សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ទោះជាស្ថិតនៅក្នុងស្ថានភាពដែលកំពុងប្រឈមនឹងបញ្ហានៃវិបត្តិជំងឺកូវីដយ៉ាណាក៏ដោយ ប៉ុន្តែសម្រាប់ទីផ្សារ និងការវិនិយោគក្នុងវិស័យអចលនទ្រព្យកម្ពុជានៅតែមានសកម្មភាព និងអាចទទួលបានផលចំណេញ ដែលខុសប្លែកពីវិស័យដទៃដែលកំពុងជួបឱនភាព។
ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោក ច្រឹក សុខនីម បានលើកឡើងថា ទីផ្សារអចលនទ្រព្យនៅកម្ពុជា នៅតែបន្តមានសកម្មភាពលើការទិញលក់ដដែល បើទោះជាផ្នែកខ្លះទទួលរងនូវផលប៉ះពាល់ក៏ដោយ។
លោកបញ្ជាក់ថា សម្រាប់ការទិញលក់នៅតែមានដដែល ប៉ុន្តែអ្វីដែលសំខាន់គឺតម្លៃមិនមានការធ្លាក់ចុះនោះទេ។ យ៉ាងណាក៏ដោយសម្រាប់អ្នកវិនិយោគដែលមានភាពឆ្លាតវៃនៅតែមានឱកាសស្វែងរកផលចំណេញដដែល។
លោក ច្រឹក សុខនីម បានបន្តថា ភាពជោគជ័យពីការវិនិយោគមិនមែនកើតឡើងជាយថាហេតុនោះទេ ហើយការជោគជ័យ ឬទទួលបានផលចំណេញទាំងនេះវាអាស្រ័យលើកត្តាសំខាន់ៗចំនួន4 ដែលត្រូវបានគេធ្វើការកត់សម្គាល់រួមមានដូចជា ៖
ទី1 ទីតាំងភូមិសាស្ត្រ៖ គឺជាតំបន់ដែលមានរំហូរចរាចរណ៍ល្អព្រមទាំងអាចមានលទ្ធភាពការអភិវឌ្ឈន៏ជាពហុបំណង ដូចជាផ្សារ សាលារៀន រោងចកក្រ សហគ្រាសជាដើម។ ដោយសារតំបន់ទាំងនេះនឹងមានការចាប់អារម្មណ៍ខ្លាំងពីសំណាក់អ្នកទិញ និងអ្នកវិនិយោគ ជាពិសេសងាយស្រួលសម្រាប់ប្រកបអាជីវកម្ម។
ទី2 ប្រព័ន្ធហេដ្ឋារចនាសម្ព័ន្ធ ៖ ទីតាំងដីត្រូវមានហេដ្ឋារចនសម្ព័ន្ធស្រាប់ ដែលងាយស្រួលក្នុងការធ្វើដំណើរក្នុងនោះក៏ត្រូវមើលអំពីប្រព័ន្ធទឹក ភ្លើង លូ ហើយដីត្រូវមានចម្ងាយមួយដែលសមស្របពីកន្លែងមួយចំនួនដូចជា សាលារៀន ផ្សារ និងសេវាសាធារណៈផ្សេងៗ ។ល។
ទី3 ផែនការមេអភិវឌ្ឍន៍របស់រដ្ឋាភិបាល៖ ត្រូវប្រាកដថា តំបន់ដីនឹងមានគម្រោងផែនការមេរបស់រដ្ឋាភិបាល ដូចជាការបង្កើតទីក្រុងរណបថ្មី ការស្ថាបនាផ្លូវជាដើម នេះមានន័យថា ដីនឹងមានតម្រូវការខ្ពស់ ហើយតម្លៃក៏នឹងកើនឡើងលឿនផងដែរ។
ទី4 បញ្ហាផ្លូវច្បាប់៖ មុននឹងសម្រេចចិត្តទិញដីធ្លី លោកអ្នកមិនគួរមើលរំលងផ្នែកច្បាប់នោះទេ។ លោកអ្នកត្រូវបា្រកដថាដីធ្លីនោះមានសុវត្ថិភាពដែលទទួលស្គាល់ពេញលេញត្រឹមត្រូវដោយច្បាប់ ជាពិសេសពីអាជ្ញាធរ និងការទទួលស្គាល់ដោយថ្នាក់ជាតិ (ក្រសួងដែនដី) ទាំងទំហំដី ក្បាលដី ប្លង់ទន់ និងប្លង់រឹង។
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content