សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ធ្លាប់ជាអង្គការសង្គមស៊ិវិល និងជាមជ្ឈមណ្ឌលស្រាវជ្រាវដែលមានឈ្មោះថា (SWRC) បច្ចុប្បន្នបានប្រែឈ្មោះទៅជា Barefoot College ដែលត្រូវបានបង្កើតឡើងតាំងតែពីឆ្នាំ១៩៧២ ដោយស្ថាបនិកម្នាក់ គឺលោក Bunker Roy ជាមួយក្ដីសង្ឃឹមថា សហគមដែលមិនអាចទទួលបានការសិក្សារៀនសូត្រនៅតែអាចរកប្រាក់ចំណូលបានសមរម្យតាមរយៈការបណ្តុះបណ្តាលជំនាញមួយចំនួនដែលស្របទៅនឹងគោលការណ៍អភិវឌ្ឍប្រកបដោយចិរភាពរបស់អង្គការសហប្រជាជាតិ (SDG)។
មានមូលដ្ឋាននៅក្នុងប្រទេសឥណ្ឌា បច្ចុប្បន្ន Barefoot ត្រូវបានគេទទួលស្គាល់ថា ជាកម្មវិធីតែមួយគត់នៅក្នុងស្រុកដែលបានរៀបចំឡើងដើម្បីផ្តល់សិទ្ធិអំណាចដល់ស្ត្រីនិងសហគមន៍ដែលខ្វះខាតដោយជំរុញភាពគ្រប់គ្រាន់ខ្លួនឯង ភាពធន់ និងការអភិវឌ្ឍន៍ប្រកបដោយចីរភាពតាមរយៈការអប់រំ និងសកម្មភាពមូលដ្ឋាន។
Barefoot បានដាក់ការប្តេជ្ញាចិត្តជាអាទិភាពក្នុងការបណ្តុះបណ្តាលជូនសិស្ស-និស្សិតក្នុងសហគមន៍ ជាពិសេស គឺស្ត្រីមកពីគ្រួសារក្រីក្របំផុត ដើម្បីប្រែក្លាយពួកគេទៅជាអ្នកដែលមានជំនាញក្នុងការតម្លើងការសាងសង់, ការជួសជុលបណ្តាញអគ្គិសនី ដែលបានមកពីសូឡា ព្រមទាំងប្រព័ន្ធបណ្តាញផ្គត់ផ្គង់ទឹកផងដែរ ដោយពុំចាំបាច់ឲ្យពួកគេមានចំណេះដឹងអ្វីខ្លាំង ឬសូម្បីតែចេះអានអក្សរក្តី។
បច្ចុប្បន្ន Barefoot College បាន និងបន្តបេសកកម្មរបស់ខ្លួនទៅតាមគោលការណ៍អភិវឌ្ឍប្រកបដោយចិរភាព ហើយបានចូលរួមក្នុងកិច្ចការងារនេះជាមួយនឹងសហគមន៍ក្រីក្រជាច្រើនមកពីប្រទេសប្រមាណជា៩០ប្រទេស ជាមួយនឹងវត្តមានស្ត្រីជាវិស្វករជំនាញប្រមាណជា៣៥០០នាក់ និងអាចជួយផ្តល់អត្ថប្រយោជន៍ដល់ប្រជាសហគមន៍ក្រីក្រដោយផ្ទាល់សរុបប្រមាជាជាង២លាននាក់។
កម្មវិធីស្នូលរបស់ Barefoot ដែលកំពុងអនុវត្ត ក្រៅតែពីនៅក្នុងវិស័យថាមពលសូឡា (Sola)ហើយនោះ អង្គការនេះក៏កំពុងធ្វើការនៅក្នុងកម្មវិធី Enriche និង Liverhoods ផងដែរ និងបានបង្កើតភ្នាក់ងារជាស្ត្រីជំនាញដទៃទៀតរាប់ពាន់នាក់ដើម្បីធ្វើការទៅតាមគោលដៅរបស់ខ្លួន។
គួររំលឹកដែរថា ធុរកិច្ចបរិយាប័ន្ន គឺជាអាជីវកម្មឈរលើគោលការណ៍ធុរកិច្ច សំដៅទៅលើអង្គភាពទាំងឡាយណាដែលបង្កើតដំណោះស្រាយជាប្រព័ន្ធ មានភាពច្នៃប្រតិដ្ឋ និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈមពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប (BoP និង B40)។ បន្ទាត់អាជីវកម្មបរិយាប័ន្ន ត្រូវបានបង្កើតឡើងក្នុងគោលបំណងផ្តល់ប្រាក់ចំណូលខ្ពស់គួរសម និងបង្កើននូវស្តង់ដារជីវភាពរស់នៅប្រសើរជាងមុនដល់ក្រុមមនុស្សដែលមានចំណូលទាបនៅបាតពីរ៉ាមីត ៤០% និងក្រុមមនុស្សដែលងាយរងគ្រោះ៕
Account
Security
Favourite Content