ឯកឧត្តម ឃឹម ហ្វីណង់ ៖ ​វិនិយោគិនបរទេស បើចង់វិនិយោគលើវិស័យកសិកម្មនៅកម្ពុជា គួរបណ្តាក់ទុកលើវិស័យស្វាយចន្ទី

សៀមរាប៖ ឯកឧត្តម ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាវាគ្មិនកិត្តិយសនៅក្នុងវេទិកានៃកិច្ចសន្ទនា និងការផ្គូផ្គងពាណិជ្ជកម្មនៃមហា​សន្និបាត​ប្រចាំអាស៊ីប៉ាស៊ីហ្វិកឆ្នាំ២០២៤ របស់សភាពាណិជ្ជករអន្តរជាតិ (JCI) នៅខេត្តសៀមរាប កាលពីសប្តាហ៍មុន។

វេទិកានេះមានគោលបំណងដើម្បីចែករំលែកព័ត៌មានសំខាន់ៗ និងចំណេះដឹងពីឱកាសវិនិយោគនៅកម្ពុជាដល់អ្នកវិនិយោគវ័យក្មេងដែលជាសមាជិកJCI ចំនួនជិត ៥០០នាក់មកពីជាង៥០ប្រទេស។

ថ្លែងនៅក្នុងវេទិកានៃកិច្ចសន្ទនា និងការផ្គូផ្គងពាណិជ្ជកម្មនោះ ឯកឧត្តម ឃឹម ហ្វីណង់ បានលើកឡើងថា កិច្ចពិភាក្សាទាំងមូលផ្តោតសំខាន់លើ ៣ចំណុចធំៗ គឺ៖ ទី១-បច្ចុប្បន្នភាពពីស្ថានភាពនៃវិស័យកសិកម្ម, ទី២-បញ្ហាប្រឈមដែលកំពុងជួបប្រទះ និងទី៣-ឱកា​ស​ ឬអាទិភាពចាំបាច់ជាងគេ។

ទាក់ទងនឹងបញ្ហាប្រឈម ឯកឧត្តម បានលើកឡើងថា ៖

«កម្ពុជា ផលិតបានច្រើន តែការផលិតមិនមានភាពប្រកួតប្រជែង ទាំងផ្នែកតម្លៃ គុណភាព និងបរិមាណ ដែលជាហេតុធ្វើឱ្យយើងបង្កើតនូវគោលនយោបាយថ្មីមួយឈ្មាះថា «សហគមន៍កសិកម្មទំនើប» ដើម្បីដោះស្រាយបញ្ហាពាក់ព័ន្ធភាពប្រកួតប្រជែងនេះ»។

នៅចំពោះមុខធុរជនជាតិ និង អន្តរជាតិប្រមាណ៤០០នាក់ ឯកឧត្តម បានលើកឡើងអំពីកាលានុវត្តភាព និងឱកាសវិនិយោគលើវិស័យកសិកម្ម។

ឯកឧត្តមអនុរដ្ឋលេខាធិការ បានគូសបញ្ជាក់ថា៖

« បើវិនិយោគិនចង់វិនិយោគលើវិស័យកសិកម្ម គួរវិនិយោគលើវិស័យស្វាយចន្ទី ព្រោះវិស័យនេះមានទំហំជាង១ពាន់លានដុល្លាររួចទៅហើយ និងមានតម្លៃបន្ថែមខ្ពស់​។ ប្រសិនបើយើងកែច្នៃហើយនាំចេញ តម្លៃបន្ថែមវាអាចកើនឡើងមួយគុណជាពីរ ឬមួយគុណជាបីដង»។

នៅក្នុងវេទិកានៃកិច្ចសន្ទនា និងការផ្គូផ្គងពាណិជ្ជកម្មនេះ  ឯកឧត្តម ឃឹម ហ្វីណង់ អនុរដ្ឋលេខាធិការនិងជាអ្នកនាំពាក្យក្រសួងកសិកម្ម ក៏បានជម្រាបអំពីព័ត៌មាន យុទ្ធសាស្ត្រ និងចក្ខុវិស័យរបស់ក្រសួងកសិកម្ម ក៏ដូចជាពត៌មានអំពីកំណើនក្នុងរយៈពេល៥ខែដំបូងនៃឆ្នាំ២០២៤ ធៀបទៅនឹងរយៈពេលដូចគ្នានឹងឆ្នាំ២០២៣ ឃើញថាមានការកើនឡើងរហូតដល់ជាង៦០ភាគរយ។ និយាយជារួមគឺមានសញ្ញាល្អច្រើននៅឆ្នាំ២០២៤នេះ។

គួរជម្រាបផងដែរថា៖ វេទិកានៃកិច្ចសន្ទនា និងការផ្គូផ្គងពាណិជ្ជកម្មនៃមហាសន្និបាតប្រចាំអាស៊ីប៉ាស៊ីហ្វិកឆ្នាំ២០២៤ របស់ JCI ចែកចេញជា៣វគ្គ៖ វគ្គទី១ ធ្វើឡើងក្នុងទម្រង់សន្ទរកថាគន្លឹះ ដោយលោកជំទាវ ចម និមល រដ្ឋមន្ត្រីក្រសួងពាណិជ្ជកម្ម ,វគ្គទី២ ជាលក្ខណៈបទបង្ហាញ ដោយទីប្រឹក្សាអមក្រុមប្រឹក្សាអភិវឌ្ឍន៍នៃកម្ពុជា និងវគ្គទី៣ក្នុងទម្រង់ជាវេទិកាសន្ទនា ដែលវាគ្មិនរួមមាន ឯកឧត្តម សុខ សូកេន រដ្ឋមន្ត្រីក្រសួងទេសចរណ៍, អ្នកឧកញ៉ា សៀ រិទ្ធី តំណាងវិស័យអចលនៈទ្រព្យ និងឯកឧត្តម ឃឹម ហ្វីណង់ តំណាងឯកឧត្តមរដ្ឋមន្ត្រីសម្រាប់វិស័យកសិកម្ម។

យោងតាមរបាយការណ៍​របស់​សមាគមស្វាយចន្ទីកម្ពុជា នៅក្នុងរយៈពេល៥ខែ ឆ្នាំ២០២៤ កម្ពុជា​ផលិត​គ្រាប់ស្វាយចន្ទីឆៅសម្រេចបាន ៧១ ម៉ឺន ៦ ពាន់តោន ​ក្នុងនោះនាំចេញទៅ​ប្រទេសវៀត​ណាមចំនួន ៦៦ ម៉ឺន ៧ ពាន់តោន ​កើនឡើង ៣៨ ភាគរយ ​បើប្រៀប​ធៀបរយៈពេលដូចគ្នា​កាល​ពីឆ្នាំមុន ​ដែលគិតជាទឹកប្រាក់ចំនួន ៨៥១ លានដុល្លារ។

យោងតាមការអង្កេតសមាគមស្វាយចន្ទីកម្ពុជា ព្យាករណ៍ថា នៅឆ្នាំ២០២៤នេះ កម្ពុជានឹងផលិតគ្រាប់ឆៅបាន ៨០ ម៉ឺនតោន ក្នុងនោះនាំចេញទៅក្រៅប្រទេស ៧៥ ម៉ឺនតោន អាចរកចំណូលបានលើស ១ពាន់លានដុល្លារ ខណៈផលិតកម្មស្វាយចន្ទីពិភពលោកធ្លាក់ចុះប្រមាណ​៣០ភាគរយ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល