ភ្នំពេញ ៖ «សៀវភៅមគ្គទេសក៍ស្ដីពីគ្រឿងទេសនៅកម្ពុជា» ត្រូវបានដាក់សម្ពោធដាក់ឱ្យប្រើប្រាស់ជាផ្លូវការដោយក្រសួងបរិស្ថាន កាលពីថ្ងៃទី ១១ ខែឧសភា ឆ្នាំ២០២២ម្សិលមិញ។ នៅក្នុងខ្លឹមសារសៀវភៅមួយក្បាលនេះ មាននូវការរៀបរាប់សម្រាយអំពីគ្រឿងទេសសំខាន់ៗចំនួន ៤៣មុខ ដែលត្រូវបានប្រជាជនកម្ពុជាប្រើប្រាស់នៅក្នុងការចម្អិនមុខម្ហូប និងជាឱសថព្យាបាលជំងឺផ្សេងៗ។
គ្រឿងទេសទាំងនោះផងដែរ កំពុងទទួលបានការជំរុញពីក្រសួងក្នុងគោលបំណងបញ្ជ្រាបជាចំណេះដឹង បន្តការអភិរក្សរុក្ខជាតិគ្រឿងទេសទាំងនោះ លើកកម្ពស់កិច្ចគាំពាបរិស្ថាន អភិរក្សធនធានជីវចម្រុះ និងការថែរក្សាប្រព័ន្ធអេកូឡូស៊ី ជាពិសេសលើកកម្ពស់ជីវភាពរស់នៅរបស់ប្រជាជនក្នុងសហគមន៍មូលដ្ឋាន។
គ្រឿងទេសទាំង ៤៣ មុខនោះរួមមាន ៖ កន្ទួត កន្ទ្រោក ក្រកោ ឬក្រកោស្បាត ក្រវាញ ក្រសាំងស៊ីផ្លែ ក្រូចឆ្មារខ្មែរ ក្រឆ្មារបារាំង ក្រូចភ្លាឬក្រូចល្វីង ក្រូចសើច ខ្ជាយ ខ្ញី ខ្ទឹមក្រហម ខ្ទឹមបារាំង ខ្ទឹមស ខ្ទឹមសន្លឹក ឬខ្លឹមសណ្ដែក ជម្ពូជ្រលក់ ជីរក្រសាំងទំហំ ជីរថ្ពាល់ត្រី ជីរនាងវង ជីរប្រហើរ ជីរម្រះព្រៅ ជីររណារឬជីរបារាំង ជីរវ៉ាន់ស៊ុយ ជីរអង្កាម ដីប្លី ឬម្រេចវែង តើយ ទ្រលឹងទឹង ទ្រមូង ពង្រ ម្ទេសខ្មាំង ម្ទេសដៃនាង ម្ទេសផ្លោក ម្ទេសស ម្រេច ម្អមក្ដាម ម្អមស្រែ រមៀត រំដេង រំដេងព្រៃ សណ្ដាន់ទេស ឬម្ជូរបារាំង ឬស្លឹកជូរ ស្លឹកគ្រៃ អម្ពិល។
ក្រៅពីនោះ ក៏មាននូវការចុះអនុស្សរណៈនៃកិច្ចសហប្រតិបត្តការរវាងក្រសួងបរិស្ថាន និងសួនរុក្ខឧទ្យាន KEW នៃចក្រភពអង់គ្លេស ស្តីពីកិច្ចសហប្រតិបត្តិការក្នុងការ បង្កើត និងដំណើរការនៃការអភិរក្សជីវៈចម្រុះក្រៅដែនធម្មជាតិនៅកម្ពុជា។ អនុស្សរណៈនៃកិច្ចសហប្រតិបត្តការរវាងក្រសួងបរិស្ថាន និងដៃគូអភិវឌ្ឍន៍ពាក់ព័ន្ធស្តីពីកិច្ចសហការរៀបចំ និងប្រតិបត្តិការរបស់មជ្ឈមណ្ឌលស្រាវជ្រាវ និងអភិរក្សកេសរកូល សុខ អាន ភ្នំគូលែន។
