សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បើទោះបីជាស្ថានភាពសេដ្ឋកិច្ចកម្ពុជាមិនមានភាពប្រាកដប្រជាក្នុងរយៈពេល២ឆ្នាំចុងក្រោយនេះយ៉ាងណាក្ដី ក៏ការនាំចេញ-នាំចូលទូទៅរបស់កម្ពុជាបានបង្ហាញនូវសញ្ញាល្អមកវិញសម្រាប់ឆ្នាំ២០២២ នេះ ជាក់ស្ដែងតាមរយៈចំណូលពន្ធ-អាករក្នុងរយៈពេល៧ខែ កម្ពុជាទទួលបានចំណូលរហូតជាង ២ ២១០លានដុល្លារ មានការកើនឡើងផុតហួសពីបន្ទាត់ចំណូលពន្ធ-អាករ កាលពីឆ្នាំមុន។
តាមរយៈកិច្ចប្រជុំបូកសរុបលទ្ធផលការងារគ្រប់គ្រងប្រមូលចំណូលពន្ធប្រចាំខែកក្កដា និងរយៈពេល ០៧ខែ ឆ្នាំ២០២២ ព្រមទាំងទិសដៅសម្រាប់អនុវត្តបន្តរបស់អគ្គនាយកដ្ឋានពន្ធដារ កាលពីថ្ងៃទី ១៥សីហា កន្លងទៅបានចេញជាលទ្ធផលដូចតទៅ៖
សរុបរយៈពេល ៧ខែ នៃឆ្នាំ២០២២នេះ ចំណូលពន្ធ-អាករ ដែលប្រមូលបានជាក់ស្ដែងតាមប្រព័ន្ធគ្រប់គ្រងទិន្នន័យចំណូលអនឡាញរបស់អគ្គនាយកដ្ឋានពន្ធដារមានចំនួន ៨៩៥០,៨៩ ប៊ីលានរៀល ត្រូវនឹងចំនួនទឹកប្រាក់ប្រមាណជា ២ ២១០,១០ លានដុល្លារ។ ដែលចំនួននេះស្មើនឹង ៧៨,៣៩% នៃផែនការច្បាប់ហិរញ្ញវត្ថុប្រចាំឆ្នាំ។ បើធៀបនឹងចំណូលពន្ធ-អាករក្នុងរយៈពេលដូចគ្នាឆ្នាំ២០២១ ឃើញថាកើនឡើងចំនួន ១ ៩៨៩,៧៤ ប៊ីលានរៀល (ប្រមាណជា ៤៩១,២៩ លានដុល្លារ) ស្មើនឹង ២៨,៦២%។
បើនិយាយដោយឡែក ត្រឹមតែមួយខែពេញនៃខែកក្កដា ឆ្នាំ២០២២នេះ ចំណូលពន្ធ-អាករគ្រប់ប្រភេទដែលអគ្គនាយកដ្ឋានពន្ធដារប្រមូលបានជាក់ស្ដែងតាមប្រព័ន្ធគ្រប់គ្រងទិន្នន័យចំណូលអនឡាញរបស់អគ្គនាយក ដ្ឋានពន្ធដារ មានចំនួន ៩៦៩,៨០ ប៊ីលានរៀល (ប្រមាណជា ២៣៩,៤៦ លានដុល្លារ) ស្មើនឹង ៨,៤៩% នៃផែនការច្បាប់ហិរញ្ញវត្ថុ សម្រាប់ការគ្រប់គ្រងឆ្នាំ ២០២២។ ប្រៀបធៀបនឹងចំណូលពន្ធ-អាករប្រចាំខែកក្កដា ឆ្នាំ២០២១ ឃើញថាកើនឡើងចំនួន ១៥៦,១៥ ប៊ីលានរៀល (ប្រមាណជា ៣៨,៥៦ លានដុល្លារ) ស្មើនឹង ១៩,១៩%។
ការកើនឡើងនៃចំណូលនេះ បើតាមរដ្ឋមន្ត្រីប្រតិភូអមនាយករដ្ឋមន្ត្រី និងជាប្រតិភូរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានពន្ធដារ ឯកឧត្តម គង់ វិបុល បានឱ្យដឹងថា ដោយសារមានការចូលរួមមួយផ្នែកពីការខិតខំប្រឹងប្រែងកៀរគរចំណូលពីប្រភពនានា ព្រមទាំងបិទខ្ទប់នូវការលេចធ្លាយចំណូលផ្សេងៗ តាមរយៈការបន្តពង្រឹងអភិបាលកិច្ចល្អ (Good Governance) និងរដ្ឋបាលកិច្ចល្អ (Good Administration) និងការប្រកាន់ខ្ជាប់នូវស្មារតីបុរេសកម្ម។
