សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ហ្រ្វេនឆាយ (franchise) គឺជាពាក្យពេញនិយមមួយក្នុងចង្កោមអ្នកធ្វើអាជីវកម្មនាពេលបច្ចុប្បន្ននេះ។ ម្ចាស់អាជីវកម្មមួយចំនួនធំបានសម្លឹងឃើញពីភាពជោគជ័យនៃអាជីវកម្មតាមរយៈការទិញម៉ាកសញ្ញា(franchise)ល្បីៗយកមកធ្វើជាអាជីវកម្មដោយមិនចាំបាច់ចំណាយពេលយូរឆ្នាំដើម្បីគិតពីផែនការ និងការធ្វើទីផ្សារផ្សព្វផ្សាយពីផលិតផលនោះទេ។
ជាទូទៅ ម៉ាកសញ្ញាល្បីៗដែលបានដាក់លក់បន្តនូវកេរ្តិ៍ឈ្មោះអាជីវកម្មរបស់ខ្លួន គឺសុទ្ធតែត្រូវបានគេរៀបចំនូវប្រព័ន្ធដំណើរការរួចជាស្រេច រួមទាំងខ្ទង់ចំណាយទុនលើការធ្វើអាជីវកម្ម ដែលអាចបង្កើនទំនុកចិត្តសម្រាប់ម្ចាស់អាជីវកម្មថ្មីដែលយកទៅធ្វើបន្ត ពោលគឺរាល់ការធ្វើទីផ្សារ ការស្វែងរកអតិថិជន ការជ្រើសរើស និងបណ្តុះបណ្តាលធនធានបុគ្គលិកបន្ថែម រួមទាំងការប្រឹក្សាពីការជ្រើសរើសទីតាំងសុទ្ធតែត្រូវបានទទួលការគាំទ្រពីសំណាក់ម្ចាស់ម៉ាកសញ្ញាដើមទាំងអស់។
លោក ទេព សារិទ្ធ ស្ថាបនិក និងជា CEO នៃក្រុមហ៊ុន Air-con Maintenance-Cambodia បានមានប្រសាសន៍ថា ការធ្វើអាជីវកម្មដោយទិញម៉ាកសញ្ញាមកពីខាងក្រៅប្រទេស គឺផ្ដល់ភាពងាយស្រួល និងភាគរយជោគជ័យច្រើនសម្រាប់ម្ចាស់អាជីវកម្ម ដោយហេតុថាម៉ាកសញ្ញាពីខាងក្រៅប្រទេសត្រូវបានសិក្សា និងរៀបចំប្រព័ន្ធរួចរាល់ជាច្រើនឆ្នាំមកហើយ និងទទួលបានជោគជ័យ ទាំងលើកិច្ចដំណើរការអាជីវកម្ម ទាំងការធ្វើផែនការអាជីវកម្មបានទៅដោយរលូន។
អ្នកជំនាញរូបនេះបានបញ្ជាក់ថា ៖
«ការទិញហ្រេ្វនឆាយ (franchise) ឬម៉ាកសញ្ញា មិនមែនទិញតែប្រព័ន្ធទេ ប៉ុន្តែក៏មានប្រព័ន្ធរៀបចំ និងត្រូវបានផ្ទេរចំណេះដឹង ការបណ្ដុះបណ្ដាលទៅកាន់ម្ចាស់អាជីវកម្មថ្មីបន្ត (អ្នកទិញ franchise) ហើយម្ចាស់ហ្រេ្វនឆាយដើមនៅតែបន្តគាំទ្រជួយដល់ដំណើរការអាជីវកម្ម ជាពិសេស ត្រួតពិនិត្យទៅលើចរន្តនៃដំណើរការអាជីវកម្ម រួមមានចំណុចលេចធ្លោ ចំណុចខ្វះខាត ដើម្បីប្រាកដថា ធ្វើយ៉ាងណាអាចធានាបានភាពរលូនទៅលើអាជីវកម្មនោះផងដែរ»
