សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានទទួលជួបគណៈប្រតិភូសមាគមសហគ្រិនសកល ១ភាគរយ (G-1%Club) ដឹកនាំដោយលោក ហៀង វុទ្ធា ដើម្បីពិភាក្សាអំពីការពង្រឹងតួនាទីរបស់សហគ្រិនក្នុងការអភិវឌ្ឍសេដ្ឋកិច្ចកម្ពុជា។
លោក ហៀង វុទ្ធា ប្រធានសមាគមសហគ្រិនសកល ១ភាគរយ បានបង្ហាញអំពីសាវតាសមាគម ដែលបច្ចុប្បន្នមានសមាជិកជាង ១ ២៥០នាក់ គ្រប់គ្រងអាជីវកម្មជាង ៤ ០០០ មូលដ្ឋាន និងបានរាយការណ៍អំពីសកម្មភាពសមាគម រួមមាន ការរៀបចំកម្មវិធីកសាងបណ្តាញធុរកិច្ច ដំណើរទស្សនកិច្ចអាជីវកម្ម កម្មវិធីអភិវឌ្ឍសមត្ថភាព និងគំនិតផ្តួចផ្តើមសង្គម ព្រមទាំងសកម្មភាព និងភាពជាដៃគូអន្តរជាតិ ដែលបានផ្តល់អត្ថប្រយោជន៍ដល់ក្រុមហ៊ុនប្រមាណ ៤ ៩០០ ។
ឯកឧត្តម ហែម វណ្ឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានកោតសរសើរចំពោះភាពរីកចម្រើនរបស់សមាគម និងបានជំរុញឱ្យស្ថាប័ននេះពង្រឹងការរួមចំណែកកសាងសហគ្រាសចន្លោះកណ្តាល (missing middle) ដែលអាចយិតយោងអាជីវកម្មខ្នាតតូច និងចាប់យកឱកាសផ្ពក់ចូលក្នុងខ្សែច្រវាក់តម្លៃរបស់សហគ្រាសខ្នាតធំ។
ឯកឧត្តមបានបន្តថា៖
«កម្ពុជា មានសមាគមធុរកិច្ចជាច្រើន ប៉ុន្តែសមាគមដែលមានប្រសិទ្ធភាពគឺសមាគមដែលផ្តល់អត្ថប្រយោជន៍ពិតប្រាកដដល់សមាជិករបស់ខ្លួន»។
ឯកឧត្តមបានលើកទឹកចិត្តឱ្យសមាគមសហគ្រិនសកល ១ភាគរយ ចូលរួមលើកកម្ពស់អនុលោមភាព ពង្រឹងសហគ្រិនភាព កសាងសមត្ថភាពសមាជិករបស់ខ្លួន ដូចជាពាក់ព័ន្ធនឹងស្តង់ដារ និងការនាំចេញ ព្រមទាំងពង្រឹងសមាជិកភាពដោយផ្អែកលើមូលដ្ឋាននៃក្រមសីលធម៌អាជីវកម្ម វិន័យ និងវិធានរបស់សមាគម ជាពិសេសពង្រឹងការផលិតដើម្បីអាចផ្គត់ផ្គង់ក្នុងស្រុកបានគ្រប់គ្រាន់ ជំនួសការនាំចូល៕
Account
Security
Favourite Content