សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពពីរ៉យទ័រ បានរាយការណ៍ថា តម្លៃប្រេងឆៅបានកើនឡើងជាង ២ ភាគរយបន្ទាប់ពីខ្យល់ព្យុះ Francine បានរំខានដល់ការផលិតប្រេងនៅឈូងសមុទ្រម៉ិកស៊ិកជាង ៧៣០ ០០០ បារ៉ែលក្នុងមួយថ្ងៃ។
ទន្ទឹមនឹងនេះ តម្លៃប្រេងឆៅម៉ាក Brent ឡើងថ្លៃ ១,៩ ភាគរយ ឬ ៧១,៩៧ ដុល្លារក្នុងមួយបារ៉ែល ខណៈដែលតម្លៃប្រេងឆៅ West Texas Intermediate (WTI) ឡើងថ្លៃ ២,៥ ភាគរយ ឬ ៦៨,៩៧ ដុល្លារក្នុងមួយបារ៉ែល។ បន្ទាប់ពីមានខ្យល់ព្យុះ Francine តម្លៃប្រេងទាំងពីរបានកើនឡើងជាង ២ ភាគរយ ហើយក្រុមហ៊ុនប្រេងនៅតាមឆ្នេរបានជម្លៀសមនុស្សចេញ។ អ្នកវិភាគរបស់ UBS ព្យាករណ៍ថា ការរំខានដល់ការផ្គត់ផ្គង់នឹងកាត់បន្ថយទិន្នផលពីឈូងសមុទ្រម៉ិកស៊ិកប្រហែល ៥ ម៉ឺនបារ៉ែលក្នុងមួយថ្ងៃក្នុងខែនេះ។ អ្នកវិភាគមួយចំនួនរំពឹងថា ផលប៉ះពាល់របស់ Francine អាចមានរយៈពេលខ្លី ដោយសារវាបានបាត់បង់កម្លាំងយ៉ាងលឿន។ យ៉ាងណាមិញ ខ្យល់ព្យុះនេះបានបង្កការបាក់ដីនៅរដ្ឋ Louisiana ដែលធ្វើឲ្យក្រុមហ៊ុនប្រេង និងឧស្ម័នផ្អាកដំណើរការ។
កាលពីថ្ងៃអង្គារ៍កន្លងទៅនេះ តម្លៃប្រេងឆៅរបស់ Brent បានធ្លាក់ចុះជិតកម្រិតទាបរយៈពេល ៣ ឆ្នាំ បន្ទាប់ពីក្រុមអ្នកផលិត OPEC + បានកាត់បន្ថយការព្យាករណ៍របស់ខ្លួនអំពីកំណើនតម្រូវការប្រចាំឆ្នាំពី ២,១១ លានបារ៉ែលក្នុងមួយថ្ងៃមកត្រឹម ២,០៣ បារ៉ែលក្នុងមួយថ្ងៃ។ លើសពីនេះ តម្រូវការប្រេងពិភពលោកបន្ថស្ថិតនៅកម្រិតខ្សោយជាពិសេសពីប្រទេសចិន ដែលជាអ្នកនាំចូលប្រេងកំពូលរបស់ពិភពលោក បានជះឥទ្ធិពលលើតម្លៃក្នុងប៉ុន្មានខែថ្មីៗនេះ។ កាលពីថ្ងៃព្រហស្បតិ៍ ទីភ្នាក់ងារថាមពលអន្តរជាតិ (IEA) បានបន្ទាបការព្យាករណ៍កំណើនតម្រូវការឆ្នាំ ២០២៤ របស់ខ្លួនមកនៅត្រឹម ៩០០ ០០០ បារ៉ែលប៉ុណ្ណោះក្នុងមួយថ្ងៃ ដោយសារតម្រូវការខ្សោយនៅក្នុងប្រទេសចិន និងកំណើនទាបនៅក្នុងតំបន់ផ្សេងទៀត។ មិនត្រឹមតែប៉ុណ្ណោះ សហរដ្ឋអាមេរិកក៏កំពុងបង្ហាញសញ្ញានៃតម្រូវការធ្លាក់ចុះផងដែរ ខណៈដែលស្តុកប្រេងបានកើនឡើង ប៉ុន្តែការនាំចេញ និងតម្រូវការប្រេងឥន្ធនៈធ្លាក់ចុះ៕
Account
Security
Favourite Content