សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
គ្រាន់តែនិយាយពីសត្វពស់គេជឿថា មានមនុស្សភាគច្រើនណាស់ដែលមានភាពភ័យខ្លាចរអា ដោយសារតែប្រភេទសត្វល្មូននេះច្រើនតែមានពិស ហើយបង្កជាគ្រោះថ្នាក់ដល់អាយុជីវិតក្រោយពេលដែលត្រូវបានវាខាំ ឬចឹក ជាពិសេសប្រភេទសត្វពស់វែកក្របីដែលមានឥទ្ធិពលយ៉ាងខ្លាំងក្លា។ ប៉ុន្តែ ចម្លែកតែប្រភេទសត្វពស់ចាន់ល្មម ដែលគ្មានពិសមិនបង្កគ្រោះថ្នាក់ដល់មនុស្សនោះ ថែមទាំងគេអាចចិញ្ចឹមសម្រាប់ធ្វើជាអាជីវកម្មយកទៅកែច្នៃជាម្ហូបអាហារ និងមានតម្លៃថ្លៃថែមទៀតផង។
ជាក់ស្ដែង លោក ម៉េង សារ៉ាត់ ជាម្ចាស់កសិដ្ឋានចិញ្ចឹមពស់ចាន់ល្ម បច្ចុប្បន្នរស់នៅភូមិក្អមសំណរ ឃុំក្អមសំណរ ស្រុកលើកដែក ខេត្ដកណ្ដាលបានមានប្រសាសន៍ឱ្យដឹងថា លោកបានចាប់ផ្ដើមចិញ្ចឹមពស់ចាន់ល្មមនេះអស់រយៈពេលជាង៣ឆ្នាំមកហើយ ដោយសារតែរូបលោកផ្ទាល់មានចំណូលចិត្ត និងស្រឡាញ់ការងារក្នុងវិស័យកសិកម្ម ជាពិសេសការចិញ្ចឹមសត្វ។
លោកបានបន្តថា ៖
“កាលពីដំបូង ខ្ញុំបានចំណាយដើមទុនប្រមាណ៤លានរៀនក្នុងការរៀបចំទីតាំង និងអាងសម្រាប់ចិញ្ចឹមរួមជាមួយនឹងការទិញពូជយកមកចិញ្ចឹមចំនួន៤០០ក្បាល ខណៈដែលបច្ចេកទេសចិញ្ចឹមគឺមានរៀនសូត្របន្តពីមិត្តភ័ក្ដិនៅប្រទេសវៀតណាម ហើយព្យាយាមរៀនពីរបៀបចិញ្ចឹម និងថែទាំផ្សេងទៀតតាមរយៈ Yutube “
លោកបន្តថា ៖
“បច្ចុប្បន្ននេះ យើងបានចម្រាញ់ទុកមេពូជសម្រាប់បង្កាត់ពូជបន្តប្រមាណ ២០០ក្បាល ហើយជាធម្មតារបស់សាច់ពស់លក់ឱ្យតាមបណ្ដាហាងនានាប្រមាណ ៧ម៉ឺនរៀលក្នុងមួយគីឡូក្រាមសម្រាប់ពស់ដែលមានទម្ងន់ចាប់ពី ១.២ គីឡូក្រាមឡើងទៅ ហើយក្រៅពីពស់សាច់ ខ្ញុំក៏លក់កូនពូជដែលអាចយកទៅចិញ្ចឹមបន្តផងដែរ ក្នុងតម្លៃ ១២ ០០០រៀលក្នុងមួយក្បាល (សម្រាប់កូនពស់មានអាយុ២ខែ) ហើយកូនពស់ដែលមានអាយុ ៥ខែ អាចបានលក់ក្នុងតម្លៃ ១ក្បាល ២០ ០០០រៀល”
