សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ជីវិតរបស់យើងត្រូវការអាហារចាំបាច់ច្រើនមុខជាប្រចាំថ្ងៃដើម្បីទ្រទ្រង់សុខភាពផង និងថែរក្សាសុខភាពឲ្យបានល្អទៅតាមវ័យផងដែរ ដែលក្នុងនោះទឹកដោះគោគឺជាប្រភេទចំណីមួយប្រភេទដែលមិនគួរមើលរំលងឡើយ ត្បិតវាមានសារធាតិចិញ្ចឹមយ៉ាងច្រើន ដែលអាចបង្កើនកម្លាំង ការចងចាំ និងឆ្លាតវៃ។
នៅក្នុងផលិតផលជាទឹកដោះគោដែលយើងទទួលទានជារៀងរាល់ថ្ងៃ គឺជាប្រភពអាហារដែលសម្បូរទៅដោយសារធាតុចិញ្ចឹម និងមានអត្ថប្រយោជន៍យ៉ាងច្រើនរួមទាំងកាល់ស្យូមដែលអាចជួយថែរក្សាឆ្អឹងជាដើម។ មិនត្រឹមតែជួយថែរក្សាឆ្អឹងប៉ុណ្ណោះទេ ចំពោះមនុស្សពេញវ័យអាចជួយដល់ការលូតលាស់របស់សាច់ដុំ កាត់បន្ថយភាពធាត់ មានសំបូរទៅដោយវិតាមីន B ដែលអាចជួយការពារជំងឺទឹកនោមផ្អែមបាន។
ចំពោះទារកវិញ ទឹកដោះគោ គឺជាអាហារដ៏ចាបាច់បំផុតសម្រាប់ការលូតលាត់ទាំងរាង្គកាយ និងខួរក្បាល ពីព្រោះក្នុងពេលទារកមិនទាន់អាចទទួលអាហារអ្វីផ្សេងបានទឹកដោះគោបានដើរតួជំនួសឲ្យអាហារដែលមានសារជាតិចិញ្ចឹមគ្រប់ប្រភេទ ខណៈដែលនៅអឺរ៉ុបពលរដ្ឋរបស់ខ្លួនគឺជាអ្នកដែលនិយមប្រើប្រាស់ទឹកដោះគោច្រើនជាងគេបំផុតចាប់តាំងតែពីទារកទៅដល់កុមារតូច និងសូម្បីតែពួកគេពេញវ័យជំទង់ ហើយក្តីការទទួលទានទឹកដោះគឺជារឿងដែលស្ទើរតែមិនអាចខ្វះបានឡើយ។
ថ្វីត្យិតតែប្រទេសឥណ្ឌាគឺជាអ្នកប្រើប្រាស់ទឹកដោះគោច្រើនជាងគេបំផុតគិតជាតួលេខទូទាំងប្រទេស ប៉ុន្តែដោយសារប្រជាជនច្រើនពេក ដូច្នេះការប្រើប្រាស់ជាមធ្យមនៅខុសឆ្ងាយពីការប្រើប្រាស់របស់ពលរដ្ឋក្នុងតំបន់អឺរ៉ុបដោយប្រទេសទាំងនេះមានការប្រើប្រាស់ទឹកដោះគោជាមធ្យមក្នុងមួយឆ្នាំចន្លោះពី ៧០លីត្រទៅដល់ជាង ៣៤០លីត្រ។
ប្រទេសដែលមានប្រើប្រាស់ទឹកដោះគោច្រើនជាងគេមានដូចជា អាល់បេនី ប្រមាណជាជាង ៣០៤លីត្រក្នុងមួយឆ្នាំ, ពលរដ្ឋហូឡង់ ប្រើប្រាស់ប្រមាណជា ៣០៤លីត្រដូចគ្នាក្នុងមួយឆ្នាំ, ពលរដ្ឋហ្វាំងឡង់ប្រើប្រាស់ប្រមាណជា៣២៦លីត្រក្នុងមួយឆ្នាំ និងប្រទេសម៉ុងតេណេក្រូប្រើប្រាស់ប្រមាណជា ៣៤២លីត្រក្នុងមួយឆ្នាំ។
ទោះបីជាមានតម្លៃថ្លៃបន្តិចធៀបទៅនឹងអាហារចាំបាច់ផ្សេងៗនៅលើទីផ្សារបូករួមទាំងបន្លែត្រីសាច់ផង ប៉ុន្តែទឹកដោះគោអាចផ្តល់អត្ថប្រយោជន៍ដោយប្រយោលដល់សង្គម និងសេដ្ឋកិច្ចប្រទេសមួយបាន។ នៅអឺរ៉ុបគឺជាប្លុកដែលមានពលរដ្ឋមានចំណេះដឹង និងសមត្ថភាព ការរីកលូតលាស់ផ្នែករាង្គកាយល្អជាងគេបំផុតរបស់ពិភពលោក ហើយមួយចំណែកបានមកពីការទទួលទានអាហារដែលផ្តល់នូវសុខភាពល្អៗដូចជាទឹកដោះគោនេះ។
អឺរ៉ុបអាចទាញយកអត្ថប្រយោជន៍ជាច្រើនពីសំណាក់ពលរដ្ឋដែលជាធនធានរបស់ខ្លួនទាំងផលិតភាពការងារ និងគុណភាពការងារអស់រយៈពេលជាច្រើនទសវត្សរ៍មកហើយ។ ដូចនេះគេអាចមើលឃើញថាចំណីអាហារចាំបាច់ប្រចាំថ្ងៃដែលពោរពេញទៅដោយអាហារបំប៉នបានគ្រប់គ្រាន់មិនត្រឹមតែអាចជួយឲ្យពលរដ្ឋមានសុខភាពល្អម៉ាំមួនប៉ុណ្ណោះទេ វាជាប្រយោលនឹងអាចជួយដល់ការអភិវឌ្ឍរបស់ប្រទេសជាតិទៀតផងតាមរយៈសមត្ថភាព និងផលិតភាពដ៏ខ្លាំងក្លារបស់ពលរដ្ឋ បើទោះបីជាការចាប់ផ្តើមនឹងមិនអាចមើលឃើញលទ្ធផលភ្លាម ប៉ុន្តែវានឹងអាចស្តែងចេញនៅក្នុងជំនាន់ក្រោយណាមួយជាមិនខានប្រសិនបើការអនុវត្តនេះត្រូវបានធ្វើឡើងបានយ៉ាងល្អប្រសើរនោះ៕
Account
Security
Favourite Content