានាធិបតីបារាំង អេម៉ានុយអែល ម៉ាក្រុង កោតសរសើរដល់ក្រុមហ៊ុន កាណាឌីយ៉ា គ្រុប នៅក្នុងព្រឹត្តិការណ៍ ហ្រ្វង់កូតិច (FrancoTech)

ព្រឹត្តិការណ៍, អត្ថបទពាណិជ្ជកម្ម

• 18/11/2026

ភ្នំពេញ ៖ នៅក្នុងថ្ងៃទី២ នៃព្រឹត្តិការណ៍ ហ្រ្វង់កូតិច (FrancoTech) លោកប្រធានាធិបតីបារាំង អេម៉ានុយអែល ម៉ាក្រុង (Emmanuel Macron) បានជួបជាមួយ ឧកញ៉ាវេជ្ជបណ្ឌិត ពុង ការ៉ូលីន (Carolyne Pung) អនុប្រធានក្រុមប្រឹក្សាភិបាលក្រុមហ៊ុន កាណាឌីយ៉ា គ្រុប

រុស្ស៊ី​ប្ដូរ​យុទ្ធសាស្ត្រ​ហិរញ្ញវត្ថុ ​​ពង្រឹង​ពាណិជ្ជកម្ម​ជាមួយ​ចិន​ ទោះ​ការ​ប្រើ​ប្រាក់​យន់​ធ្លាក់ចុះ​

ព្រឹត្តិការណ៍, អាជីវកម្មថ្មី និងនវានុវត្ត

• 18/11/2026

ការ​ធ្លាក់ចុះ​នៃ​ការ​ទូទាត់​ជា​ប្រាក់​យន់​ក្នុង​ពាណិជ្ជកម្ម​រវាង​រុស្ស៊ី​ និង​ចិន ​កំពុង​បង្កើត​ការ​ជជែក​ដេញដោល​អំពី​ប្រសិទ្ធភាព​នៃ​យុទ្ធសាស្ត្រ​របស់​រុស្ស៊ី​ក្នុង​ការ​កាត់បន្ថយ​ការ​ពឹងផ្អែក​លើ​ប្រាក់​ដុល្លារ​អាម៉េរិក

អាស៊ានចង់ពង្រឹងជំហររបស់តំបន់ឲ្យធំជាងមុននៅក្នុងខ្សែច្រវាក់ផ្គត់ផ្គង់រ៉ែកម្រជាសកល

ព្រឹត្តិការណ៍, សេដ្ឋកិច្ច

• 18/11/2026

នៅក្នុងសេចក្តីថ្លែងការណ៍មួយដែលត្រូវបានអនុម័តក្នុងអំឡុងកិច្ចប្រជុំកំពូលអាស៊ានលើកទី៤៩ នៅទីក្រុងម៉ានីល មេដឹកនាំទាំងអស់ប្តេជ្ញាបង្កើតយុទ្ធសាស្ត្ររ៉ែកម្រសំខាន់ៗរបស់អាស៊ាន ដើម្បីតម្រង់ទិសកិច្ចសហប្រតិបត្តិការនៅទូទាំងខ្សែច្រវាក់តម្លៃរ៉ែ

ជំនួបដ៏តានតឹងរវាងកំពូលបុរសខ្លាំងទាំង៣ នៅ APEC ក្រោយបោះបង់ចោលសន្ធិសញ្ញានុយក្លេអ៊ែរជិត១ឆ្នាំ

ព្រឹត្តិការណ៍, អាជីវកម្មថ្មី និងនវានុវត្ត

• 18/11/2026

បរទេស ៖ រយៈពេល៩ខែមកហើយបន្ទាប់ពីការផុតកំណត់នៃសន្ធិសញ្ញា New START ដែលមានន័យថា មហាអំណាចនុយក្លេអ៊ែរធំៗបំផុតរបស់ពិភពលោកនឹងមិនមានដែនកំណត់ផ្លូវច្បាប់ទៀតឡើយទៅលើការគ្រប់គ្រងឃ្លាំងអាវុធយុទ្ធសាស្ត្រប្រល័យលោក។ មកដល់ពេលនេះប្រធានាធិបតីអាមេរិក លោក Donald Trump ប្រធានាធិបតីចិន លោក Xi Jinping និងប្រធានាធិបតីរុស្ស៊ី លោក Vladimir Putin គ្រោងជួបប្រជុំគ្នានៅថ្ងៃព្រហស្បតិ៍