ដោយឡែក ការដាក់ឱ្យប្រើប្រាស់នូវប្រព័ន្ធបច្ចេកវិទ្យាព័ត៌មានតាំងពីមុនការរីករាលដាលនៃជំងឺកូវីដ-១៩ ដូចជា៖ Tol E-Filing, E-Filing, E-Payment, GDT Tax Pre-Filing App, និងប្រព័ន្ធបច្ចេកវិទ្យាគាំទ្រនានា ដោយមានសេវាពិគ្រោះយោបល់ជូនអ្នកជាប់ពន្ធ ព្រមទាំងសេវាគាំទ្រការប្រើប្រាស់ប្រព័ន្ធនិងកម្មវិធី នានា (E-Tax Service) ដើម្បីដោះស្រាយរាល់បញ្ហាប្រឈមក្នុងការប្រើប្រាស់ប្រព័ន្ធ និងកម្មវិធីនានាតាមប្រព័ន្ធអនឡាញ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ព្រៃសហគមន៍ក្បាលខ្លា បានក្លាយជាសហគមន៍គំរូក្នុងកិច្ចការពារព្រៃឈើ និងយល់ដឹងពីរបៀបតស៊ូមតិ
ចំណេះដឹងទូទៅ, ព្រឹត្តិការណ៍, សេដ្ឋកិច្ច
• 03/08/2026
ព្រៃសហគមន៍ក្បាលខ្លា បានក្លាយជាសហគមន៍គំរូក្នុងកិច្ចការពារព្រៃឈើ និងយល់ដឹងពីរបៀបតស៊ូមតិ ក្រោយយល់ដឹងពីអត្ថប្រយោជន៍ដែលទទួលបានពីធនធានធម្មជាតិសហគមន៍
វីដេអូបោកប្រាស់ AI Deepfake កំពុងប្រើរូបភាពមហាសេដ្ឋី Jack Ma ដើម្បីឱ្យសាធារណៈជនយល់ច្រឡំពីសិង្ហបុរី
ព្រឹត្តិការណ៍, អាជីវកម្មថ្មី និងនវានុវត្ត
• 03/08/2026
នៅលើបណ្តាញ YouTube មានក្រុមបោកប្រាស់បានប្រើបច្ចេកវិទ្យាបញ្ញាសិប្បនិម្មិត(AI) បង្កើតវីដេអូមិនពិត (Deepfake) យ៉ាងស្ទាត់ជំនាញដោយប្រើរូបភាព និងសំឡេងរបស់លោក Jack Ma ដែលជាស្ថាបនិកក្រុមហ៊ុន Alibaba ដើម្បីឱ្យសាធារជនយល់ច្រឡំចំពោះសិង្ហបុរី
អាមេរិក ចាយលុយជិត ៦០ពាន់លានដុល្លារ ពន្លឿនការផលិតមីស៊ីល Patriot ចំពេលមានព័ត៌មានថាកំពុងខ្វះគ្រាប់នៅអ៊ីរ៉ង់
ព្រឹត្តិការណ៍, អាជីវកម្មថ្មី និងនវានុវត្ត
• 31/07/2026
កងទ័ពជើងគោកអាមេរិក បានសម្រេចចុះកិច្ចព្រមព្រៀងដ៏ធំសម្បើមមួយដែលមានតម្លៃរហូតដល់ ៥៨,៦ ពាន់លានដុល្លារ ជាមួយក្រុមហ៊ុន Lockheed Martin ដើម្បីពង្រីក និងពន្លឿនការផលិតមីស៊ីលស្ទាក់ចាប់ (Patriot)
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content