សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ក្រៅពីធានាបាននូវការគាំទ្រផ្នែកហិរញ្ញវត្ថុពីតំបន់អឺរ៉ុបជាមួយនឹងទឹកប្រាក់ជំនួយថ្មីប្រមាណជាង ៤ពាន់លានដុល្លារហើយនោះ តំបន់អឺរ៉ុបក៏បានប្រកាសដាក់ចេញនូវវិធានការចំនួន ៤ចំណុចដើម្បីធ្វើការជាមួយនឹងអ៊ុយក្រែនក្នុងការបញ្ចប់សង្គ្រាម និងធានាឲ្យបាននូវសន្តិសុខជូនអ៊ុយក្រែនក្រោយសង្គ្រាមផងដែរ។
ក្នុងចំណោមថវិកាជាង ៤ពាន់លានដុល្លារ មានប្រមាណជា ២ពាន់លានដុល្លារដែលត្រូវបានផ្តល់ដោយចក្រភពអង់គ្លេសក្នុងការបញ្ជាទិញមីស៊ីលការពារដែនអាកាសចំនួន៥០០០គ្រាប់ ក៏ដូចជាកម្ចីជាង ២ពាន់លានដុល្លារទៀតសម្រាប់គាំទ្រវិស័យយោធារបស់អ៊ុយក្រែនដែលជាថវិកាបង្វិលបានមកពីទ្រព្យសម្បត្តិរុស្ស៊ីដែលបានបង្កកនៅអឺរ៉ុប។
៤ ចំណុចនៃវិធានការដែលជំនួបកំពូលរវាងអ៊ុយក្រែន និងអឺរ៉ុបបានសម្រេចនោះមានដូចជា៖
១.បន្តផ្តល់ជំនួយយោធាទៅដល់អ៊ុយក្រែន និងបង្កើនការដាក់សម្ពាធសេដ្ឋកិច្ចឲ្យទៅរុស្ស៊ី
២.ធានាឲ្យបាននូវសន្តិភាពដ៏យូរអង្វែងសម្រាប់អ៊ុយក្រែនដែលចាំបាច់ត្រូវតែមានភាគីអ៊ុយក្រែនចូលរួមគ្រប់កិច្ចពិភាក្សាដែលពាក់ព័ន្ធ
៣.នៅក្នុងកិច្ចព្រមព្រៀងសន្តិភាពជាផ្លូវការចាំបាច់ត្រូវតែផ្តល់ឲ្យអ៊ុយក្រែនក្នុងការបង្កើនសមត្ថភាពយោធារបស់ខ្លួនដែលអាចធានាដល់ការលុកលុយណាមួយផ្សេងទៀតនាពេលអនាគត
៤.បន្តអភិវឌ្ឍយន្តការ Coalition of the willing ដើម្បីធានាថា ការអនុវត្តឲ្យបាននូវកិច្ចព្រមព្រៀងសន្តិភាពនៅអ៊ុយក្រែន និងថែរក្សាសន្តិភាពនៅទីនោះ
គួរឲ្យដឹងដែរថា ក្រោយបរាជ័យក្នុងការចុះកិច្ចព្រមព្រៀងរ៉ែកម្រជាមួយនឹងអាមេរិកកាលពីថ្ងៃសុក្រកន្លងទៅភ្លាមៗ មេដឹកនាំអ៊ុយក្រែន លោក Vladimir Zelensky បានធ្វើដំណើរទៅជួបជាមួយនឹងសម្ព័ន្ធមិត្តអឺរ៉ុបវិញម្ដង។
ក្នុងជំនួបដ៏មានផ្លែផ្កានោះ នាយករដ្ឋមន្ត្រីអង់គ្លេស និងមានការចូលរួមដោយមេដឹកនាំបារាំង និងបណ្តាប្រទេសនៅអឺរ៉ុបជាច្រើនផ្សេងទៀតបានប្រកាសជាផ្លូវការក្នុងការជួយគាំទ្រដល់ដំណោះស្រាយជម្លោះនៅអ៊ុយក្រែនតាមរយៈយន្តការ coalition of the willing ដែលក្នុងនោះក៏មាននូវកិច្ចខិតខំប្រឹងប្រែងដើម្បីទាញយកការគាំទ្រពីសំណាក់សហរដ្ឋអាមេរិកផងដែរ។
ដោយឡែកលោក Zelensky ក៏បានថ្លែងអំពីអារម្មណ៍កក់ក្តៅខ្លាំង និងមានទំនុកចិត្តច្បាស់ថា បានទទួលការគាំទ្រខ្លាំងពីអឺរ៉ុប។ លោកបានបញ្ជាក់បែបនេះថា៖ អ៊ុយក្រែន កំពុងធ្វើការជាមួយគ្នាដើម្បីស្វែងរកកិច្ចសហប្រតិបត្តិការជាមូលដ្ឋានមួយជាមួយនឹងអាមេរិកដើម្បីអាចទទួលបាននូវកិច្ចព្រមព្រៀងសន្តិភាព និងការធានានូវសន្តិសុខឲ្យបានពិតប្រាកដ៕
Account
Security
Favourite Content