ទន្ទឹមនឹងគ្នានេះដែរ លោក ទេព សារិទ្ធ ក៏បានបន្តឲ្យដឹងទៀតថា ការធ្វើអាជីវកម្មដោយទិញម៉ាកសញ្ញាក៏តម្រូវឲ្យម្ចាស់អាជីវកម្មថ្មីទាំងនោះត្រូវតែសិក្សា និងស្វែងយល់ឲ្យបានល្អិតល្អន់មុននឹងសម្រេចចិត្តទិញ ជាពិសេសកំណត់ឲ្យបានច្បាស់លាស់ពីការចង់បានរបស់ខ្លួន ថាតើចង់បានអតិថិជនប្រភេទណា កម្រិតណា ដើម្បីវិភាគ ព្រោះការទិញម៉ាកសញ្ញានេះ ត្បិតតែងាយស្រួលក្នុងការធ្វើអាជីវកម្មក៏ពិតមែន ប៉ុន្តែក៏មិនគួរមើលរំលងពីបញ្ហាតូចៗនោះដែរ។ ម៉ាកសញ្ញាមួយចំនួនដែលមានតម្លៃថ្លៃ ប៉ុន្តែប្រព័ន្ធគ្រប់គ្រងនៅមានកម្រិត ដែលអាចបណ្ដាលឲ្យម្ចាស់អាជីវកម្មថ្មីដែលទទួលទិញម៉ាកសញ្ញាយកមកលក់បន្តខ្លះត្រូវខាតបង់ហិរញ្ញវត្ថុ និងអាចឈានដល់ការបិទអាជីវកម្មក៏មាន។
ផ្ទុយមកវិញ ប្រសិនបើម្ចាស់អាជីវកម្មមានបំណងចង់បង្កើតម៉ាកសញ្ញាដោយខ្លួនឯងគឺត្រូវតែសិក្សារៀនសូត្រពីដំណើរការ និងប្រព័ន្ធគ្រប់គ្រងម៉ាកសញ្ញាពីក្រៅប្រទេស ឬក្នុងអាជីវកម្មក្នុងប្រទេសដែលទទួលបានភាពជោគជ័យ លេចធ្លោជាក់ស្ដែង ដើម្បីអាចបង្កើតម៉ាកសញ្ញាដែលជារបស់ខ្លួនបានល្អ និងមិនជួបហានិភ័យ។
«បើសិនជាយើងមានឆន្ទៈចង់បង្កើតម៉ាកសញ្ញាខ្លួនឯង យើងត្រូវការពេលវេលា ចំណាយទុនច្រើន និងមានភាពអត់ធ្មត់ គោរពគោលការណ៍ខ្លួនឯងក្នុងនាមជាម្ចាស់អាជីវកម្ម ប៉ុន្តែប្រសិនបើអ្នកចង់បានជោគជ័យឆាប់រហ័ស ទទួលបានផលចំណេញលឿន និងអាចជៀសផុតពីហានិភ័យអ្នកគួរពិចារណាលើការទិញហ្រេ្វនឆាយ គឺជារឿងដែលអ្នកត្រូវពិចារណា»
នេះជាការលើកឡើងរបស់ លោក ទេព សារិទ្ធ
ជីវប្រវត្តិ: លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កំពង់ផែស្វយ័តក្រុងព្រះសីហនុ រកចំណូលបានជិត ៥០លានដុល្លារ នៅត្រីមាសទី៤ ឆ្នាំ២០២៥
Top News, ព្រឹត្តិការណ៍, សេដ្ឋកិច្ច
• 18/02/2026
កំពង់ផែស្វយ័តក្រុងព្រះសីហនុ ក្នុងត្រីមាសទី៤ ឆ្នាំ២០២៥ កំពង់ផែស្វយ័តក្រុងព្រះសីហនុរកចំណូលបានសរុបប្រហែល ៤៧,៤៧ លានដុល្លារ
រកឃើញហើយ ! ម្ចាស់រង្វាន់សាច់ប្រាក់ទាំង ៣ រូប ដំបូង ដែលឈ្នះពីការប្រើប្រាស់ LOLC Mobile!
ព្រឹត្តិការណ៍, អត្ថបទពាណិជ្ជកម្ម
• 18/02/2026
អតិថិជនប្រើប្រាស់ LOLC Mobile សម្រាប់ការចាយវាយប្រចាំថ្ងៃ មិនត្រឹមតែទទួលបានភាពងាយស្រួលក្នុងការទូទាត់នោះទេ អតិថិជនថែមទាំងទទួលបានអត្រាការប្រាក់ ៤% ក្នុងមួយឆ្នាំ
ឧបនាយករដ្ឋមន្ត្រីប្រចាំការ ៖ បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
ព្រឹត្តិការណ៍, អាជីវកម្មថ្មី និងនវានុវត្ត
• 18/02/2026
ឧបនាយករដ្ឋមន្ត្រីប្រចាំការ បានលើកឡើងថា បច្ចេកវិទ្យា AI ជាកម្លាំងចលករយ៉ាងសំខាន់នៃកំណើនសេដ្ឋកិច្ចសម្រាប់រយៈពេល ១០ ទៅ ២០ ឆ្នាំខាងមុខ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content