សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ក្រុមហ៊ុន Zhengzhou Chen’s Sun Fruit and Vegetable Co.,Ltd និង ក្រុមហ៊ុន Nongde Agricultural Development Co., Ltd នៅថ្ងៃទី១០ ខែកញ្ញា ឆ្នាំ ២០២៥ បានចុះហត្ថលេខាលើអនុស្សរណៈនៃការយោគយល់គ្នា (MoU)ដើម្បីជំរុញការនាំចេញបន្លែ ផ្លែឈើកម្ពុជាទៅកាន់ទីផ្សារខេត្តហឺណាន ក្នុងទំហំទឹកប្រាក់ ៣០លានដុល្លារក្នុងរយៈពេល ២ឆ្នាំខាងមុខ។
លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្មបានអនុញ្ញាតជូនលោក Zheng Haiyang អភិបាលរងខេត្តហឺណាននៃសាធារណរដ្ឋប្រជាមានិតចិន បានអញ្ជើញជាសាក្សីនៃពិធីចុះហត្ថលេខានៅទីស្ដីការក្រសួងពាណិជ្ជកម្មនេះ។
លោកអភិបាលរងខេត្តហឺណាន បានថ្លែងថា៖ វត្តមានរបស់គណៈប្រតិភូខេត្តហឺណាននៅកម្ពុជា មានគោលបំណងសិក្សាស្វែងយល់ពីឱកាសវិនិយោគ និងពិភាក្សាការងារអំពីការពង្រឹង និងពង្រីកកិច្ចសហប្រតិបត្តិការសេដ្ឋកិច្ច និងពាណិជ្ជកម្មរវាងព្រះរាជាណាចក្រកម្ពុជា និងខេត្តហឺណាន ក្នុងគោលបំណងនាំចេញផលិតផលកសិកម្មកម្ពុជាទៅប្រទេសចិន និងក្រៅប្រទេស។
លោកជំទាវរដ្ឋមន្រ្តី បានគាំទ្រ និងលើកទឹកចិត្តឱ្យវិនិយោគិនចិន មកបណ្តាក់ទុនធ្វើប្រតិបត្តិការអាជីវកម្មឱ្យកាន់តែច្រើនឡើងបន្ថែមទៀតនៅកម្ពុជា ជាពិសេសក្នុងវិស័យមានសក្តានុពលខ្ពស់ ដែលអាចថ្ពក់ទៅនឹងខ្សែច្រវាក់ផលិតកម្មនៅប្រទេសចិនដូចជា៖ កសិកម្មទំនើប ឧស្សាហកម្មកែច្នៃចំណីអាហារ វិស័យយានយន្ត អេឡិចត្រូនិក និងបច្ចេកវិទ្យាឌីជីថល ជាដើម។ លោកជំទាវរដ្ឋមន្រ្តី បានលើកទឹកចិត្តឱ្យវិស័យឯកជននៃប្រទេសទាំងពីរទាញយកប្រយោជន៍ឱ្យបានជាអតិបរមាពីកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់(អាសិប)កិច្ចព្រមព្រៀងពាណិជ្ជកម្មសេរីអាស៊ាន-ចិនដើម្បីបន្តកិច្ចសហការនិងឈានដល់ការចុះអនុស្សរណៈជាបន្តបន្ទាប់រវាងប្រទេសទាំងពីរ៕
យោងតាមរបាយការណ៍របស់អគ្គនាយកដ្ឋានគយ និងរដ្ឋាករកម្ពុជា បានឱ្យដឹងថា ក្នុងឆមាសទី១នៃឆ្នាំ២០២៥នេះ ចិននៅតែជាដៃគូពាណិជ្ជកម្មឈានមុខគេរបស់កម្ពុជា ដោយសម្រេចបាននូវទំហំពាណិជ្ជកម្មប្រមាណ ៩.២៧ពាន់លានដុល្លារ ក្នុងនោះកម្ពុជានាំចេញទៅចិនជាង ៧៥០លានដុល្លារ ស្របពេលដែលចិននាំចូលមកកម្ពុជាវិញមានតម្លៃជាង ៨.៥ពាន់ដុល្លារ ៕
Account
Security
Favourite Content