សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ថ្វីត្បិតតែបញ្ហប្រឈមពីសេដ្ឋកិច្ចខាងក្រៅនៅមិនទាន់មានភាពល្អប្រសើរក្ដី តែរំហូរទុនវិនិយោគផ្ទាល់ពីបរទេសនៅកម្ពុជាត្រូវបានរំពឹងពីកំណើនឡើងវិញបន្ទាប់ពីស្ថានភាពកូវីដ-១៩បានប្រសើរឡើងវិញ ដោយក្នុងនោះដែរ ឆ្នាំ២០២២នេះ កម្ពុជារំពឹងទទួលបានរំហូរទុនផ្ទាល់ពីបរទេសចំនួន ៣ ៥៥៧លានដុល្លារអាមេរិក ។ នេះបើតាមការព្យាកររបស់ក្រសួងសេដ្ឋកិច្ច និងហិរញ្ញវត្ថុនៅក្នុងក្របខណ្ឌគោលនយោបាយម៉ាក្រូសេដ្ឋកិច្ច ។
នៅក្នុងរបាយការណ៍ដដែលនេះបានឱ្យដឹងថា ក្នុងឆ្នាំ២០២១កន្លងទៅ រំហូរទុនវិនិយោគផ្ទាល់ពីបរទេសមានចំនួន ៣ ៤៨៦លានដុល្លារអាមេរិក ហើយឆ្នាំនេះវិញរំពឹងថានឹងទទួលបានរំហូរវិនិយោគបរទេសប្រមាណ ៣ ៥៥៧លានដុល្លារអាមេរិក ហើយឆ្នាំក្រោយរំពឹងថាទទួលបាន ៣ ៧៤៥លានដុល្លារអាមេរិក ។
តាមរបាយការណ៍នេះបានបង្ហាញថា រំហូរទុនវិនិយោគបរទេសឆ្នាំ២០២២នេះរំពឹងថានឹងមានកំណើនឡើងក្នុងរង្វង់ ១២ភាគរយ នៃផ.ស.ស ហើយឆ្នាំ២០២៣ខាងមុខរំពឹងថានឹងមានក្នុងរង្វង់ ១១,៦ នៃ ផ.ស.ស ដោយសារតែការបន្តកើនឡើងនូវទំនុកចិត្តវិនិយោគ ជាមួយនឹងបរិយាកាសកាន់តែអំណោយផលរបស់កម្ពុជា ក្នុងបរិការណ៍នៃការផ្លាស់ប្តូរកាន់តែលឿននូវខ្សែច្រវ៉ាក់ផលិតកម្ម និងផ្គត់ផ្គង់ តំបន់ និងសកល ស្របពេលដែលវិបត្តិជំងឺកូវីដ-១៩ មានភាពស្រាកស្រាន្ត ។
អ្នកជំនាញសេដ្ឋកិច្ច និងវិស័យអចលនទ្រព្យកម្ពុជា បានបង្ហាញពីសុដ្ឋិនិយមរបស់ខ្លួនចំពោះកំណើនវិនិយោគិនបរទេសនៅកម្ពុជាក្នុងឆ្នាំ២០២២នេះ ដែលធ្វើឱ្យរំហូរទុនវិនិយោគបរទេសក្នុងប្រទេសកម្ពុជាមានកំណើនឡើងវិញ ជាពិសេសនៅចុងឆ្នាំ២០២២នេះ ដោយរំពឹងថាវិនិយោគិនបរទេសនឹងត្រលប់មកកាន់កម្ពុជាកាន់តែច្រើនឡើង។
លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាបានលើកឡើងថា កម្ពុជាបានត្រៀមខ្លួនរួចហើយពីការស្វាគមន៍វិនិយោគិនបរទេសនឹងចូលមកកម្ពុជានៅចុងឆ្នាំនេះ ឬដើមឆ្នាំក្រោយ ហើយតំបន់មួយចំនួនដែលមានសក្ដានុពលខ្ពស់ក្នុងការទាក់ទាញវិនិយោគិនបរទេសក៏នឹងទទួលបានអត្ថប្រយោជន៍ពីការវិនិយោគរបស់បរទេសផងដែរ ។
លោកបន្តថា ៖
“កត្តាសុខសន្តិភាព ច្បាប់វិនិយោគថ្មីរបស់កម្ពុជាមានភាពល្អប្រសើរ ហើយចំពោះតម្លៃដីធ្លីនៅមានកម្រិតធៀបនឹងប្រទេសជិតខាង ខណៈដែលរដ្ឋាភិបាល បាន និងកំពុងផ្តល់នូវលក្ខខណ្ឌល្អៗជាច្រើនដើម្បីលើកទឹកចិត្ត និងជំរុញឱ្យវិនិយោគិនបរទេសចូលមកកម្ពុជាក្នុងការសិក្សាស្វែងយល់ពីឱកាសវិនិយោគនៅក្នុងប្រទេស។ កម្ពុជាក៏មានសក្ដានុពល និងកាលានុវត្តភាពកាន់តែធំទូលាយ ដែលធ្វើឱ្យបរទេសនៅតែចាប់អារម្មណ៍”
លោកបានបន្តថា នៅឆ្នាំ២០២២នេះ រំហូរទុនវិនិយោគបរទេសនៅកម្ពុជាឃើញថាចាប់ផ្ដើមមានកំណើនឡើងវិញ ដោយឃើញមានគម្រោងវិនិយោគរបស់បរទេសមួយចំនួនត្រូវបានរាជរដ្ឋាភិបាលអនុញ្ញាតឱ្យដំណើរការ ដូច្នេះនៅក្នុងឆ្នាំ២០២២នេះនិងឆ្នាំ២០២៣ខាងមុខរំហូរទុនវិនិយោគមកពីបរទេសនៅកម្ពុជានឹងកាន់តែមានកំណើនឡើង ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ផលិតផលកសិកម្មរបស់កម្ពុជាមានវត្តមាននៅទីផ្សារជាង១៧០ប្រទេសលើពិភពលោក