ពាណិជ្ជកម្ម​កម្ពុជា​-​បារាំង ​ឈាន​ដល់​ដំណាក់កាល​អនុវត្ត​ឱ្យ​ចេញ​ជា​លទ្ធផល​ជាក់ស្តែង​

ព្រឹត្តិការណ៍, សេដ្ឋកិច្ច

• 18/11/2026

​ ​ទំនាក់ទំនង​សេដ្ឋកិច្ច​រវាង​កម្ពុជា​ ​និង​បារាំង ​បាន​ឈាន​ដល់​ដំណាក់កាល​អនុវត្ត ​ដើម្បី​បង្កើត​លទ្ធផល​ជាក់ស្តែង​ ​ដោយ​ផ្អែក​លើ​សក្តានុពល​សេដ្ឋកិច្ច​ ​និង​ចំណុច​ខ្លាំង​របស់​កម្ពុជា​ ​ដែល​អាច​ទាក់ទាញ​វិនិយោគិន​បារាំង

ន​នោង​ជ្រុង ​ដំណាំ​រយៈពេល​ខ្លី ងាយ​ដាំដុះ​ ​និង​អាច​រក​ចំណូល​បាន​ជិត ​២០ ​លាន​រៀល​លើ​ផ្ទៃដី​ ​៧៥ ​អា

ជំនួញ, ព្រឹត្តិការណ៍

• 18/11/2026

ដំណាំននោង​ជ្រុង​កំពុង​បង្ហាញ​ពី​សក្តានុពល​ជា​បន្លែ​សេដ្ឋកិច្ច​មួយ​សម្រាប់​កសិករ ​ដោយ​សារ​ងាយស្រួល​ដាំដុះ​ ថែទាំ​មិន​ស្មុគស្មាញ ​អាច​ដាំ​បាន​គ្រប់​រដូវ​កាល​ ​និង​ឆាប់​ទទួល​បាន​ផល ​ដែល​អាច​ជួយ​បង្កើត​ប្រាក់​ចំណូល​ជា​ប្រចាំ​សម្រាប់​គ្រួសារ​កសិករ

ប៊ុលហ្គារី ​និង​វៀតណាម ​​ប្តេជ្ញា​ពង្រីក​កិច្ច​សហប្រតិបត្តិការ​សេដ្ឋកិច្ច​ ​និង​ការពារ​ជាតិ​

ព្រឹត្តិការណ៍, សេដ្ឋកិច្ច

• 18/11/2026

ប៊ុលហ្គារី ​និង​វៀតណាម ​បាន​ប្តេជ្ញា​ពង្រឹង​ភាព​ជា​ដៃគូ​យុទ្ធសាស្ត្រ​ឱ្យ​កាន់តែ​ស៊ីជម្រៅ​ ​តាមរយៈ​ការ​ពង្រីក​កិច្ច​សហប្រតិបត្តិការ​លើ​វិស័យ​សេដ្ឋកិច្ច​ ​ការពារ​ជាតិ​ ការ​អប់រំ​ ​និង​បច្ចេកវិទ្យា​ខ្ពស់ ​ក្នុង​ជំនួប​ទ្វេ​ភាគី​រវាង​ប្រមុខ​រដ្ឋ​នៃ​ប្រទេស​ទាំង​ពីរ ​នៅ​រាជធានី​ភ្នំពេញ​ ​ប្រទេស​កម្ពុជា

