កោះកុងក្រៅ ជាទីឋាននៃតំបន់ទេសចរណ៍ធម្មជាតិដែលមិនគួរមើលរំលង

កោះកុង ៖ កោះកុងក្រៅ ជាតំបន់ដែនកោះ ស្ថិតនៅឃុំជ្រោយប្រស់ ស្រុកកោះកុង ខេត្តកោះកុង និងមានចម្ងាយ​ ៣០ គ.ម ពីក្រុងខេមរភូមិន្ទ ។ កោះកុង​ក្រៅមានផ្ទៃដី​ប្រមាណ ៨០ គីឡូម៉ែត្រការ៉េ និងមានកម្ពស់ប្រហែល ៤១០ ម៉ែត្រ លាតសន្ធឹងសន្ធឹងលើផ្ទៃសមុទ្រដ៏ធំល្វឹងល្វើយរបស់កម្ពុជា ជាប់ជាមួយនឹងឈូងសមុទ្រថៃ។

តំបន់កោះកុងក្រៅមានឆ្នេរចំនួន៧ ដែលឆ្នេរនីមួយៗសុទ្ធតែមានខ្សាច់សក្បុស ល្អស្អាត និងភាព​ទាក់ទាញរៀងៗខ្លួន។ ប៉ុន្តែបើនិយាយពីឆ្នេរដែលពេញនិយមសម្រាប់អ្នកទេសចរទៅកម្សាន្ដ គឺឆ្នេរទី៣ និងឆ្នេរទី៤ ដោយសារឆ្នេរទាំងពីរនេះមានទឹកសាបសម្រាប់ប្រើប្រាស់គ្រប់គ្រាន់។

ក្នុងចំណោមឆ្នេរទាំង៧នៃតំបន់កោះកុងក្រៅ ឆ្នេរទី២ស្ថិតនៅ​ក្រោម​​ការគ្រប់គ្រងរបស់​អង្គភាពយោធា​ជើងទឹក​ផ្នែក​​​លំហសមុទ្រ ហើយចំណុចពិសេសរបស់ឆ្នេរនីមួយៗគឺមានខ្សាច់សស្អាត និងមានទឹកពណ៍ខៀវថ្លា ដែលអាចមើល​ធ្លុះដល់បាតខាងក្រោម។ តំបន់កោះកុងក្រៅនេះក៏ជាតំបន់ដែលសម្បូរទៅដោយធនធានធម្មជាតិផងដែរ ជាពិសេសជីវចម្រុះ។ ប៉ុន្តែ ដោយសារតែដែនកោះមួយនេះនៅមិនទាន់មានការអភិវឌ្ឍខ្លាំង ភ្ញៀវទេសចរដែលទៅលេងភាគច្រើននិយមចាប់ក្ដាម ចាក់មឹក ឬ ស្ទូចត្រីនៅទីនោះដើម្បីធ្វើជាអាហារទទួលទានខ្លួនឯងផ្ទាល់តែម្ដង។ ចំណែកឯការស្នាក់នៅវិញ ភ្ញៀវទេសចរអាចបោះតង់បានយ៉ាងងាយស្រួលនៅលើទីធ្លាឆ្នេរ ដែលលាតសន្ធឹងជាច្រើនម៉ែត្រ។ អ្វីដែលកាន់តែពិសេសនោះគឺនៅពីក្រោយឆ្នេរខ្សាច់ ក៏មានកូនព្រែកតូចៗដែលគេអាចជិះទូកចូលទៅបានដើម្បីគយគន់មើលដើមកោងកាងដែលដុះប្របនឹងមាត់ទឹក។

ខុសពីតំបន់កោះដទៃទៀត នៅឆ្នេរទី៣ គេក៏អាចធ្វើដំណើរដោយថ្មើរជើងទៅលេងទឹកជ្រោះ​មួយ​កន្លែងទៀត ។ ថ្វីត្បិតថា មិនមានកម្ពស់ខ្ពស់ ប៉ុន្តែអ្នកដំណើរអាចចូលងូតទឹកលេងនៅទីនោះ​ និងអាចទស្សនានូវទិដ្ឋ​ភាពបែបព្រៃភ្នំបានយ៉ាងស្រស់ស្រាយសប្បាយចិត្តដ្បិតទេសភាពដ៏ខៀវស្រងាត់ និងភាពត្រជាក់របស់រុក្ខជាតិព្រៃភ្នំមានភាពទាក់ទាញជាខ្លាំង។

