សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កាលពីថ្ងៃទី១០ ខែមីនា ឆ្នាំ២០២៣ កន្លងមកថ្មីៗនេះ ធនាគារពាណិជ្ជដ៏ធំមួយរបស់សហរដ្ឋអាមេរិក SVB bank បានប្រកាសបិទទ្វារទាំងស្រុងក្រោយការធ្វេសប្រហេសត្រឹមតែរយៈពេល២ថ្ងៃចុងក្រោយនៃការសម្រេចចិត្តខុសចំពោះមុខបញ្ហា។
ទោះបីជាយ៉ាងណាក្តី ក្រុមអ្នកជំនាញជាច្រើនមើលឃើញថា បញ្ហារបស់ SVB bank នឹងមិនបង្កបញ្ហាធ្ងន់ធ្ងរដល់តំបន់អាស៊ីឡើយនេះ បើយោងតាមការចេញផ្សាយដោយ CNBC កាលពីថ្ងៃទី១៣ ខែមីនា ខណៈដែលសាខារបស់ធនាគារក៏មិនមានចំនួនច្រើននោះដែរនៅក្នុងតំបន់អាស៊ី លើកលែងតែទីក្រុងប៉េកាំង និងក្រុងហុងកុងរបស់ចិន និងឥណ្ឌា។
យោងតាមចេញផ្សាយ The Guardian បានសរសេរលើសពីនេះទៀតថា ធនាគារ SVB bank ដែលផ្តោតសំខាន់តែទៅលើការផ្តល់សេវាកម្មហិរញ្ញវត្ថុនៅក្នុងវិស័យបច្ចេកវិទ្យា មានន័យថា ចរន្តហិរញ្ញវត្ថុរបស់ខ្លួនក៏មិនសូវជាមានច្រើនខ្លាំងនៅក្នុងតំបន់អាស៊ីនោះទេ ពីព្រោះថាភាគច្រើនអតិថិជនរបស់ខ្លួនសុទ្ធតែជាក្រុមអ្នកវិនិយោគ និងម្ចាស់អាជីវកម្មកើតថ្មី ឬ Startup និងនៅតាមបណ្តាប្រទេសមួយចំនួនដូចជាអាមេរិក, ចិន, កាណាដា, អាល្លឺម៉ង់, ដាណឺម៉ាក់, ឥណ្ឌា, ស៊ុយអែត និងអង់គ្លេសជាដើម។
ប្រភពដដែលបានសរសេរទៀតថា SVB ទទួលបានការគាំទ្រខ្លាំងនៅអំឡុងពេលនៃពេលវិបត្តិកូវីដ ខណៈដែលអាជីវកម្មកើតថ្មីបែបច្ចេកវិទ្យា Tech startup កំពុងមានតំរូវការទីផ្សារខ្លាំង ប៉ុន្តែដោយសារមានទំនុកចិត្តលើរដ្ឋាភិបាលអាមេរិកខ្លាំងពេក SVB bank ក៏បានសម្រេចចិត្តខុសជាលើកដំបូងក្នុងការវិនិយោគច្រើនពេកទៅលើមូលបត្របំណុលរដ្ឋដែលមានអាយុកាលចាស់ៗ។
មូលបត្របំណុលដែលជាទូទៅមានដំណើរបញ្ច្រាសជាមួយនឹងអត្រាការប្រាក់បានធ្លាក់ចុះយ៉ាងខ្លាំងក្នុងអំឡុងពេលដែលរដ្ឋាភិបាលអាមេរិកចាប់ផ្តើមធ្វើការបង្កើនអត្រាការប្រាក់នៅធនាគារកណ្តាលដើម្បីទប់ទល់បញ្ហាអតិផរណា ដែលចំណុចនេះជាមូលហេតុធ្វើឲ្យ SVB bank បានខាតបង់ប្រាក់យ៉ាងច្រើនពីការសម្រេចចិត្តលើកទី១នេះក្នុងការទិញយកមូលបត្របំណុលយ៉ាងច្រើនទាំងនោះ។
ការសម្រេចចិត្តខុសជាលើកទី២ដែលនាំឲ្យធនាគារឈានទៅដល់ការបិទទ្វារប្រតិបត្តិការរបស់ខ្លួនោះដោយសារតែការប្រកាសលក់មូលបត្របំណុលយ៉ាងច្រើនទាំងបានដឹងថា ភាគហ៊ុនរបស់វាកំពុងធ្លាក់ខ្លាំង។ ធនាការបានខាតបង់ទឹកប្រាក់រហូតទៅដល់ ១,៨ពាន់លានដុល្លារពីការលក់បណ្ណបំណុលទាំងនោះ ហើយចុងក្រោយក៏បានប្រកាសស្វែងរកការវិនិយោគជាសាច់ប្រាក់បន្ថែមទៀតប្រមាណជាង ២ពាន់លានដុល្លារ។
ការសម្រេចចិត្តជាលើកទី២នេះហើយដែលជាកំហុសយ៉ាងធ្ងន់ធ្ងរធ្វើឲ្យបាត់បង់ទំនុកចិត្តពីសំណាក់ក្រុមអ្នកដាក់ប្រាក់បញ្ញើ ហើយជាលទ្ធផលត្រឹមរយៈពេលមួយថ្ងៃប៉ុណ្ណោះពួកគេបានសម្រុកចូលទៅដកប្រាក់បញ្ញើរបស់គេមកវិញក្នុងចំនួនដល់ទៅ ៤២ពាន់លានដុល្លារ ធ្វើឲ្យធនាគារបាត់បង់សាច់ប្រាក់សុទ្ធស្ទើរតែទាំងស្រុង ហើយមិនអាចបើកប្រតិបត្តិការរបស់ខ្លួនបានឡើងវិញជារៀងរហូតនៅត្រឹមយប់ថ្ងៃទី៩ ខែមីនា ឆ្នាំ២០២៣។ គួរឲ្យដឹងដែរថា គិតត្រឹមរយៈពេលមិនដល់២ថ្ងៃផងធនាគារដែលនឹងអាចក្លាយទៅជាក្រុមហ៊ុនដែលមានតម្លៃ ២០០ពាន់លានដុល្លារបានរលាយខ្លួនចេញពីវិស័យហិរញ្ញវត្ថុនៅសល់តែឈ្មោះប៉ុណ្ណោះ ប៉ុន្តែទោះបីជាយ៉ាងណាក្តី ធនាគារកណ្តាលអាមេរិកបានចេញមុខភ្លាមៗក្នុងការដោះស្រាយបញ្ហាទាំងនេះដោយធានាលើការដកប្រាក់បញ្ញើទាំងអស់របស់អតិថិជន SVB bank ទាំងអតិថិជនមានធានារ៉ាប់រង ឬអត់មានធានារ៉ាប់រងលើប្រាក់បញ្ញើរបស់គេ៕
Account
Security
Favourite Content