Top News, ព្រឹត្តិការណ៍, សេដ្ឋកិច្ច
• 23/10/2026
ភ្នំពេញ ៖ ផលិតផលកសិកម្មរបស់កម្ពុជា បាន និងកំពុងពង្រីកទីផ្សារកាន់តែធំនៅក្រៅប្រទេស ដោយគិតមកដល់បច្ចុប្បន្ននេះ ផលិតផលកសិកម្មរបស់កម្ពុជាកំពុងចរាចរណ៍នៅលើទីផ្សារបរទេសបានប្រមាណ១៧០ប្រទេសហើយ ។ នេះបើតាមលោកបណ្ឌិត កែ មុន្ធីវុធ ប្រធាននាយកដ្ឋានការពារដំណាំ អនាម័យ និងភូតគាមអនាម័យនៃអគ្គនាយកដ្ឋានកសិកម្ម ក្រសួងកសិកម្ម រុក្ខាប្រមាញ់ និងនេសាទ ។ ថ្លែងនៅក្នុងវេទិកា និងពិព័រណ៍កសិកម្មកម្ពុជា
អាម៉េរិក ផ្តល់កុងត្រា១០ឆ្នាំ ផលិតយន្តហោះចម្បាំង F-35 ៨៥០គ្រឿងបន្ថែម
ព្រឹត្តិការណ៍, អាជីវកម្មថ្មី និងនវានុវត្ត
• 23/10/2026
បរទេស ៖ ក្រសួងការពារជាតិសហរដ្ឋអាមេរិក(មន្ទីរប៉ង់តាហ្គោន) និងក្រុមហ៊ុន Lockheed Martin បានឈានទៅដល់កិច្ចព្រមព្រៀងលើក្របខ័ណ្ឌរយៈពេល ១០ ឆ្នាំ ដែលធានានូវការផ្គត់ផ្គង់យន្តហោះចម្បាំង F-35 Lightning II យ៉ាងហោចណាស់ ៨៥០ គ្រឿងទៀតសម្រាប់កងទ័ពអាមេរិក។ យោងតាមការចេញផ្សាយរបស់ Defences News នៅសប្តាហ៍នេះបានសរសេរថា
ការដាក់ចេញយុទ្ធសាស្ត្រជាតិ អភិវឌ្ឍន៍វិស័យ MSMEs ២០២៦-២០៣០ ជាកាតាលីករពង្រឹងចរន្តសេដ្ឋកិច្ចឱ្យមានភាពធន់
ជំនួញ, ព្រឹត្តិការណ៍, សេដ្ឋកិច្ច
• 23/10/2026
ភ្នំពេញ ៖ ក្នុងបរិបទដែលសហគ្រាសធុនមីក្រូ តូច និងមធ្យម (MSMEs) កំពុងរួមចំណែកដល់ទៅ ៦៣% នៃផលិតផលក្នុងស្រុកសរុប និងបង្កើតការងារជាង ៧០% យុទ្ធសាស្ត្រជាតិ ស្ដីពី «ការអភិវឌ្ឍន៍ សហគ្រាសធុនមីក្រូ តូច និងមធ្យម ២០២៦-២០៣០» ត្រូវបានគេមើលឃើញថា ជាគន្លឹះក្នុងការបង្វិលកង់សេដ្ឋកិច្ចឱ្យអាជីវកម្មមានចរន្ត
អ្នកការទូតអាមេរិក ៖ វិនិយោគិនបច្ចុប្បន្នកំពុងវាយតម្លៃពីហានិភ័យខ្ពស់ខុសពីការពិតក្នុងករណីផ្ទុះសង្គ្រាមនៅកោះតៃវ៉ាន់
ព្រឹត្តិការណ៍, អាជីវកម្មថ្មី និងនវានុវត្ត
• 22/10/2026
បរទេស ៖ យោងតាមមន្ត្រីការទូតជាន់ខ្ពស់អាមេរិកម្នាក់បានឱ្យដឹងថា វិនិយោគិនបច្ចុប្បន្នកំពុងវាយតម្លៃពីការគំរាមកំហែងនៃលទ្ធភាពដែលអាចផ្ទុះឡើងនូវជម្លោះយោធានៅទល់មុខច្រកសមុទ្រតៃវ៉ាន់ក្នុងកម្រិតខ្ពស់ខុសពីការពិត ខណៈដែលទាំងទីក្រុងវ៉ាស៊ីនតោន និងប៉េកាំង សុទ្ធតែមិនចង់ឱ្យកើតមានជម្លោះដោយយោធានោះទេ។ ចេញផ្សាយដោយកាសែត RT បានបញ្ជាក់ថា លោក Michael DeSombre ជំនួយការរដ្ឋមន្ត្រីការបរទេសអាមេរិកទទួលបន្ទុកកិច្ចការអាស៊ីបូព៌ា និងប៉ាស៊ីហ្វិក បានថ្លែងថា ទីផ្សារសកលលោកកំពុងវាយតម្លៃពីហានិភ័យនៃការផ្ទុះអាវុធលើបញ្ហាកោះតៃវ៉ាន់ហួសពីការពិត។ មហាអំណាចទាំងពីរមានសមត្ថភាពក្នុងការទប់ស្កាត់ជម្លោះ បើទោះបីជាកោះស្វយ័តមួយនេះនៅតែជាចំណុចក្ដៅគគុកនៃភាពតានតឹងក៏ដោយ។ ទីក្រុងប៉េកាំង
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content