ក្រៅតែពីសកម្មភាពដើរទៅទស្សនាទឹកជ្រោះនេះទៅ នៅពេលរសៀលជ្រេបន្តិច ​ភ្ញៀវទេសចរក៏អាចធ្វើ​ដំណើរចេញពីឆ្នេរដែលខ្លួនស្នាក់នៅទៅរកតំបន់កោះក្បែរៗនោះដើម្បីស្ទួចត្រី និងមើល​ផ្កាថ្មបានផងដែរ ហើយមិនត្រឹមតែមានត្រី​ច្រើនប្រភេទ និងផ្កាថ្ម​សម្រាប់គយគន់ប៉ុណ្ណោះទេ តំបន់កោះ​កុងក្រៅក៏ជាជម្រករបស់សត្វ​កាំប្រម៉ាសមុទ្រទៀតផង។

ចូលដល់ម៉ោង ៥ល្ងាច ជាពេលវេលាដែលអ្នកទេសចរអាចគយគន់ផ្ទៃមេឃដ៏ស្រស់ស្អាតរហូតដល់​ថ្ងៃលិចបាត់តែម្ដង។ នៅចន្លោះពេលនេះដែរ កម្ដៅថ្ងៃចាប់ផ្ដើមថមថយ ដែលជាពេលវេលាដ៏ល្អបំផុត​សម្រាប់ភ្ញៀវទេសចរងូតទឹកលេងក្រោមផ្ទៃមេឃពណ៍ទឹកក្រូចយ៉ាងស្រស់ស្អាត។

សម្រាប់ពេលយប់ តំបន់ឆ្នេរមិនសូវត្រជាក់ពេកនោះទេ ពោលគឺល្មមក្នុងការអង្គុយជជែកគ្នាជុំវិញភ្នក់ភ្លើង ហើយក៏ល្មមនឹងអាចគេងសម្រាកក្នុងតង់បានផងដែរ។ រហូតដល់ពាក់កណ្ដាលអាធ្រាត គេក៏អាចគយគន់ហ្វូងផ្កាដែលរះបញ្ចេញពន្លឺព្រោងព្រាត ពោលគឺអាចមើលឃើញហ្កាឡាក់ស៊ី​បានយ៉ាងច្បាស់តែម្ដង។

យ៉ាងណាក៏ដោយ ដើម្បីអាចរក្សាទិដ្ឋភាពដ៏ស្រស់ស្អាតនេះឱ្យគង់វង្សស្ថិតស្ថេរ អ្នកទេសចរគួរចូលរួមថែរក្សាបរិស្ថានតាមតំបន់ដែលខ្លួនបានទៅទស្សនា ជាពិសេសគឺចូលរួមក្នុងការអភិរក្សជីវៈចម្រុះ ដើម្បីការរស់នៅរបស់យើងទាំងអស់គ្នា។

ម្យ៉ាងទៀត ការចូលរួមទស្សនាតំបន់នេះ គឺស្មើនឹងការចូលរួមជួយទ្រទ្រង់ជីវភាពសហគមន៍នៅក្នុងស្រុកឱ្យកាន់តែមានភាពប្រសើរផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រមួនឃ្មុំ ជាទិន្នផលទទួលបានពីទឹក និងសម្បុកឃ្មុំ កំពុងមានទីផ្សារល្អ ផ្តល់គុណប្រយោជន៍ច្រើន  

ជំនួញ, ព្រឹត្តិការណ៍

• 15/07/2024

ការចិញ្ចឹមឃ្មុំ ជាអាជីវកម្មមួយដែលអាចទាញយកបានផលច្រើនមុខ ដោយក្រៅពីទទួលបានទិន្នផលជាទឹកឃ្មុំ គេក៏អាចប្រមូលបាននូវលំអងឃ្មុំ និងចម្រាញ់ធ្វើជាក្រមួនឃ្មុំផងដែរ

គម្រោងអភិវឌ្ឍន៍ផ្លូវ​ចំនួន​៣ខ្សែ​រំពឹង​បញ្ចប់​ការដ្ឋាននៅក្នុងឆ្នាំ២០២៤

ព្រឹត្តិការណ៍, អចលនទ្រព្យ

• 15/07/2024

គម្រោងអភិវឌ្ឍន៍​ផ្លូវជាតិសំខាន់ៗចំនួន​៣ខ្សែ រំពឹងថា​នឹង​បញ្ចប់ការ​សាងសង់នៅក្នុងឆ្នាំ ២០២៤​នេះ ហើយនឹង​សម្រួលដល់​ការធ្វើដំណើររបស់ពលរដ្ឋ​​

សេដ្ឋកិច្ចថៃបែរជាមានសម្ពាធខ្លាំងដោយសាររោងចក្រចិន និងការនាំចូលទំនិញធូរថ្លៃរបស់ចិន

ព្រឹត្តិការណ៍, សេដ្ឋកិច្ច

• 15/07/2024

សេដ្ឋកិច្ចថៃ កំពុងទទួលរងសំពាធ បន្ទាប់ពីមានបើកដំណើរការរោងចក្រផលិតរថយន្តអគ្គិសនី និងការនាំចូលទំនិញធូរថ្លៃរបស់ចិន

