សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ថ្វីត្បិតតែ Bitcoin (BTC) មិនមែនជារូបិយវត្ថុដែលទទួលស្គាល់ជាផ្លូវការក្តី ប៉ុន្តែតាមរយៈទំនុកចិត្តនៃក្រុមអ្នកនិយមក្នុងការវិនិយោគលើរូបិយវត្ថុបែប Crypto មួយចំនួនបានធ្វើឲ្យ BTC ក្លាយទៅជាគោលដៅវិនិយោគដ៏មានសក្តានុពលមួយនៅលើប្រព័ន្ធអនឡាញខណៈដែលតម្លៃរបស់វាបច្ចុប្បន្នគឺជាង ៦,៦ម៉ឺនដុល្លាររួចទៅហើយគិតត្រឹមចុងខែមេសានេះ។
ការស្ទុះងើបឡើងវិញនៃ Bitcoin កាលពីឆ្នាំ២០២៣បានធ្វើឲ្យសកម្មភាពវិនិយោគលើលុយឌីជីថលនេះក៏ចាប់ផ្តើមកម្រើកខ្លាំងឡើងវិញដែរ ដោយក្រុមអ្នកវិនិយោគសង្ឃឹមថានឹងអាចទទួលបានប្រាក់ចំណេញខ្លាំងត្រឡប់មកវិញ ហើយក្នុងនោះ បើយោងតាមការព្យាករណ៍ដោយក្រុមហ៊ុនអ្នកជំនាញមួយរបស់ប្រទេសកាណាដាបានបង្ហាញថា ទំហំនៃប្រាក់ចំណេញដែលបានមកពីការវិនិយោគ BTC អាចនឹងកើនឡើងដល់ជិត៣ដងនៅត្រឹមចុងឆ្នាំ២០២៤ខាងមុខ។
Techpodia បានបង្ហាញរបាយការណ៍ព្យាករណ៍អំពីកំណើនកើនឡើងយ៉ាងខ្លាំងនៃតម្លៃ Bitcoin ចន្លោះពីឆ្នាំ២០២៤នេះទៅដល់ឆ្នាំ២០៣០ ដោយក្នុងនោះតម្លៃរបស់វាអាចនឹងកើនឡើងខ្ពស់បំផុតទៅដល់ ៨,៥ម៉ឺនដុល្លារនៅក្នុងឆ្នាំនេះ ហើយបន្តកើនឡើងទៅដល់១០ម៉ឺននៅឆ្នាំ២០២៥ ។
ទោះបីជាយ៉ាងណាក្តី Techpodia បានបង្ហាញនូវជំនឿជាក់ថា តម្លៃរបស់ BTC នឹងអាចកើនឡើងទៅដល់ ១៦ម៉ឺនដុល្លារនៅក្នុងឆ្នាំ២០៣០ជាលើកដំបូង ដោយមិនមានអ្វីមករារាំងដំណើរនេះបានឡើយ ពោលគឺច្រើនជាងបច្ចុប្បន្នដល់ជិត៣០០ភាគរយ។
គួរឲ្យដឹងដែរថា Bitcoin គឺជារូបិយវត្ថុប្រភេទ Crypto currency ដំបូងបំផុតរបស់ពិភពលោក ដែលត្រូវបានបង្កើតឡើងដោយបុរសជនជាតិជប៉ុនម្នាក់មានឈ្មោះថា Satoshi Nakamot កាលពីឆ្នាំ២០០៩ ប៉ុន្តែវាមិនត្រូវបានគេស្គាល់ទូលំទូលាយឡើយ រហូតដល់ឆ្នាំ២០១៣ និងបន្តដល់២០១៥ ទើបមានអ្នកគាំទ្រជាបណ្តើរៗ។
ឆ្នាំ២០១៧ តម្លៃ Bitcoin បានកើនឡើងដល់កម្រិតខ្ពស់បំផុតជាលើកដំបូងប្រមាណជា ១៥០០០ដុល្លារ ហើយបានធ្លាក់ចុះទៅវិញខ្លាំងនៅប៉ុន្មានឆ្នាំបន្ទាប់។ ទើបតែមកដល់ឆ្នាំ២០២១ ការទុកចិត្តនៃក្រុមអ្នកវិនិយោគបានត្រឡប់មកវិញ ហើយជាលទ្ធផល វាបានធ្វើឲ្យតម្លៃហក់ឡើងយ៉ាងខ្លាំងស្ទើរមិនគួរឲ្យជឿសាជាថ្មីរហូតទៅដល់៦៨០០០ដុល្លារ។ ប៉ុន្តែក្រោយមកធ្លាក់ទៅវិញក៏ខ្លាំងនៅត្រឹមតែ ១៥០០០ដុល្លារប៉ុណ្ណោះនៅក្នុងឆ្នាំ២០២២។
យ៉ាងណាក្តី អ្វីដែលគួរឲ្យចាប់អារម្មណ៍នោះគឺថា Techopedia គឺជាវេបសាយតាមដាន និងសិក្សាទៅលើបច្ចេកវិទ្យាអនឡាញទាំងអស់ដោយមានការចូលរួមពីសំណាក់ក្រុមការងារជំនាញខាងបច្ចេកវិទ្យា និងសេដ្ឋកិច្ចហិរញ្ញវត្ថកំពូល ហើយបានដំណើរការអាជីវកម្មរបស់ខ្លួនតាំងតែពីឆ្នាំ២០១១មកម្ល៉េះដែលមានមូលដ្ឋាននៅក្នុងប្រទេសកាណាដា៕
Account
Security
Favourite Content