សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ អ្នកជំនួញកម្ពុជា បានជួបជុំជជែក ពិភាក្សា និងទទួលទានអាហារពេលល្ងាចជាមួយ លោក Maxim Behar ប្រធានក្រុមប្រឹក្សាភិបាល និងជាប្រធាននាយកប្រតិប្រតិ្តក្រុមហ៊ុន M3 Communications Group នាល្ងាចថ្ងៃទី២០ ខែតុលា ឆ្នាំ២០២៥ នៅសណ្ឋាគារ សាន់ អេន មូន រាជធានីភ្នំពេញ។
ឧកញ៉ា ប៉ិច បូឡែន ប្រធានសមាគមសហគ្រិនវ័យក្មេងកម្ពុជា(YEAC) បានមានប្រសាសន៍ថា៖ ជំនួបពិភាក្សានាពេលនេះ កម្ពុជា និង ប៊ុលហ្គារី មានគោលបំណងស្វែងរកទំនាក់ទំនង និងកិច្ចសហប្រតិបត្តិការទ្វេភាគីលើវិស័យមួយចំនួន ដូចជា ពាណិជ្ជកម្ម ការវិនិយោគ ទេសចរណ៍ កសិកម្ម ជាពិសេស សិក្សាស្វែងយល់ថា តើកម្ពុជាអាចធ្វើអ្វីបានជាមួយប្រទេសប៊ុលហ្គារី ក៏ដូចជាប្រទេសអឺរ៉ុបខាងកើត ហើយប៊ុលហ្គារី មានសក្តានុពលធ្វើខ្លះដែលអាចទាក់ទាញកម្ពុជា។
លោកឧកញ៉ាបានបន្តថា៖
«ក្នុងជំនួបនេះ ភាគីកម្ពុជាមានការចូលរួមពីប្រធានសមាគម និងតំណាងសមាគមពាណិជ្ជកម្មជាច្រើនមកពីវិស័យស្រូវអង្ករ ម្រេច ស្វាយ ទុរេន ទេសចរណ៍ សណ្ឋាគារ អប់រំ និងវិស័យផលិតផលកសិកម្ម។ ខាង ប៊ុលហ្គារី គេបានចាប់អារម្មណ៍ច្រើនលើវិស័យអប់រំ និងសន្យាផ្តល់អាហារូបករណ៍ផ្នែកវេជ្ជសាស្ត្រដល់និស្សិតខ្មែរយើង»។
លោក Maxim Behar ប្រធានទី១ សភាពាណិជ្ជកម្ម ប៊ុលហ្គារី និងជានាយកប្រតិប្រតិ្តក្រុមហ៊ុន M3 Communications Group បានមានប្រសាសន៍ថា៖ ដំណើរទស្សនកិច្ចរយៈពេល៥ថ្ងៃនៅកម្ពុជានេះ មានគោលបំណងបង្កើតនូវទំនាក់ទំនងល្អជាមួយកម្ពុជា ជាពិសេស លើវិស័យពាណិជ្ជកម្ម ទេសចរណ៍ អប់រំ និងវិស័យមួយចំនួនទៀត។
លោកបានលើកឡើងថា៖
«កម្ពុជាមានសក្តានុពលជាច្រើន ហើយច្បាប់វិនិយោគទុនរបស់កម្ពុជាអំណោយផលសម្រាប់វិនិយោគិន។ ប៊ុលហ្គារី ខ្លាំងខាងឧស្សាហកម្មកែច្នៃ ដែលនេះជាឱកាសសម្រាប់វិនិយោគិនប៊ុលហ្គារី ក្នុងការចាប់យកវិស័យកែច្នៃ វេចខ្ចប់ ហើយប្រទេសកម្ពុជាមានក្របខណ្ឌច្បាប់ស្តីពីការវិនិយោគ ដែលជួយគាំទ្រដល់រាល់វិនិយោគិនឱ្យទទួលបានអត្ថប្រយោជន៍ជាច្រើន»។
ជាមួយគ្នានេះ លោកប្រធានសភាពាណិជ្ជកម្មប៊ុលហ្គារី ក៏បានបង្ហាញពីគោលបំណងចង់នាំចេញគ្រាប់ស្វាយចន្ទីកម្ពុជាទៅប្រទេសប៊ុលហ្គារី ជាពិសេស ការសិក្សាស្វែងយល់ និងពិនិត្យលទ្ធភាពក្នុងការវិនិយោគវិស័យកសិកម្មកម្ពុជា៕
Account
Security
Favourite Content