សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ឆ្នាំ២០២៤ ជាឆ្នាំល្អប្រសើរសម្រាប់កម្ពុជាក្នុងការស្ដារសេដ្ឋកិច្ចឡើងវិញបន្ទាប់ពីរងផលប៉ះពាល់ដោយសារកូវីដ១៩ និងបញ្ហាសេដ្ឋកិច្ចនាពេលកន្លងមក ។ ជាក់ស្ដែងក្នុងរយៈពេល៦ខែដើមឆ្នាំ ២០២៤នេះ កម្ពុជាទទួលបានសន្ទុះលំហូរវិនិយោគដោយផ្ទាល់ពីបរទេសខ្លាំងក្លាដែលធ្វើឱ្យកម្ពុជាក្លាយជាប្រទេសដែលមានសម្ទុះកំណើនសេដ្ឋកិច្ចខ្ពស់មួយក្នុងតំបន់ ។
ក្នុងពិធីបើកវេទិកាធុរកិច្ចកម្ពុជា-បារាំង នៅថ្ងៃទី០៨ កក្កដា ២០២៤ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ថាក្នុងឆមាសទី១ឆ្នាំ ២០២៤ កម្ពុជាទទួលបានសន្ទុះលំហូរវិនិយោគផ្ទាល់ពីបរទេសកាន់តែខ្លាំង ហើយបើតាមក្រុមប្រឹក្សាអភិវឌ្ឍន៍កម្ពុជាបានបញ្ជាក់ថា រយៈពេល៦ខែកន្លងមកនេះ កម្ពុជាបានអនុម័តគម្រោងវិនិយោគសរុបចំនួន១៩០គម្រោងដែលមានតម្លៃ ៣,២ពាន់លានដុល្លារអាមេរិក កើនឡើង៣ដងបើប្រៀបធៀបនឹងរយៈពេលដូចគ្នាក្នុងឆ្នាំ ២០២៤ ។
សម្ដេចធិបតីបន្តថា ជាមួយនឹងការដាក់បញ្ចូលនៅក្នុងបញ្ជីតាមដានគោលដៅ FDI ដែលលេចធ្លោនៅឆ្នាំ ២០២៤ របស់ស្ថាប័នហិរញ្ញវត្ថុអន្តរជាតិមួយ កម្ពុជាជាប់ចំណាត់ថ្នាក់ខ្ពស់ក្នុងចំណោមគោលដៅវិនិយោគកំពូលទាំង៥០របស់ពិភពលោក ដែលការនេះ បានបង្ហាញឱ្យកាន់តែច្បាស់ពីភាពទាក់ទាញរបស់កម្ពុជាដោយវិនិយោគិនសាកល ។
សម្ដេចធិបតីបន្ថែមថា សមិទ្ធផលដ៏រឹងមាំទាំងនេះ គឺជាសក្ខីភាពដែលឆ្លុះបញ្ចាំងឱ្យឃើញពីភាពរឹងមាំនៃមូលដ្ឋានគ្រឹះសេដ្ឋកិច្ចកម្ពុជា ដូចជាទីតាំងយុទ្ធសាស្ត្រ នៅចំចំណុចកណ្ដាលនៃតំបន់ និងការប្រមូលផ្ដុំនៃកម្លាំងពលកម្មនៅវ័យក្មេង រស់រវើកនិងមានជំនាញខ្ពស់ ក៏ដូចជាប្រសិទ្ធភាពក្នុងគោលនយោបាយផងដែរ ។
សម្ដេចបន្ថែមទៀតថា កម្ពុជាស្ថិតនៅក្នុងចំណោមប្រទេសដែលមានសេដ្ឋកិច្ចសេរីបំផុតក្នុងពិភពលោក ហើយវិនិយោគិនបរទេសអាចបង្កើតគម្រោងវិនិយោគជាមួយនឹងកម្មសិទ្ធិបរទេស១០០ភាគរយក្នុងវិស័យភាគច្រើន ដោយគ្មានលក្ខខណ្ឌតម្រូវឱ្យមានការចូលរួមវិនិយោគពីវិនិយោគិនក្នុងស្រុកនោះឡើយ ។ ប៉ុន្តែមានករណីលើកលែងតែមួយគត់គឺជនបរទេសមិនមានសិទ្ធិកាន់កាប់ដីធ្លី ។
សម្ដេចបានបញ្ជាក់ថា ឆ្នាំ ២០២៤នេះ រាជរដ្ឋាភិបាលក៏បានដាក់ចេញនូវកម្មវិធីពិសេស ក្នុងការជំរុញការវិនយោគនៅខេត្តព្រះសីហនុ ឆ្នាំ២០២៤ ដោយបានសម្រួលនីតិវិធីនិងអត្ថប្រយោជន៍ពិសេសបន្ថែមទៀត ដល់វិនិយោគិនលើសពីច្បាប់ស្ដីពីវិនិយោគ ។ ហើយនៅឆ្នាំ២០២៥ រាជរដ្ឋាភិបាលនឹងមានការដាក់ចេញនូវគោលនយោបាយបន្ថែមទៀត ដើម្បីជំរុញការវិនិយោគនៅក្នុងខេត្តព្រះសីហនុ ជាពិសេសទៅផ្នែកនិងវិស័យមួយចំនួនទៀត ។
គួរបញ្ជាក់ថា ក្នុងឆ្នាំ ២០២៣កន្លងទៅនេះក្រុមប្រឹក្សាអភិវឌ្ឍន៍កម្ពុជាបានអនុម័តគម្រោងវិនិយោគចំនួន២៦៨គម្រោងដែលមានទឹកប្រាក់វិនិយោគប្រមាណជិត៥ពាន់លានដុល្លារអាមេរិក និងបានធ្វើឱ្យកម្ពុជាបានក្លាយជាប្រទេសទទួលបានសន្ទុះនៃការវិនិយោគផ្ទាល់ពីបរទេសច្រើនក្នុងចំណោមប្រទេសអភិវឌ្ឍន៍តិចតួច ៕
Account
Security
Favourite Content