ដោយឡែក ពាក់ព័ន្ធទៅនឹងបច្ចេកទេសក្នុងចិញ្ចឹម និងមើលថែទាំវិញ ត្រូវបានលោក ម៉េង សារ៉ាត់ ប្រាប់ឱ្យដឹងថា កាចិញ្ចឹមប្រភេទសត្វពស់ចាន់ល្មមនេះគឺប្រើរយៈពេលចន្លោះពី ១២-១៥ខែ ក៏ប៉ុន្តែវាមិនសូវចំណាយកម្លាំង ហត់នឿយ ដូចការចិញ្ចឹមសត្វដទៃនោះទេ ព្រោះការឱ្យចំណីពស់ចាន់ល្មមគឺងាយស្រួល គ្រាន់តែដាក់កូនត្រី កង្កែប កណ្ដុរ ដែលអាចរកបានដោយខ្លួនឯង ឬទិញបន្ថែមពីផ្សារជាដើម។ អ្វីដែលសំខាន់ជាងគេបន្ទាប់ពីការផ្តល់ចំណី គឺការថែរក្សាទឹកឱ្យស្អាត ជាពិសេសនៅក្នុងរដូចមានភ្លៀងធ្លាក់ត្រូវតែឧស្សាហ៍ប្ដូរទឹកដាច់ខាត។
ម្ចាស់កសិដ្ឋានរូបនេះបន្តថា ៖
“សព្វថ្ងៃយើងមានអាងចំនួន២ ដែលយើងចិញ្ចឹមជាលក្ខណ:គ្រួសារ ដោយមួយអាងដាក់ពូជបាន ៤០០ក្បាល តែយើងក៏នៅមានដៃគូសហការផ្សេងទៀតដែរដូចជានៅខាងស្រុកកៀនស្វាយ នៅក្រុងតាខ្មៅ ដែលសុទ្ធសឹងជាមេពូជត្រៀមបង្កាត់ថ្ងៃខាងមុខផ្ទាល់តែម្ដង។ លក្ខណៈពិសេសដែលអាចធ្វើឱ្យទីផ្សាររបស់ពស់ចាន់ល្មមមានតម្រូវការខ្ពស់ គឺដោយសារតែសាច់របស់វាមានរសជាតិឆ្ងាញ់ ហើយភាគច្រើនតាមបណ្ដាហាង ភោជនីយដ្ឋានផ្សេងៗគេចូលចិត្ដទិញយកទៅធ្វើម្ហូប តាមការកម្ម៉ង់របស់ភ្ញៀវ។ ដោយឡែកនៅថ្ងៃអនាគត ខ្ញុំមានគម្រោងពង្រីកក្រុមបន្ថែម ដើម្បីបង្កើនការចិញ្ចឹមពស់ចាន់ល្មមក្នុងស្រុកឱ្យបានកាន់តែច្រើនដូចប្រទេសគេ និងពង្រីកទីផ្សារឱ្យកាន់តែទូលាយផងដែរ៕”
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រសួងរៀបចំដែនដី កំពុងអនុវត្តយ៉ាងខ្ជាប់ខ្ជួននូវសមរភូមិទៅតាមផែនទីឯកភាពការងាររបស់ខ្លួន ដើម្បីបន្តមរតកសុខសន្តិភាព
Top News, ព្រឹត្តិការណ៍, អចលនទ្រព្យ
• 27/10/2026
ភ្នំពេញ ៖ ក្រសួងរៀបចំដែនដី នគរូបនីយកម្ម និងសំណង់ បាននិងកំពុងអនុវត្តយ៉ាងខ្ជាប់ខ្ជួននូវសមរភូមិទៅតាមផែនទីឯកភាពការងាររបស់ខ្លួន ដើម្បីបន្តមរតកសុខសន្តិភាពក្នុងក្របខណ្ឌក្រសួង និងធ្វើឱ្យមរតកនេះចាក់គ្រឹះក្នុងសង្គមកម្ពុជា ដោយបម្រើឧត្តមប្រយោជន៍ជាតិ និងប្រជាជន ស្របទៅតាមការវិវត្តនៃរចនាសម្ព័ន្ធសេដ្ឋកិច្ច និងសង្គម។ សូមគូសបញ្ជាក់ថា សមរភូមិទាំង៧ របស់ក្រសួងរៀបចំដែនដី នគរូបនីយកម្ម និងសំណង់ រួមមាន៖ ១. ការរៀបចំផ្ទះសំបែងឱ្យរៀបរយ៖
