សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ស្ថិតក្នុងស្ថានភាពសេដ្ឋកិច្ចសកលកំពុងបន្តជួបវិបត្តិអស់រយៈពេលជាច្រើនឆ្នាំ ប៉ុន្តែគេជឿជាក់ថា ក្រុមមហាសេដ្ឋីវាល់លាននាក់លើពិភពលោកនៅតែបន្តកើបលុយយ៉ាងច្រើននៅឡើយក្នុងអំឡុងពេលនេះ ជាក់ស្តែងបណ្តាក្រុមសេដ្ឋីអាមេរិកប្រមាណជា១ភាគរយនៃចំនួនពលរដ្ឋអាមេរិកសរុបនៅពេលនេះកំពុងកាន់កាប់ទ្រព្យសម្បត្តិដែលមានតម្លៃសរុបរហូតដល់ទៅ៤៤,៦ទ្រីលានដុល្លារ។
របាយការណ៍ដោយ CNBC កាលពីសប្តាហ៍កន្លងមកបានរកឃើញថា ដោយសារតែទីផ្សារភាគហ៊ុនកំពុងស្ទុះឡើងខ្លាំង វាបានក្លាយទៅជាកត្តាធ្វើឲ្យក្រុមសេដ្ឋីជនជាតិអាមេរិកកំពុងសំងំប្រមូលបានប្រាក់ចំណេញយ៉ាងច្រើនដោយក្នុងនោះគេសង្កេតឃើញថាសេដ្ឋីអាមេរិកប្រមាណជា១ភាគរយនៃចំនួនប្រជាជនសរុបអាចបង្កើនតម្លៃទ្រព្យសម្បតិ្តរបស់ពួកគេរហូតដល់ទៅ២ទ្រីលានដុល្លារត្រឹមមួយត្រីមាសចុងក្រោយនៃឆ្នាំ២០២៣ ។
សេដ្ឋីអាមេរិកដែលត្រូវបានគេរាប់បញ្ចូលទាំងនោះគឺកំណត់យកពីក្រុមមនុស្សដែលមានទ្រព្យសម្បតិ្តចាប់ពី១១លានដុល្លារឡើង ហើយក្រៅពីនោះគេក៏អាចជឿជាក់ដែរថា ក្រុមពលរដ្ឋអាមេរិកដែលមានចំណូលមធ្យម ឬ Middle-class ក៏អាចទទួលបានប្រាក់ចំណូលច្រើនខ្លាំងដូចគ្នាដែរ។
គិតត្រឹមចុងឆ្នាំ២០២៣ នៅពេលដែលទីផ្សារភាគហ៊ុនបានហក់ឡើងខ្លាំង វាបានធ្វើឲ្យភាគហ៊ុនដែលកាន់កាប់ដោយកំពូលសេដ្ឋីលំដាប់ខ្ពស់បំផុតអាមេរិកអាចបង្កើនទ្រព្សម្បត្តិរបស់ពួកគេពី ១៧,៦៥ទ្រីលានដុល្លារ ទៅដល់ ១៩,៧ទ្រីលានដុល្លាររួចទៅហើយ។ ជាក់ស្តែង ការងើបឡើងវិញនៃប្រាក់ចំណូលរបស់ក្រុមសេដ្ឋីអាមេរិកនេះបានចាប់ផ្តើមឡើងតាំងតែពីពេលដែលពិភពលោកកំពុងជួបប្រទះវិបត្តិកូវីដមកម្ល៉េះ ពោលគឺចាប៉ពីឆ្នាំ២០២០មកដោយពលរដ្ឋជាសេដ្ខីប្រមាណជា១ភាគរយរបស់អាមេរិកបានកើនឡើងនូវទ្រព្យសម្បត្តិរបស់ខ្លួនដល់ទៅ១៥ទ្រីលានដុល្លារ ឬត្រូវជា៥០ភាគរយនៃទ្រព្យសម្បត្តិមុនពេលកូវីដ។
គួរឲ្យដឹងដែរថា ទោះបីជាកំណើនទ្រព្យសម្បត្តិរបស់ក្រុមមហាសេដ្ឋីអាមេរិកបានធ្លាក់ចុះបន្តិចកាលពីឆ្នាំ២០២១ និងឆ្នាំ២០២២ក្ដី ប៉ុន្តែសន្ទុះនេះបានចាប់ផ្តើមសាជាថ្មីនៅដើមឆ្នាំ២០២៣ និងមកទល់បច្ចុប្បន្ននេះ៕
Account
Security
Favourite Content