សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី BBC បានរាយការណ៍ថា កាណាដា អាចនឹងចូលរួមក្នុងកិច្ចពិភាក្សាពាណិជ្ជកម្ម និងសន្តិសុខជាមួយប្រធានាធិបតី Donald Trump លុះត្រាណាអាម៉េរិកគោរពតាមលក្ខខណ្ឌដែលដាក់ដោយប្រទេសកាណាដា។
នាយករដ្ឋមន្ត្រីកាណាដាថ្មី លោក Mark Carney បានលើកឡើងថា ប្រទេសរបស់លោកសមនឹងទទួលបានការគោរពពីសហរដ្ឋអាម៉េរិក ហើយខ្លួននឹងចូលរួមកិច្ចពិភាក្សាពាណិជ្ជកម្ម និងសន្តិសុខជាមួយប្រធានាធិបតី Donald Trump ប្រសិនបើអាម៉េរិកគោរពតាមលក្ខខណ្ឌរបស់កាណាដា។ បន្ថែមពីនេះ លោកនឹងទៅទស្សនកិច្ចនៅទីក្រុងវ៉ាស៊ីនតោន នៅពេលដែលមានការពិភាក្សាម៉ត់ចត់ច្បាស់លាស់ដែលគោរពអធិបតេយ្យភាពរបស់កាណាដាប៉ុណ្ណោះ។
ក្នុងប៉ុន្មានខែថ្មីៗនេះ ទំនាក់ទំនងកាណាដា និងសហរដ្ឋអាម៉េរិកមានភាពតានតឹង ដោយសារ Trump មានបំណងចង់ឲ្យប្រទេសនេះក្លាយជារដ្ឋទី ៥១ របស់ខ្លួន និងបានចាត់ទុកអតីតនាយករដ្ឋមន្ត្រីកាណាដា Justin Trudeau ជាអភិបាល ដែលងារសម្រាប់មេដឹកនាំរបស់រដ្ឋអាម៉េរិកនីមួយៗ។ ចាប់តាំងពីកាន់តំណែងជាលើកទីពីរមក Trump បានបង្កសង្គ្រាមពាណិជ្ជកម្មពិភពលោក ហើយកាណាដាគឺជាប្រទេសគោលដៅយកពន្ធមុនដំបូងគេ។ យ៉ាងណាមិញ នាយករដ្ឋមន្ត្រីកាណាដាថ្មី លោក Mark Carney បានលើកឡើងថា ការចង់ធ្វើឲ្យកាណាដាក្លាយជារដ្ឋទី ៥១ របស់អាម៉េរិកគឺមិនអាចកើតឡើងបាននោះទេ។ ការពិភាក្សាជាមួយ Trump គឺស្ថិតនៅលើលក្ខខណ្ឌរបស់កាណាដា មិនមែនស្ថិតនៅលើលក្ខខណ្ឌរបស់អាម៉េរិកនោះទេ ហើយភាពជាដៃគូសេដ្ឋកិច្ច និងសន្តិសុខត្រូវតែមាន។
នាយករដ្ឋមន្ត្រីរូបនេះបានសង្កត់ធ្ងន់ថា ៖
«កាណាដា គឺជាអ្នកផ្គត់ផ្គង់ទំនិញធំបំផុតសម្រាប់រដ្ឋជាង ៤០ នៅក្នុងសហរដ្ឋអាម៉េរិក ហើយត្រូវចងចាំថា យើងក៏ជាអ្នកផ្គត់ផ្គង់ថាមពលដ៏សំខាន់សម្រាប់ពួកគេ។ ដូច្នោះហើយ យើងសមនឹងទទួលបានការគោរព ទើបយើងអាចមានកិច្ចពិភាក្សាទាំងនេះជាមួយគ្នាបាន»។
គួរឲ្យបញ្ជាក់ដែរថា សហរដ្ឋអាម៉េរិកគឺជាទីផ្សារដ៏ធំមួយសម្រាប់អាជីវកម្មកាណាដាដែលមានចំណែកប្រហែល ៧៥% នៃការនាំចេញរបស់កាណាដាឆ្ពោះទៅភាគខាងត្បូង។ លើសពីនេះ កាណាដាក៏ជាប្រទេសផ្គត់ផ្គង់ប្រេងឆៅដ៏ធំបំផុតរបស់អាមេរិកផងដែរ។ យ៉ាងណាមិញ ឱនភាពពាណិជ្ជកម្មរបស់អាម៉េរិកជាមួយកាណាដាត្រូវបានព្យាករណ៍ថាមានចំនួន ៤៥ ពាន់លានដុល្លារក្នុងឆ្នាំ ២០២៤ ភាគច្រើនត្រូវបានជំរុញដោយការនាំចេញថាមពលទៅអាម៉េរិក៕
Account
Security
Favourite Content