ហៃណាន ជំរុញការបង្កាត់ពូជស្រូវឆ្លាតវៃ ដោយប្រើបច្ចេកវិទ្យាហ្សែន និងស្វ័យប្រវត្តិកម្ម
ព្រឹត្តិការណ៍, អាជីវកម្មថ្មី និងនវានុវត្ត
• 27/10/2026
បច្ចេកវិទ្យាតម្រៀបហ្សែនកម្រិតខ្ពស់ ការវិភាគម៉ូលេគុលក្នុងជាលិកា និងប្រព័ន្ធស្វ័យប្រវត្តិកម្មក្នុងមន្ទីរពិសោធន៍ កំពុងដើរតួនាទីសំខាន់ក្នុងការជំរុញការស្រាវជ្រាវស្រូវ និងការបង្កាត់ពូជឆ្លាតវៃនៅទីក្រុងវិទ្យាសាស្ត្រ និងបច្ចេកវិទ្យា សានយ៉ា ខេត្តហៃណាន ដោយមានការគាំទ្រពីឧបករណ៍បច្ចេកវិទ្យារបស់ក្រុមហ៊ុន MGI Tech
អាម៉េរិកបារម្ភ ចិនបង្កើត «កងនាវាស្រមោល» បង្កប់តាមនាវាស៊ីវិលខ្នាតធំ សម្រាប់ផែនការលុកលុយកោះតៃវ៉ាន់
ព្រឹត្តិការណ៍, អាជីវកម្មថ្មី និងនវានុវត្ត
• 27/10/2026
របាយការណ៍សម្ងាត់របស់ទីភ្នាក់ងារស៊ើបការណ៍សម្ងាត់ការពារជាតិអាម៉េរិក និងរូបភាពផ្កាយរណបដែលត្រូវបានបង្ហាញនាពេលថ្មីៗនេះ បានបង្កើនការព្រួយបារម្ភអំពីការពង្រីកកងនាវាស៊ីវិលរបស់ចិន និងលទ្ធភាពដែលនាវាទាំងនេះអាចត្រូវបានប្រើប្រាស់សម្រាប់ប្រតិបត្តិការយោធា ក្នុងករណីមានជម្លោះជុំវិញកោះតៃវ៉ាន់
ហៃណាន ពង្រីកមូលដ្ឋានអប់រំអន្តរជាតិ ខណៈតំបន់លីងសួយ លីអា ទាក់ទាញគ្រូ និងនិស្សិតជាង ១ ម៉ឺននាក់
ព្រឹត្តិការណ៍, អាជីវកម្មថ្មី និងនវានុវត្ត
• 27/10/2026
តំបន់សាកល្បងនវានុវត្តន៍ការអប់រំអន្តរជាតិ លីងសួយ លីអា (Lingshui Li’an International Education Innovation Pilot Zone) នៅខេត្តហៃណាន ប្រទេសចិន បានទាក់ទាញលោកគ្រូ អ្នកគ្រូ និងនិស្សិតសរុបជាង ១ ម៉ឺននាក់ ខណៈតំបន់នេះកំពុងពង្រីកកិច្ចសហប្រតិបត្តិការជាមួយសាកលវិទ្យាល័យល្បីៗចំនួន ៣០ ទាំងក្នុង និងក្រៅប្រទេស ដើម្បីគាំទ្រដល់ការអភិវឌ្ឍកំពង់ផែពាណិជ្ជកម្មសេរីហៃណាន
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content