ក្រុមហ៊ុន SUN WAH សម្លឹងឃើញកាលានុវត្តភាពវិនិយោគថ្មីក្នុងវិស័យផ្គុំ និងដំឡើងយានយន្តអគ្គិសនីនៅកម្ពុជា

ព្រឹត្តិការណ៍, សេដ្ឋកិច្ច

• 15/07/2024

ក្រុមហ៊ុន SUN WAH Cambodia បានសម្លឹងឃើញកាលានុវត្តភាពវិនិយោគថ្មីក្នុងវិស័យផ្គុំ និងដំឡើងយានយន្តអគ្គិសនីនៅកម្ពុជា

ផ្លូវជាតិលេខ៧១C ប្រវែងជាង១១៤គីឡូម៉ែត្រ ភ្ជាប់ខេត្តត្បូងឃ្មុំ​ – ខេត្តកំពង់ចាម​សាងសង់រួចរាល់១០០%

ព្រឹត្តិការណ៍, អចលនទ្រព្យ

• 15/07/2024

ផ្លូវជាតិលេខ៧១C ប្រវែងជាង១១៤គីឡូម៉ែត្រ តភ្ជាប់ខេត្តត្បូងឃ្មុំ​ និង ខេត្តកំពង់ចាម​ សាងសង់រួចរាល់១០០%ហើយនៅសល់តែការងារគូសគំនូសចរាចរណ៍ប៉ុណ្ណោះ

រយៈពេល៥ខែ សេដ្ឋកិច្ចកម្ពុជាបានបង្ហាញពីសញ្ញាណល្អ ខណៈអត្រាអតិផរណាត្រលប់ទៅរកភាពប្រសើរឡើងវិញ

ព្រឹត្តិការណ៍, ហិរញ្ញវត្ថុ

• 15/07/2024

រយៈពេល៥ខែ សេដ្ឋកិច្ចកម្ពុជាបានបង្ហាញពីសញ្ញាណល្អ ខណៈអត្រាអតិផរណាត្រលប់ទៅរកភាពប្រសើរឡើងវិញ

ការនាំចេញរបស់ចិនកើនឡើងក្នុងល្បឿនលឿន ៨,៦ ភាគរយ លើសពីការរំពឹងទុក

ព្រឹត្តិការណ៍, សេដ្ឋកិច្ច

• 15/07/2024

Financial Times បានលើកឡើងថា ការនាំចេញរបស់ប្រទេសចិនកើនឡើងក្នុងល្បឿនយ៉ាងលឿនបំផុតក្នុងរយៈពេលជាងមួយឆ្នាំចុងក្រោយនេះ បើទោះបីជាមានភាពតានតឹងកើនឡើងជាមួយអឺរ៉ុប និងសហរដ្ឋអាមេរិកក៏ដោយ

ជប៉ុន គ្រោងវិនិយោគ២៣ពាន់លានដុល្លារសង់ផ្លូវក្រោមដីជាង៥០០គីឡូម៉ែត្រសម្រាប់តែការដឹកជញ្ជូនទំនិញដោយស្វ័យប្រវត្តិ

ព្រឹត្តិការណ៍, អាជីវកម្មថ្មី និងនវានុវត្ត

• 15/07/2024

ជប៉ុន គ្រោងវិនិយោគ ២៣ពាន់លានដុល្លារ សម្រាប់ការសាងសង់ផ្លូវក្រោមដីមានប្រវែងជាង៥០០គីឡូម៉ែត្រ សម្រាប់តែការដឹកជញ្ជូនទំនិញដោយស្វ័យប្រវត្តិ

បុគ្គលិកក្រុមហ៊ុន Samsung រាប់ពាន់នាក់ធ្វើកូដកម្មបន្ទាប់ពីបរាជ័យក្នុងការចរចាដំឡើងប្រាក់ឈ្នួល

ព្រឹត្តិការណ៍, សេដ្ឋកិច្ច

• 12/07/2024

សហជីពប្រចាំក្រុមហ៊ុនអេឡិចត្រូនិក Samsung នៅប្រទេសកូរ៉េខាងត្បូងបាននិយាយថា បុគ្គលិករាប់ពាន់នាក់បានចាប់ផ្តើមកូដកម្មមិនកំណត់ថ្ងៃ

តម្លៃប្រេងបន្តឡើងថ្លៃជាង ៨៥ ដុល្លារក្នុងមួយបារ៉ែល

ព្រឹត្តិការណ៍, សេដ្ឋកិច្ច

• 12/07/2024

តម្លៃប្រេងឆៅម៉ាក Brent ឡើងថ្លៃ ០,៥ ភាគរយ ឬ ៨៥,០៨ ដុល្លារក្នុងមួយបារ៉ែល ខណៈដែលប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៨២,១០​ ដុល្លារក្នុងមួយបារ៉ែល

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *