សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមការព្យាករណ៍របស់ធនាគារពិភពលោកបានឲ្យដឹងថា ប្រទេសកំពុងអភិវឌ្ឍន៍អាចសងថ្លៃបំណុលខាងក្រៅជាមធ្យមបូកទាំងការប្រាក់ ១៥០ ពាន់លានដុល្លារនៅឆ្នាំ២០២៣ និងឆ្នាំ២០២៤ ម្តងទៀត ដែលបង្កើនការព្រួយបារម្ភអំពីហានិភ័យលើសេដ្ឋកិច្ចពិភពលោកដោយសារអត្រាការប្រាក់ស្ថិតនៅកម្រិតខ្ពស់ទូទាំងពិភពលោក។
តួលេខ ១៥០ ពាន់លានដុល្លារនេះមានចំនួនប្រហែលមួយភាគបីប៉ុណ្ណោះនៃចំនួនសរុបជាង ៤៨០ ពាន់លាននៃសេវាបំណុល ដែលប្រទេសទាំងនោះនឹងត្រូវបង់នៅឆ្នាំ២០២៤ ។ លើសពីនេះ ទាំងប្រទេសចំណូលមធ្យមកម្រិតខ្ពស់ និងប្រទេសចំណូលមធ្យមកម្រិតទាប សុទ្ធតែជាប់ជំពាក់បំណុលខាងក្រៅ។ កាលពីឆ្នាំ២០២២ បំណុលបានធ្លាក់ចុះត្រឹម ៣ ភាគរយ ប៉ុន្តែអត្រាការប្រាក់ខ្ពស់នៅទូទាំងពិភពលោកបានធ្វើឲ្យបន្ទុកបំណុលរីកធំ។ ប្រទេសចំណូលទាបចំនួន ៧៥ ទទួលរងផលប៉ះពាល់យ៉ាងខ្លាំងដោយបានបង់ថ្លៃសេវាបំណុលចំនួន ៨៨,៩ ពាន់លានដុល្លារក្នុងឆ្នាំ២០២២ ជាមួយនឹងការប្រាក់ចំនួន ២៣,៦ ពាន់លានដុល្លារ។ បន្ថែមពីនេះ ការចំណាយលើសេវាបំណុលរបស់ពួកគេត្រូវបានរំពឹងថានឹងកើនឡើងប្រហែល ៥០ ភាគរយក្នុងឆ្នាំ២០២៣ ឬ ១៣៧,៧ ពាន់លានដុល្លារ និងនៅសល់ជាមួយតួរលេខខ្ពស់ ១២២,៩ ពាន់លានដុល្លារក្នុងឆ្នាំ២០២៤។
ទន្ទឹមនឹងនេះ ធនាគារពិភពលោកព្រមានថា អតិផរណា និងអត្រាការប្រាក់ខ្ពស់កំពុងបន្ថែមសម្ពាធលើសកម្មភាពសេដ្ឋកិច្ច ហើយវានឹងបង្កហានិភ័យដ៏ទូលំទូលាយសម្រាប់សេដ្ឋកិច្ចពិភពលោកផងដែរ។ កាលពីខែមេសា មូលនិធិរូបិយវត្ថុអន្តរជាតិ IMF បានលើកឡើងនៅក្នុងរបាយការណ៍ទស្សនវិស័យសេដ្ឋកិច្ចពិភពលោករបស់ខ្លួនថា នៅក្នុងទីផ្សារកំពុងរីកចម្រើន និងសេដ្ឋកិច្ចកំពុងអភិវឌ្ឍន៍នឹងមានការធ្លាក់ចុះតិចតួចពី ៤,៣ ភាគរយក្នុងឆ្នាំ ២០២៣ ដល់ ៤,២ ភាគរយទាំងឆ្នាំ ២០២៤ និង ២០២៥។
យ៉ាងណាមិញ ធនាគារពិភពលោកមានគោលបំណងជួយដល់ប្រទេសចំណូលទាបតាមរយៈកម្មវិធីសមាគមអភិវឌ្ឍន៍អន្តរជាតិរបស់ខ្លួន។ បច្ចុប្បន្ន ពួកគេកំពុងចរចាជាមួយប្រទេសម្ចាស់ជំនួយលើការបំពេញធនធានកម្មវិធីក្នុងខែធ្នូនេះ។ លោក Akihiko Nishio អនុប្រធានធនាគារពិភពលោកទទួលបន្ទុកហិរញ្ញវត្ថុអភិវឌ្ឍន៍បាននិយាយថា ពួកគេចង់ឈានដល់កំពូលតួលេខ ៩៣ ពាន់លានដុល្លារសម្រាប់ការចរចាជុំចុងក្រោយ ខណៈដែលបានដាក់គោលដៅ ១០៥ ពាន់លានដុល្លារ។ យ៉ាងណាមិញ ពួកគេពិបាកក្នុងការចរចាផ្នែកបន្ថែមទៀតក្នុងការរៀបចំរចនាសម្ព័ន្ធឡើងវិញ ដោយគ្មានភស្តុតាងច្បាស់លាស់អំពីអ្នកឱ្យខ្ចី និងលក្ខខណ្ឌពាក់ព័ន្ធ។ ជាឧទាហរណ៍ ប្រទេសហ្សំប៊ីត្រូវចំណាយពេល ៣ ឆ្នាំ ដើម្បីឈានដល់កិច្ចព្រមព្រៀងរៀបចំរចនាសម្ព័ន្ធឡើងវិញជាមួយអ្នកផ្តល់ប្រាក់កម្ចីរបស់ខ្លួនបន្ទាប់ពីខកខានសងតាមពេលកំណត់នៅឆ្នាំ២០២០។ លើសពីនេះ ហ្សំប៊ី មានទំនាក់ទំនងស្មុគស្មាញជាមួយប្រទេសចិន ចាប់តាំងពីទីក្រុងប៉េកាំងដកលក្ខខណ្ឌនៃការផ្តល់ប្រាក់កម្ចីរបស់ខ្លួនដល់ប្រទេសកំពុងអភិវឌ្ឍន៍។ ទន្ទឹមនឹងនេះ ចិនក៏ជាអ្នកផ្តល់កម្ចីដ៏ធំដល់ស្រីលង្កាផងដែរ ខណៈពេលដែលម្ចាស់បំណុលផ្សេងទៀតដូចជា ជប៉ុន បារាំង និងឥណ្ឌា កំពុងចរចាដើម្បីបន្ធូរបន្ថយបន្ទុកបំណុលរបស់ប្រទេសស្រីលង្កា៕
Account
Security
Favourite Content