សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ គិតរហូតមកដល់ពេលបច្ចុប្បន្ននេះ ព្រះរាជាណាចក្រកម្ពុជាមានកិច្ចព្រមព្រៀងពាណិជ្ជកម្មជាមួយប្រទេសចំនួន១១ ដែលកាន់តែបើកឱកាសឱ្យទំនិញនាំចេញពីកម្ពុជាទៅកាន់ទីផ្សារអន្តរជាតិកាន់តែទូលំទូលាយ និងជាចំណុចទាក់ទាញបណ្តាវិនិយោគិនបរទេសសម្រេចចិត្តមកកាន់កម្ពុជា។ នេះបើតាមការឱ្យដឹងរបស់ឯកឧត្តម ប៉ែន សុវិជាតិ រដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម។
ឯកឧត្តម ប៉ែន សុវិជាតិ បានមានប្រសាសន៍ឱ្យដឹងថា កិច្ចព្រមព្រៀងពាណិជ្ជកម្មទាំង ១១ប្រទេសនោះរួមមាន ៖ ១)កិច្ចព្រមព្រៀងពាណិជ្ជកម្មសេរីកម្ពុជា-ចិន, ២) កិច្ចព្រមព្រៀងពាណិជ្ជកម្មសេរីកម្ពុជា-កូរ៉េ ៣) កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយកម្ពុជា- អេមីរ៉ាតអារ៉ាប់រួម ,៤) កិច្ចព្រមព្រៀងពាណិជ្ជកម្មទំនិញអាស៊ាន ,៥) កិច្ចព្រមព្រៀងភាពជា ដៃគូសេដ្ឋកិច្ចគ្រប់ជ្រុងជ្រោយក្នុងតំបន់, ៦) កិច្ចព្រមព្រៀងពាណិជ្ជកម្មសេរីអាស៊ាន-ចិន ,៧) កិច្ចព្រមព្រៀងពាណិជ្ជកម្មសេរីអាស៊ាន-ហុងកុង ,៨) កិច្ចព្រមព្រៀងពាណិជ្ជកម្មសេរីអាស៊ាន-សាធារណរដ្ឋកូរ៉េ, ៩) កិច្ចព្រមព្រៀងពាណិជ្ជកម្មសេរីអាស៊ាន-ឥណ្ឌា ១០) កិច្ច ព្រមព្រៀងពាណិជ្ជកម្មសេរីអាស៊ាន-អូស្ត្រាលី-នូវែលសេឡង់ ១១) កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយអាស៊ាន-ជប៉ុន។
ឯកឧត្តម ប៉ែន សុវិជាតិ បានបញ្ជាក់ផងដែរថា៖ ក្រៅពីកិច្ចព្រមព្រៀងពាណិជ្ជកម្ម កម្ពុជាក៏មានប្រព័ន្ធអនុគ្រោះពាណិជ្ជកម្ម ជាមួយចិន, ជប៉ុន, អូស្ត្រាលី, ណូវែលហ្សេឡង់, ចក្រភពអង់គ្លេស, អាម៉េរិក, កាណាដា, ឈីលី, ឥណ្ឌា, កូរ៉េ, ន័រវ៉េស, សហព័ន្ធស្វីស, តួគីយ៉េ, និង សហភាព អឺរ៉ុប ព្រមទាំង MFN ក្រោមក្របខ័ណ្ឌអង្គការពាណិជ្ជកម្មពិភពលោក។
គួរបញ្ជាក់ថា៖ កិច្ចព្រមព្រៀង RCEP ដែលត្រូវបានបង្កើតឡើងនៅក្នុងឆ្នាំ២០១២ គឺជាកិច្ចព្រមព្រៀងពាណិជ្ជកម្មរវាងប្រទេសអាស៊ានទាំង ១០ រួមជាមួយនឹងប្រទេសចិន ជប៉ុន កូរ៉េខាងត្បូង អូស្ត្រាលី និងនូវែលហ្សេឡង់។ កិច្ចព្រមព្រៀងនេះរួមបញ្ចូលប្រជាពលរដ្ឋប្រហែល ២ ពាន់ ១ រយលាននាក់ ដោយប្រទេសជាសមាជិកនៃកិច្ចព្រមព្រៀងនេះមានផលិតផលក្នុងស្រុកសរុប GDP ស្មើនឹងប្រហែល ៣០% នៃ GDP សរុបនៅលើពិភពលោក។
គោលបំណងនៃកិច្ចព្រមព្រៀងនេះគឺបន្ទាបពន្ធគយ បើកឲ្យមានការធ្វើពាណិជ្ជកម្មលើផ្នែកសេវាកម្ម និងលើកកម្ពស់ការវិនិយោគដើម្បីជួយដល់បណ្ដាប្រទេសកំពុងអភិវឌ្ឍន៍ឲ្យតាមទាន់ប្រទេសដទៃទៀតនៅលើពិភពលោក។ ពិសេសជាងនេះទៀត កិច្ចព្រមព្រៀង RCEP នេះត្រូវគេរំពឹងថានឹងជួយកាត់បន្ថយការចំណាយ និងពេលវេលាសម្រាប់ក្រុមហ៊ុននានាដោយអនុញ្ញាតឲ្យពួកគេនាំចេញផលិតផលទៅកាន់ប្រទេសហត្ថលេខីនៃកិច្ចព្រមព្រៀងនេះបានដោយមិនចាំបាច់បំពេញតាមតម្រូវការដាច់ដោយឡែកសម្រាប់ប្រទេសនីមួយៗ៕
Account
Security
Favourite Content