សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័រ បានរាយការណ៍ថា សហភាពអឺរ៉ុបបានយល់ព្រមលើកញ្ចប់ទណ្ឌកម្មលើកទី ១៣ របស់ខ្លួនប្រឆាំងនឹងប្រទេសរុស្ស៊ី ដោយប្រធានក្រុមប្រឹក្សាររបស់សហភាពអឺរ៉ុបអាណត្តិបែលហ្ស៊ិកបានប្រកាសនៅលើគណនី X (អតីត Twitter) កាលពីថ្ងៃពុធកន្លងទៅនេះ។
កញ្ចប់ទណ្ឌកម្មជុំទី ១៣ នេះនឹងត្រូវបានអនុម័តជាផ្លូវការនៅក្នុងពេលវេលាសម្រាប់ខួបលើកទី ២ នៃការចាប់ផ្តើមប្រតិបត្តិការយោធារុស្ស៊ីនៅអ៊ុយក្រែនថ្ងៃទី ២៤ ខែកុម្ភៈ។ ចាប់តាំងពីការចាប់ផ្តើមនៃជម្លោះនៅក្នុងខែកុម្ភៈឆ្នាំ ២០២២ ទីក្រុងប្រ៊ូសែលបានដាក់ទណ្ឌកម្មររឹតបន្តឹងចំនួន ១២ ជុំរួចទៅហើយលើរុស្ស៊ី។ ទណ្ឌកម្មដែលមានស្រាប់បានកំណត់គោលដៅលើវិស័យដ៏ធំៗមួយចំនួនរួចហើយរួមមាន ការរឹតបន្តឹងលើពាណិជ្ជកម្ម ការហាមឃាត់ការធ្វើដំណើរ និងការដាក់ទណ្ឌកម្មលើបុគ្គល ពាណិជ្ជករ និងមន្ត្រីរបស់រុស្ស៊ី។
ប្រធានក្រុមប្រឹក្សាររបស់សហភាពអឺរ៉ុបអាណត្តិបែលហ្ស៊ិក បានសរសេរលើគណនី X ថា «ឯកអគ្គរដ្ឋទូតសហភាពអឺរ៉ុបទើបតែបានយល់ព្រមលើគោលការណ៍កញ្ចប់ទណ្ឌកម្មទី ១៣ នៅក្នុងក្របខណ្ឌនៃការឈ្លានពានរបស់រុស្ស៊ីប្រឆាំងនឹងអ៊ុយក្រែន។ ជុំទណ្ឌកម្មនេះ គឺជាការសម្រេចមួយក្នុងចំណោមការសម្រេចទូលំទូលាយបំផុតដែលត្រូវបានអនុម័តដោយសហភាពអឺរ៉ុប»។
ប្រធានគណៈកម្មាធិការអឺរ៉ុប Ursula von der Leyen បានស្វាគមន៍កិច្ចព្រមព្រៀងនេះ ដោយបង្ហោះថា ៖
«ខ្ញុំស្វាគមន៍ចំពោះកិច្ចព្រមព្រៀងស្តីពីកញ្ចប់ទណ្ឌកម្មលើកទី ១៣របស់យើងប្រឆាំងនឹងរុស្ស៊ី។ យើងត្រូវតែរារាំងសង្រ្គាមរបស់លោក Putin។ ជាមួយនឹងការចុះបញ្ជីសរុបចំនួន ២ ០០០ យើងនៅតែបន្តបន្ថែមសម្ពាធលើវិមានក្រឹមឡាំង។ យើងក៏កំពុងកាត់បន្ថយការប្រើប្រាស់យន្តហោះគ្មានមនុស្សបើករបស់រុស្ស៊ីបន្ថែមទៀតផងដែរ»។
ទន្ទឹមនឹងនេះ កញ្ចប់ថ្មីនេះបានហាមឃាត់អង្គភាព និងបុគ្គលជិត ២០០ មិនឱ្យធ្វើដំណើរទៅកាន់សហភាពអឺរ៉ុប ខណៈដែលទាំងបុគ្គល និងក្រុមហ៊ុនទាំងនោះប្រឈមមុខនឹងការបង្កកទ្រព្យសម្បត្តិរបស់ពួកគេ។ រដ្ឋមន្ត្រីការបរទេសអាល្លឺម៉ង់ Annalena Baerbock ក៏បានផ្តល់សញ្ញាថា ជុំថ្មីនៃទណ្ឌកម្មរុស្ស៊ីនឹងប៉ះពាល់ដល់ការផ្គត់ផ្គង់យន្តហោះគ្មានមនុស្សបើក (UAVs) ។ យោងតាមប្រភពដដែលលើកឡើថា សហភាពអឺរ៉ុបកំពុងរៀបចំផែនការជាលើកដំបូងដើម្បីដាក់ទណ្ឌកម្មក្រុមហ៊ុននៅចិនដីគោក និងនៅក្នុងប្រទេសផ្សេងទៀតរួមមាន Türkiye ឥណ្ឌា និងស៊ែប៊ី សម្រាប់ការជួយក្រុងម៉ូស្គូឱ្យជៀសផុតពីការដាក់ទណ្ឌកម្ម ដោយចោទប្រកាន់ថាពួកគេបានផ្គត់ផ្គង់វាសមាសធាតុដែលអាចប្រើឡើងវិញបានសម្រាប់ប្រើប្រាស់ក្នុងយន្តហោះគ្មានមនុស្សបើក និងប្រព័ន្ធអាវុធផ្សេងទៀតទៅកាន់រុស្ស៊ី។
ជាការឆ្លើយតប ចិនបានប្រតិកម្មចំពោះរបាយការណ៍ដែលថាក្រុមហ៊ុនរបស់ខ្លួនអាចត្រូវបានដាក់ក្នុងបញ្ជីខ្មៅដោយនិយាយថា ខ្លួនបដិសេធចំពោះទណ្ឌកម្មខុសច្បាប់ ខណៈពេលដែលប្តេជ្ញាការពារផលប្រយោជន៍របស់ក្រុមហ៊ុនចិន។ ទីក្រុងមូស្គូបានព្រមានជារឿយៗចំពោះទណ្ឌកម្មរបស់លោកខាងលិច ថា ការដាក់ទណ្ឌកម្មប៉ះពាល់ដល់សហភាពអឺរ៉ុបខ្លួនឯងច្រើនជាងរុស្ស៊ីក្នុងលក្ខខណ្ឌសេដ្ឋកិច្ច៕
Account
Security
Favourite Content