សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ក្រុមមនុស្សជំនាន់ថ្មី ឬយើងហៅថា Generation Z (Gen Z) គឺជាក្រុមមនុស្សដែលមានវ័យក្មេង និងមានសក្តានុពលខ្លាំង ទាំងវិស័យការងារនិងការចូលរួមចំណែកក្នុងការអភិវឌ្ឍសេដ្ឋកិច្ចរបស់សកលលោកនៅពេលបច្ចុប្បន្ន ក៏ដូចជាបន្តទៅពេលអនាគត។ ក្រុមនេះភាគច្រើនជាពលរដ្ឋសកលដែលមានអាយុតិច ពីព្រោះពួកគេកើតនៅក្នុងចន្លោះពីឆ្នាំ១៩៩០ ទៅដល់ដើមទសវត្សរ៍ ឆ្នាំ២០១០ ហើយជាក្រុមមនុស្សដែលមានភាពជិតស្និទ្ធខ្លាំងទៅនឹងបច្ចេកវិទ្យាអ៊ីនធឺណេតគ្រប់ប្រភេទ។
Gen Z មិនត្រឹមតែជាមនុស្សដ៏មានឥទ្ធិពលសម្រាប់អនាគតពិភពលោកនោះទេ លើសពីនោះក៏ជាទីផ្សារដ៏មានថាមពល និងទំហំធំបំផុតមួយផងដែរ ពីព្រោះថា យោងតាមការស្រាវជ្រាវកាលពីពេលកន្លងមកបានរកឃើញថា ក្រុមនេះមានកម្លាំងចាយវាយ ឬ Speding Power គិតជាទឹកប្រាក់មានចំនួនច្រើនរហូតទៅដល់រាប់រយពាន់លានដុល្លារ។
គិតត្រឹមឆ្នាំ២០២២ប៉ុណ្ណោះ The Business Insider រកឃើញថា Gen Z មានខ្ទង់លុយសម្រាប់ចំណាយលើទីផ្សារសកលដល់ទៅ៣៦០ពាន់លានដុល្លារដែលជាទំហំកើនឡើងដល់ទៅទ្វេដងធៀបទៅនឹងរយៈពេល៣ឆ្នាំមុន។ ដូចនេះក្នុងនាមជាសហគ្រិនថ្មីថ្មោង ឬសហគ្រិនដែលកំពុងប្រតិបត្តិការក្នុងទីផ្សារស្រាប់គួរគិតគូរឲ្យបានច្បាស់លាស់ទៅលើចំណង់ចំណូលចិត្ត និងទំនោររបស់ក្រុមពលរដ្ឋមួយក្រុមនេះ ពីព្រោះថាមិនត្រឹមតែមានចំនួនកាន់តែច្រើននោះទេ ចំណែកឯកម្លាំងចាយវាយ ឬ Spending Power នោះទៀតសោតក៏មានការរីកធំធាត់ឡើងពីមួយឆ្នាំទៅមួយឆ្នាំផងដែរ។
ទោះបីជាពលរដ្ឋក្រុមនេះជាមនុស្សនិយមចូលចិត្តបច្ចេកវិទ្យាក្តី ប៉ុន្តែយើងត្រូវវិភាគឲ្យបានច្បាស់ថា ពេលខ្លះទំនោរចិត្តរបស់ពួកគេក៏មិនប្រាកដសំដៅតែទៅលើបច្ចេកវិទ្យាទាំងស្រុងនោះដែរ។
ជាក់ស្តែងយោងតាមការស្រាវជ្រាវចុងក្រោយមួយដោយ WEFORUM បានរកឃើញថា ក្រុមពលរដ្ឋ Gen Z មួយចំនួនតូចប៉ុណ្ណោះដែលនិយមប្រើប្រាស់បច្ចេកវិទ្យា និងសេវាកម្មរបស់ E-books ដោយគិតត្រឹមសហរដ្ឋអាមេរិកប៉ុណ្ណោះគេសង្កេតឃើញថាពលរដ្ឋវ័យក្មេងទាំងនេះដល់ទៅ៦៨ភាគរយនិយមប្រើប្រាស់សៀវភៅជាជាងការអាននៅលើសៀវភៅអនឡាញ ឬ E-books ខណៈដែលនៅអង់គ្លេសការអានសៀវភៅមានទៅដល់៨០ភាគរយ ហើយ E-books មានពលរដ្ឋវ័យក្មេងត្រឹមតែ១៤ភាគរយប៉ុណ្ណោះដែលប្រើប្រាស់បច្ចេកវិទ្យានេះ។
សរុបមកវិញ ការគិតគូរច្បាស់លាស់អំពីទំលាប់ និងផ្នត់គំនិតរបស់ Gen Z នឹងក្លាយទៅជាឱកាសដ៏មានតម្លៃសម្រាប់សហគិ្រនទាំងឡាយក្នុងបរិបទនៃបដិវត្តឧស្សាហកម្ម 4.0 ប៉ុន្តែមិនមែនមានន័យថា ទាល់តែអាជីវកម្មបែបបច្ចេកវិទ្យាសុទ្ធសាធនោះទេទើបអាចទាញយកប្រាក់ចំណេញពីក្រុមនេះបាន៕
Account
Security
Favourite Content