គួររំលឹកផងដែរថា ការសម្ពោធដាក់ឱ្យប្រើប្រាស់សៀវភៅមគ្គទេសស្ដីពីគ្រឿងទេសនេះ បានរៀបចំឡើងនៅអគារខេមរានី សហភាពសហព័ន្ធយុវជនកម្ពុជា (ស.ស.យ.ក.) រាជធានីភ្នំពេញ ដោយមានការអញ្ជើញចូលរួមពីតំណាងក្រសួង ស្ថាប័ន ស្ថានទូត អង្គការដៃគូ វិស័យឯកជន អ្នកជំនាញជាតិ និងអន្តរជាតិ សិស្ស និស្សិត និងអ្នកពាក់ព័ន្ធ។ សៀវភៅមគ្គទេសក៍ស្តីពីគ្រឿងទេសនៅប្រទេសកម្ពុជានេះផងដែរ បានចែកជូនដល់សាធារណជនបណ្ដាញសារព័ត៌មាន តំណាងស្ថាប័ន និងសិស្សនិស្សិតដែលអញ្ជើញចូលរួមក្នុងវេទិកាកេសរកូលជាតិលើកទី២ និងទស្សនាពិព័រណ៍កេសរកូលនេះដោយសេរី នៅអគារខេមរានី សហភាពសហព័ន្ធយុវជនកម្ពុជារាជធានីភ្នំពេញ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍សំខាន់
ព័ត៌មានទូទៅ
ន.ម.ក. និង ADB ជំរុញដំណើរការនៃការបោះផ្សាយសញ្ញាបណ្ណនិរន្តរភាព និងកាលានុវត្តភាពសម្រាប់កម្ពុជា
វេទិកាសេដ្ឋកិច្ចពិភពលោក ៖ កម្ពុជាលើកកម្ពស់អាស៊ាន និងផ្ដោតលើចលនាការនៃការងើបឡើងវិញនៃសេដ្ឋកិច្ចអាស៊ាន
រថយន្តអគ្គិសនីកំពុងចរាចរណ៍លើផ្លូវថ្នល់ទូទាំងពិភពលោកមានចំនួនជាង ១៦,៥លានគ្រឿង
គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី (Bamboo Finance Plc) ចូលរួមយុទ្ធនាការបរិច្ចាកឈាម ដើម្បីសង្គ្រោះជីវិត
តំបន់សេដ្ឋកិច្ចពិសេសក្រុងព្រះសីហនុកំពុងគាំទ្រសង្វាក់ផលិតកម្មរោងចក្រ សហគ្រាសជាង១៧០
សម្តេចតេជោ ហ៊ុន សែន បន្តផ្សព្វផ្សាយពីសក្តានុពល និងឱកាសវិនិយោគនៅកម្ពុជា ដើម្បីទាក់ទាញអ្នកវិនិយោគពីតំបន់អឺរ៉ុប
ប្រធានប្រតិបត្តិនៃវេទិកាសេដ្ឋកិច្ចពិភពលោក ចង់ឃើញកម្ពុជាបង្កើតមជ្ឈមណ្ឌលទាញប្រយោជន៍ពីបដិវត្តន៍ឧស្សាហកម្មទី៤
ONiON Mobility Assembly Plant Officially Launched
សេដ្ឋកិច្ចពិភពលោករំពឹងថាធូរស្រាលបន្តិចវិញ ក្រោយបញ្ហាពាណិជ្ជកម្មរវាងមហាយក្សចិន និងអាមេរិកត្រូវបានដោះស្រាយ
ធនាគារជាតិនៃកម្ពុជា ៖ ទ្រព្យសកម្មក្នុងស្រុកសុទ្ធនៃគ្រឹះស្ថានទទួលប្រាក់បញ្ញើបានបន្តកើនឡើង
កម្មវិធីពិសេសរបស់ AMS ECONOMY
ព័ត៌មានសង្ខេប
