សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ដូចដែលយើងបានដឹងរួចមកហើយអំពីភាពរីកចម្រើននៃវិស័យធ្វើដំណើរតាមរយៈកំណើននៃចំនួនរថយន្តអគ្គិសនីថ្មីៗរបស់ពិភពលោក។ ប៉ុន្តែក្នុងពេលជាមួយគ្នានេះអ្នកជំនាញក៏តែងតែបានបង្ហាញនូវការព្រួយបារម្ភជាប់មកជាមួយផងដែរ នូវការប្រើប្រាស់ធនធាន និងការគ្រប់គ្រងច្បាប់ផលិតឲ្យបានល្អប្រសើរ និងមិនធ្វើឲ្យប៉ះពាល់ដល់បរិស្ថានដូចទៅនឹងរថយន្តប្រើប្រាស់ថាមពលហ្វូស៊ីលនោះទេ។
ក្នុងចំណោមនោះ លីចូម ( Lithium) ជាសមាសធាតុដ៏ចាំបាច់ក្នុងការផលិតឧបករណ៍ស្តុកអគ្គិសនីសម្រាប់រថយន្តបានក្លាយទៅជាប្រធានបទដ៏ចម្រូងចម្រាស ដោយសារតែមានការព្យាករណ៍ទុកថា កំណើននៃការផលិតរថយន្តអគ្គិសនីនឹងអាចធ្វើឲ្យរ៉ែប្រភេទនេះខ្វះខាតចាប់តាំងពីឆ្នាំ២០២៥តទៅ។
ជាដំណឹងគួរឲ្យរីករាយសម្រាប់ពិភពលោក និងដំណើរការនៃការផ្លាស់ប្តូរទៅរកថាមពលដែលមានិរន្តភាពដោយក្រុមការងារអ្នកជំនាញស្រាវជ្រាវរបស់ក្រុមហ៊ុន Microsoft តាមរយៈការបញ្ចូលការងារជាមួយនឹងបច្ចេកវិទ្យាឆ្លាតវ៉ៃ AI បានរកឃើញនូវដំណោះស្រាយគួរជាទីមោទនភាពមួយ និងគួរឲ្យរីករាយចំពោះអនាគតរបស់ពិភពលោក។
បេសកកម្មស្រាវជ្រាវបានរកដំណោះស្រាយដែលមានការផ្តល់ជម្រើសថ្មីជាមួយនឹងសមាសធាតុដែលរំពឹងថាអាចជំនួសលីចូលបានមានរហូតទៅដល់ ៣២លាន ប៉ុន្តែដំណាក់កាលបន្ទាប់គេជ្រើសរកបានត្រឹមតែ ១៨សមាសធាតុប៉ុណ្ណោះដែលមានសក្តានុពលបំផុត។
អ្នកវិទ្យាសាស្ត្របានសម្រេចចិត្តជ្រើសយកក្រុមសមាសធាតុដែលមានថាមពលស្រដៀងនឹងលីចូមមកសាកល្បងបញ្ចូលគ្នាបង្កើតជាសមាសធាតុថ្មីជាច្រើនជម្រើសផ្សេងទៀតដោយប្រើប្រាស់ពេលវេលារហូតទៅដល់៩ខែទើបអាចស្វែងរកនូវសមាសធាតុថ្មីអាចជំនួសលីចូមបានស្ទើរតែទាំងស្រុងហើយនោះគឺជាសូដ្យូម។
សូដ្យូមគឺជាធាតុដែលពិភពលោកមិនសូវប្រើប្រាស់ខណៈដែលវាមានស្ទើរគ្រប់ទីកន្លែង ហើយតម្លៃក៏ទាបផងដែរ។
គួរឲ្យដឹងដែរថា តម្រូវការលីចូមសម្រាប់ទីផ្សារផលិតថ្មរថយន្តអគ្គិសនី និងបច្ចេកវិទ្យាផ្ទុកថាមពលផ្សេងទៀតនៅត្រឹមឆ្នាំ២០៣៥ ត្រូវបានគេជឿជាក់ថា នឹងមានការឡើងដល់ទៅ ៥ដងហើយ ដូច្នេះការដែលអាចយកសមាសធាតុសូដ្យូមមកជំនួសបាននោះវានឹងធ្វើឲ្យសង្វាក់ផលិតកម្មនេះនឹងមាននិរន្តភាពខ្លាំងជាងមុនដោយសារតែសូដ្យូមនឹងអាចជំនួសបរិមាណលីចូមដល់ទៅ៧០ភាគរយក្នុងការផលិតថ្មរថយន្តអគ្គិសនី៕
Account
Security
Favourite Content