សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី Financial Times បានរាយការណ៍ថា យុវជនកាណាដា កំពុងពិបាកក្នុងការស្វែងរកការងារធ្វើ ដោយសារការធ្លាក់ចុះនៃសេដ្ឋកិច្ចរហូតធ្វើឲ្យទីផ្សារការងារចុះខ្សោយ និងចង្អៀតខ្លាំងនៅឆ្នាំនេះ។
យោងទីភ្នាក់ងារស្ថិតិកាណាដាបានបង្ហាញថា ពលរដ្ឋកាណាដា ដែលមានអាយុពី ១៥ ទៅ ២៤ ឆ្នាំកំពុងជួបប្រទះនូវអត្រាគ្មានការងារធ្វើរហូតដល់ ១៤,៥% ដែលជាអត្រាខ្ពស់បំផុតគិតចាប់តាំងពីឆ្នាំ២០១០ (មិនរាប់បញ្ចូលឆ្នាំមានការរាតត្បាត)។ កាលពីខែសីហា អត្រាភាពអត់ការងារធ្វើបានកើនឡើងបន្តិចក្នុងអត្រា ៧,១%។
Rachel Battaglia សេដ្ឋវិទូនៅ Royal Bank of Canada បានលើកឡើងថា ហេតុផលនៅពីក្រោយនៃការចុះខ្សោយទីផ្សារការងាររួមមានដូចជា ការធ្លាក់ចុះផលិតភាព និងកំណើនសេដ្ឋកិច្ចទាប ដោយសារពាណិជ្ជកម្មសកលរងសម្ពាធពីអាម៉េរិក។ បន្ថែមពីនេះ សេដ្ឋកិច្ចកាណាដាបានធ្លាក់ចុះ ១,៦% នៅក្នុងត្រីមាសទីពីរ ឆ្នាំ២០២៥នេះ។ នៅពេលដែលសេដ្ឋកិច្ចធ្លាក់ចុះ ពលរដ្ឋក្មេងៗដែលជាយុវជនងាយរងគ្រោះជាងគេពីទីផ្សារការងារចង្អៀត ហើយភាគច្រើនធ្វើការនៅក្នុងវិស័យឧស្សាហកម្មម្ហូបអាហារ ដូចជា ហាងលក់ទំនិញ អាហារដ្ឋាន និងសេវាកម្មផ្សេងៗ។ មិនត្រឹមតែប៉ុណ្ណោះ អត្រាខ្ពស់នៃអតិផរណាបាននាំឱ្យអ្នកប្រើប្រាស់កាត់បន្ថយការចំណាយ ខណៈដែលធនាគារកណ្តាលកាណាដាបានដំឡើងអត្រាការប្រាក់ជាបន្តបន្ទាប់ ជំរុញឱ្យម្ចាស់អាជីវកម្មមួយចំនួនសម្រេចចិត្តកាត់បន្ថយការជួលបុគ្គលិក។
Surranna Sandy នាយកប្រតិបត្តិនៃ Skills for Change នៅទីក្រុង បានលើកឡើងថា យុវជនជាច្រើនកំពុងជួបប្រទះនឹងបញ្ហាសុខភាពផ្លូវចិត្ត ខណៈដែលការចំណាយទៅលើការស្នាក់នៅមានការឡើងថ្លៃ។ បន្ថែមពីនេះ ការធ្លាក់ចុះនៃទីផ្សារការងារនេះដែរក៏កំពុងប៉ះពាល់ខ្លាំងដល់យុវជន ជាពិសេសអ្នកដែលមានបទពិសោធន៍តិចតួច ។ មិនត្រឹមតែប៉ុណ្ណោះ យុវជនស្បែកខ្មៅ ដែលជាជនជាតិដើមភាគតិច ដែលជាអ្នកចំណូលថ្មីមួយចំនួនក៏ទទួលរងការរើសអើង ដែលធ្វើឲ្យពួកគេកាន់តែពិបាកក្នុងការស្វែងរកការងារ។ យ៉ាងណាមិញ គេសង្ឃឹមថា សម្ពាធពាណិជ្ជកម្មជាមួយនឹងអាម៉េរិកអាចជំរុញឲ្យធនាគារកណ្តាលកាណាដាកាត់បន្ថយអត្រាការប្រាក់ ដើម្បីស្រោចស្រង់នៃការធ្លាក់ចុះសេដ្ឋកិច្ចដែលអាចជួយដល់ទីផ្សារការងារឲ្យរស់រវើកឡើងវិញ៕
Account
Security
Favourite Content