សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អគ្គស្នងការនៃសមាគមកាយឫទ្ធិនារីកម្ពុជា នាព្រឹកថ្ងៃទី១៧ ខែធ្នូ ឆ្នាំ២០២៥ នៅសាលាបឋមសិក្សាភ្នំពេញថ្មី រាជធានីភ្នំពេញ បានអញ្ជើញចូលរួមដាំបន្លែ ចលនា «យើងរួមគ្នាដើម្បីជាតិ» សំរាប់ផ្គត់ផ្គង់ និងជួយគាំទ្រដល់ជនភៀសសឹក និងចូលរួមក្នុងគ្រាដ៏លំបាកជាមួយបងប្អូនវីរកងទ័ពយើង ។
លោកជំទាវបណ្ឌិត ពេជ ចន្ទមុន្នី បានប្រកាសដាក់ចេញនូវគំនិតផ្តួចផ្តើមដ៏មានអត្ថន័យ និងឈ្លាសវៃមួយ គឺចលនា«យើងរួមគ្នាដើម្បីជាតិ»ក្នុងគោលបំណងកៀរគររស្មារតីជាតិឱ្យសមាជិកកាយឬទ្ធិនារី រួមទាំងប្រជាពលរដ្ឋខ្មែរគ្រប់រូប នាំគ្នាដាំបន្លែ និងដំណាំផ្សេងៗ ដើម្បីប្រមុខផលផ្គត់ផ្គង់ជូនដល់វីរកងទ័ពជួរមុខ និងប្រជាពលរដ្ឋដែលកំពុងភៀសខ្លួនដោយសង្គ្រាម។
ការអញ្ជើញរៀបចំការបំផុសស្មារតីនេះធ្វើឡើងក្នុងបរិបទដែលកងទ័ពកម្ពុជាកំពុងប្រយុទ្ធការពារបូរណភាពទឹកដីពីការឈ្លានពានរបស់កងទ័ពថៃ។ លោកជំទាវបណ្ឌិត បានអំពាវនាវដល់ប្រជាជនខ្មែរទាំងអស់ឱ្យចូលរួមជាមួយកងទ័ពជួរក្រោយ តាមរយៈសកម្មភាពកសិកម្ម ដើម្បីបន្តរំលែកជូនសមរភូមិជួរមុខ។
ជាមួយគ្នានេះ លោកជំទាវបណ្ឌិត ពេជ ចន្ទមុន្នី ថ្មីៗនេះ បានណែនាំឱ្យសាខារបស់កាយឫទ្ធិនារីកម្ពុជាទាំងអស់ បំផុសបំផុលសមាជិកាធ្វើការចាប់ផ្តើមដាំបន្លែនៅតាមសាលារៀន ឬនៅដីរបស់សហគមន៍ ទុកសំរាប់ផ្គត់ផ្គង់ និងជួយគាំទ្រដល់វីរកងទ័ព និងជនភៀសសឹក។
ថ្លែងក្នុងពិធីបំផុសស្មារតី លោកជំទាវបណ្ឌិត ពេជ ចន្ទមុន្នី បានមានប្រសាសន៍សង្កត់ធ្ងន់ថា ៖
«ដើម្បីបង្កើនទឹកចិត្ត និងកម្លាំង ខ្មែរជួយខ្មែរ នាងខ្ញុំបានរៀបចំឱ្យសាខារបស់កាយឫទ្ធិនារីកម្ពុជាទាំងអស់ បំផុសបំផុលសមាជិកា ចាប់ផ្តើមដាំបន្លែនៅតាមសាលារៀនរបស់ខ្លួន ឬនៅដីរបស់សហគមន៍ ទុកសំរាប់ផ្គត់ផ្គង់ និងជួយគាំទ្រដល់ជនភៀសសឹករបស់យើងបានមួយចំនួន ដោយគំនិតនេះផ្តោតលើការអនុវត្តន៍សកម្មភាពជាក់ស្តែង និងការចូលរួមរបស់យុវជន យុវនារី។ សូមដាំបន្លែណាដែលឆាប់បានទទួលផល»។
Account
Security
Favourite Content