សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី Al Jazeera បានរាយការណ៍ថា ប្រធានាធិបតីអ៊ុយក្រែន លោក Volodymyr Zelensky នៅតែត្រៀមខ្លួនរួចជាស្រេច ដើម្បីចុះហត្ថលេខាកិច្ចព្រមព្រៀងរ៉ែជាមួយនឹងសហរដ្ឋអាម៉េរិក។
ប្រធានាធិបតីអ៊ុយក្រែន លោក Zelensky បានថ្លែងទៅកាន់អ្នកសារព័ត៌មានថា ៖
«វាមិនអាចទៅរួចទេដែលមានកិច្ចព្រមព្រៀងសេដ្ឋកិច្ចដោយគ្មានកិច្ចព្រមព្រៀងសន្តិភាពនោះ។ កិច្ចព្រមព្រៀងរ៉ែជាមួយសហរដ្ឋអាមេរិកនៅលើតុនឹងត្រូវបានចុះហត្ថលេខាប្រសិនបើភាគីទាំងសងខាងបានត្រៀមខ្លួនរួចរាល់។ ប្រសិនបើយើងយល់ព្រមចុះហត្ថលេខាលើកិច្ចព្រមព្រៀងរ៉ែនេះ យើងពិតជាត្រៀមខ្លួនជាស្រេចក្នុងការចុះហត្ថលេខា ហើយលោកជឿជាក់ថា អាម៉េរិកក៏បានត្រៀមខ្លួនដូចគ្នា»។
ប្រធានាធិបតីអ៊ុយក្រែនរូបនេះ បានឆ្លើយតបទៅនឹងសំណួរមួយពី BBC ថា ទោះបីជាជំនួបជាមួយប្រធានាធិបតីអាមេរិក Donald Trump មានភាពតានតឹងកាលពីសប្តាហ៍មុនក៏ដោយ ប៉ុន្តែគាត់នៅតែចង់ឱ្យមានកិច្ចសន្ទនាដែលមានលក្ខណៈស្ថាបនាជាមួយសហរដ្ឋអាម៉េរិក ដោយគ្រាន់តែចង់ឱ្យជំហររបស់អ៊ុយក្រែនត្រូវបានស្តាប់តែប៉ុណ្ណោះ។ ប្រធានាធិបតីរូបនេះបន្ថែមថា អ៊ុយក្រែនចង់ឱ្យដៃគូរបស់ខ្លួនចងចាំថា តើនរណាជាអ្នកឈ្លានពាននៅក្នុងសង្គ្រាមនេះ។
Zelensky បានបង្ហាញទំនុកចិត្តថា ទំនាក់ទំនងជាមួយ Trump នឹងត្រូវបន្ត ដោយសារវាលើសពីទំនាក់ទំនងការទូតក្នុងស្ថានភាពជាក់ស្តែង ជាមួយនឹងការជឿជាក់ថា រដ្ឋបាល Trump នឹងមិនកាត់ផ្តាច់ជំនួយដល់ទីក្រុងគីវនោះទេ។ យ៉ាងណាក៏ដោយ ទោះបីជាអ៊ុយក្រែនមិនមែនជាប្រទេសមានអំណាចជាងគេក្នុងពិភពលោកពិតមែន ប៉ុន្តែខ្លួននៅតែប្រយុទ្ធដើម្បីឯករាជ្យ និងសេរីភាព។
គួរកត់សម្គាល់ថា ក្រោយជំនួបកំពូលរវាងមេដឹកនាំទាំងពី អាមេរិក-អ៊ុយក្រែន មេដឹកនាំប្រទេសជាច្រើនបានគាំទ្រលើជំហររបស់អ៊ុយក្រែនក្នុងតស៊ូ ប្រយុទ្ធទាមទារសេរីភាព។ នៅឯកិច្ចប្រជុំកំពូលមួយនៅទីក្រុងឡុងដ៍ នាយករដ្ឋមន្ត្រីចក្រភពអង់គ្លេស លោក Keir Starmer បានអះអាងថា អង់គ្លេស និងបារាំង នឹងធ្វើការជាមួយនឹងអ៊ុយក្រែនលើជម្លោះជាមួយនឹងរុស្ស៊ី។ លើសពីនេះ នាយករដ្ឋមន្ត្រីចក្រភពអង់គ្លេស បានអំពាវនាវឱ្យសហភាពអឺរ៉ុបចាំបាច់ត្រូវធ្វើការលើការចរចារសន្តិភាពនេះ ដោយលើកឡើងថា នេះមិនមែនជាពេលសម្រាប់តែការនិយាយតែប៉ុណ្ណោះទេ ប៉ុន្តៃវាដល់ពេលដែលត្រូវធ្វើសកម្មភាពហើយ។
កិច្ចព្រមព្រៀងរ៉ែ គឺជាជំហានដំបូងឆ្ពោះទៅរកទំនាក់ទំនងសន្តិសុខកាន់តែស៊ីជម្រៅរវាងសហរដ្ឋអាមេរិក និងអ៊ុយក្រែន ដែលមានភាពតានតឹងរួចទៅហើយកាលពីដំបូង ដោយសាររដ្ឋបាល Trump ចរចាសន្តិភាពជាមួយរុស្ស៊ី។ មិនត្រឹមតែប៉ុណ្ណោះ ការចុះហត្ថលេខាលើកិច្ចព្រមព្រៀងនេះកាន់តែតានតឹងបន្ទាប់ពី Zelensky, Donald Trump និងអនុប្រធានាធិបតីអាម៉េរិក JD Vance តឹងសរសៃកទាស់សម្តីគ្នានៅចំពោះមុខប្រព័ន្ធផ្សព្វផ្សាយនៅក្នុងការិយាល័យ Oval ។ បន្ទាប់មក មេដឹកនាំអ៊ុយក្រែនត្រូវបានបណ្តេញចេញដោយកិច្ចព្រមព្រៀងមិនត្រូវបានចុះហត្ថលេខានោះទេ៕
Account
Security
Favourite Content