អូស៊ីអាយស៊ី រៀបចំកិច្ចពិភាក្សាតុមូលជាមួយក្រុមប្រឹក្សាធុរកិច្ចកាណាដា-អាស៊ាន ដោយនាំយកថ្នាក់ដឹកនាំធុរកិច្ចមកពីប្រទេសកាណាដា និងតំបន់មេគង្គមកជួបជុំគ្នានៅអគារ Connexion កោះពេជ្រ

ព្រឹត្តិការណ៍, អត្ថបទពាណិជ្ជកម្ម

• 17/11/2026

ភ្នំពេញ ៖ ក្រុមហ៊ុន អូស៊ីអាយស៊ី (OCIC) បានរៀបចំកម្មវិធីពិភាក្សាតុមូលផ្នែកពាណិជ្ជកម្មរវាងកាណាដា និងតំបន់មេគង្គ នៅថ្ងៃទី ១៤ ខែវិច្ឆិកា ឆ្នាំ ២០២៦ នៅ Innovation Lab ក្នុងអគារ Connexion កោះពេជ្រ។ កម្មវិធីនេះត្រូវបានរៀបចំឡើងដោយក្រុមប្រឹក្សាពាណិជ្ជកម្មកាណាដា-អាស៊ាន (CABC)

កម្ពុជា​រំពឹង​សម្រេច​កំណើន​សេដ្ឋកិច្ច​ ៤​%​ ​នៅ​ឆ្នាំ​ ២០២៦ ​និង​កើន​ដល់​ ៤​,​៨​%​​ នៅ​ឆ្នាំ ​២០២៧

ព្រឹត្តិការណ៍, សេដ្ឋកិច្ច

• 17/11/2026

សេដ្ឋកិច្ច​កម្ពុជា​ត្រូវ​បាន​ព្យាករ​ថា​នឹង​សម្រេច​កំណើន​ក្នុង​រង្វង់​ ៤​%​ ​នៅ​ឆ្នាំ ​២០២៦ ​និង​បន្ត​កើន​ដល់​ ៤​,​៨​%​ ​នៅ​ឆ្នាំ​២០២៧ ​ដោយ​រាជ​រដ្ឋាភិបាល​គ្រោង​ប្រមូល​ចំណូល​ថវិកា​រដ្ឋ​ប្រមាណ​ ​១៥​,​២៤​%​ ​នៃ​ផលិតផល​ក្នុង​ស្រុក​សរុប​ ​(​ផ.ស.ស.​) ​និង​កំណត់​ចំណាយ​សរុប​ថ្នាក់​ជាតិ​ក្នុង​ទំហំ​ ១៥​,​៨៩​%​ ​នៃ​ ​ផ.​ស.ស. ​ដើម្បី​រក្សា​លំនឹង​សង្គម​-​សេដ្ឋកិច្ច​ ​និង​គាំទ្រ​កំណើន​ក្នុង​បរិការណ៍​នៃ​ភាព​មិន​ប្រាកដប្រជា

ណា​តូ ​លុប​ចោល​កិច្ច​ប្រជុំ​កំពូល​ឆ្នាំ ​២០២៧ ​ចំពេល​ភាព​តានតឹង​អាម៉េរិក​-​អឺរ៉ុប​កើនឡើង​

ព្រឹត្តិការណ៍, អាជីវកម្មថ្មី និងនវានុវត្ត

• 17/11/2026

អង្គការ​សន្ធិសញ្ញា​អាត្លង់ទិក​ខាង​ជើង​ ​(​NATO​) ​បាន​សម្រេច​មិន​រៀបចំ​កិច្ច​ប្រជុំ​កំពូល​ថ្នាក់ដឹកនាំ​នៅ​ឆ្នាំ ​២០២៧ ​តាម​ផែនការ​ដើមឡើយ​ ​ដោយសារ​ការ​ខ្វែងគំនិត​គ្នា​កាន់តែ​ខ្លាំង​ឡើង​ក្នុង​ចំណោម​សម្ព័ន្ធមិត្ត​ ​ជាពិសេស​រវាង​សហរដ្ឋ​អាម៉េរិក​ ​និង​ប្រទេស​ជា​សមាជិក​អឺរ៉ុប