សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ទីផ្សារអចលនទ្រព្យកម្ពុជាដែលបានទទួលរងនូវផលប៉ះពាល់ និងស្ងប់ស្ងាត់ក្នុងដំណាក់កាលបិទខ្ទប់ក្រុង និងភូមិសាស្ត្រមួយចំនួននៅតាមបណ្តាខេត្តនោះ បច្ចុប្បន្នបានបង្ហាញពីសញ្ញាវិជ្ជមានជាបណ្តើរៗឡើងវិញហើយក្រោយការអនុញ្ញាតឱ្យមានចរាចរណ៍ឡើងវិញនៅទូទាំងប្រទេស។
ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោក ច្រឹក សុខនីម បានមានប្រសាសន៍ថា ភាពល្អប្រសើរនៃទីផ្សារអចលនទ្រព្យគឺត្រូវពឹងផ្អែកយ៉ាងសំខាន់ទៅលើស្ថានភាពសេដ្ឋកិច្ច និងសុខុមាលភាពសង្គម។ នៅពេលដែលសង្គមជាតិមានសុវត្ថិភាព ហើយទីផ្សារអាជីវកម្មនានាចាប់មានដំណើរការឡើងវិញ នោះទីផ្សារអចលនទ្រព្យក៏អាចមានសកម្មភាពឡើងវិញផងដែរ។
លោកថា ក្នុងរយៈពេលប្រមាណ1សប្ដាហ៍នៃការអនុញ្ញាតឱ្យមានការធ្វើចរាចរណ៍ឡើងវិញនៅទូទាំងប្រទេស ជាពិសេសការបញ្ចប់ការបិទខ្ទប់រាជធានីភ្នំពេញ និងក្រុងតាខ្មៅ បានធ្វើឱ្យបណ្តាអ្នករកស៊ីនៅក្នុងវិស័យមួយនេះធ្វើសកម្មភាពឡើងវិញហើយ ទាស់ត្រង់ថាមិនទាន់មានភាពផុលផុសខ្លាំងនៅឡើយនោះទេ។
លោក ច្រឹក សុខនីម បានមានប្រសាសន៍ថា ៖
“ក្នុងពេលនេះទោះជាវានៅមិនទាន់ខ្លាំងក្លាក៏ដោយ ប៉ុន្តែវាជាការបង្ហាញឱ្យឃើញពីសញ្ញាវិជ្ជមាននៃវិស័យមួយនេះ ហើយវានឹងបង្កើនល្បឿនបន្តិចម្ដងៗប្រសិនបើស្ថានភាពនៃការរាលដាលកាន់តែមានភាពស្ងប់ស្ងាត់។ នៅពេលដែលការឆ្លងរាលដាលត្រូវបានកាត់បន្ថយ ហើយកំណើននៃចំនួនអ្នកចាក់វ៉ាក់សាំងបានកាន់តែច្រើន នោះវានឹងធ្វើឱ្យមនុស្សមានទំនុកចិត្តខ្ពស់ក្នុងការចេញក្រៅឡើងវិញ”
លោកបន្តថា ៖
“សកម្មភាពភាគច្រើន គឺផ្តើមចេញពីអ្នករកស៊ីដីធ្លី ពួកគេចាប់ផ្តើមចេញមើលនៅតាមតំបន់ដែលមានសក្ដានុពល ដូចជានៅតាមតំបន់ជាយក្រុង និងតាមបណ្តាខេត្តគោលដៅរបស់ពួកគាត់។ ដោយឡែកសម្រាប់សកម្មភាពផ្សេងៗដូចជាការសាងសង់ជាដើមក៏អាចនឹងចាប់ផ្តើមឡើងវិញផងដែរ ក្រោយស្ថានភាពកាន់តែល្អប្រសើរជាងនេះ”
ជាមួយនឹងការលើកឡើងពីស្ថានភាពទីផ្សារ និងសកម្មភាពក្នុងវិស័យអចលនទ្រព្យខាងលើនេះ ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោក ច្រឹក សុខនីម ក៏បានក្រើនរំលឹកដល់បងប្អូនប្រជាពលរដ្ឋទាំងអស់សូមកុំមានការធ្វេសប្រហែសក្នុងការរក្សាអនាម័យ និងការប្រកាន់ខ្ជាប់នូវវិធានការរបស់ក្រសួងសុខាភិបាលដើម្បីសុខសុវត្ថិភាពផ្ទាល់ខ្លួន និងសង្គមជាតិទាំងមូល៕
ផ្ទាំងបដាទម្រង់
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ចិន អំពាវនាវឱ្យអាម៉េរិកឈប់គំរាមកំហែងលើក្រុមហ៊ុន AI របស់ខ្លួន និងយកបញ្ហាបច្ចេកវិទ្យាមកធ្វើជាឧបករណ៍នយោបាយ
ព្រឹត្តិការណ៍, អាជីវកម្មថ្មី និងនវានុវត្ត
• 28/07/2026
ថ្នាក់ដឹកនាំកំពូលចិន បានអំពាវនាវឱ្យអាម៉េរិកបញ្ឈប់ការគំរាមកំហែងមកលើក្រុមហ៊ុន AI របស់ខ្លួន ហើយកុំយកបញ្ហាបច្ចេកវិទ្យាមកធ្វើជាឧបករណ៍នយោបាយ
AMRO ព្យាករថា តំបន់អាស៊ានបូកបីនឹងមានកំណើនសេដ្ឋកិច្ច ៤,១% នៅក្នុងឆ្នាំ ២០២៦ នេះ
ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 28/07/2026
ការិយាល័យស្រាវជ្រាវម៉ាក្រូសេដ្ឋកិច្ចអាស៊ាន +៣ (AMRO) សប្តាហ៍នេះ បានចេញផ្សាយរបាយការណ៍បច្ចុប្បន្នភាពប្រចាំត្រីមាស ខែកក្កដា ឆ្នាំ២០២៦ នៃរបាយការណ៍ស្តីអំពីវិស័យសេដ្ឋកិច្ចតំបន់អាស៊ានបូកបី (AREO) ដោយបានព្យាករថា តំបន់អាស៊ានបូកបី (ASEAN+3)នឹងមានកំណើនសេដ្ឋកិច្ច ៤,១ ភាគរយ នៅក្នុងឆ្នាំ ២០២៦ នេះ
ស្ថាប័នចំនួន ៣ រួមដៃគ្នារៀបចំវគ្គបណ្តុះបណ្តាលបច្ចេកវិទ្យាដ្រូនកសិកម្មឌីជីថល ដើម្បីកាត់បន្ថយចំណាយថ្លៃដើម
ព្រឹត្តិការណ៍, អាជីវកម្មថ្មី និងនវានុវត្ត
• 28/07/2026
សហព័ន្ធអភិវឌ្ឍន៍ស្វាយកម្ពុជា (CMDF) បានរៀបចំ «វគ្គបណ្តុះបណ្តាលបច្ចេកវិទ្យាដ្រូនកសិកម្មឌីជីថល» រយៈពេល ៣ថ្ងៃ នៅសាលាស្រុកត្រពាំងប្រាសាទ ស្ថិតក្នុងភូមិទួលតាសេក ខេត្តឧត្តរមានជ័យ ដល់យុវជនក្នុងមូលដ្ឋាន
ផ្ទាំងបដាទម្រង់
កម្មវិធីពិសេសរបស់ AMS ECONOMY
Account
Security
Favourite Content