ឧបនាយករដ្ឋមន្ត្រី សាយ សំអាល់ ជំរុញខេត្តទាំង៦ជុំវិញបឹងទន្លេសាបពន្លឿនការងារចុះបញ្ជីដីធ្លី

ភ្នំពេញ ៖ គណៈកម្មការសុរិយោដីថ្នាក់ជាតិ អាជ្ញាធរទន្លេសាប អាជ្ញាធរមូលដ្ឋាន និងក្រសួងស្ថាប័នពាក់ព័ន្ធ បានឯកភាពគ្នាកំណត់យកតំបន់បឹងទន្លេសាបទាំងមូលដើម្បីចុះបញ្ជីដីធ្លីមានលក្ខណៈជាប្រព័ន្ធ។ ការឯកភាពនេះធ្វើឡើងនាកិច្ចប្រជុំអន្តរក្រសួងនាពាក់កណ្តាលសប្តាហ៍នេះនៅទីស្ដីការក្រសួងរៀបចំដែនដី នគរូបនីយកម្ម និងសំណង់ ដើម្បីជំរុញការងារចុះបញ្ជីដីធ្លីនៅតំបន់បឹងទន្លេសាបឱ្យបានឆាប់។

ឯកឧត្តម ឧបនាយករដ្ឋមន្ត្រី សាយ សំអាល់ បានថ្លែងថា ការជួបជុំគ្នានាពេលនេះ គឺដើម្បីជំរុញការប្រើប្រាស់កម្លាំងសរុបរបស់ក្រសួង ស្ថាប័ន ពាក់ព័ន្ធ កម្លាំងរបស់ខេត្តទាំង ៦ នៅជុំវិញបឹងទន្លេសាប រួមទាំងអាជ្ញាធរទន្លេសាប ពន្លឿនការងារចុះបញ្ជីដីធ្លីក្នុងតំបន់បឹងទន្លេសាបឱ្យបានឆាប់រហ័ស ប្រកបដោយប្រសិទ្ធភាព និងស័ក្តិសិទ្ធិភាព ព្រមទាំងរៀបចំធ្វើបច្ចុប្បន្នភាពផែនទី ដើម្បីគ្រប់គ្រង អភិរក្ស និងអភិវឌ្ឍតំបន់បឹងទន្លេសាបប្រកបដោយចីរភាព។

ដោយឡែក នៅក្នុងសន្និសីទសារព័ត៌មានក្នុងដំណើរទស្សនកិច្ចរបស់គណៈប្រតិភូក្រសួងបរិស្ថាន និងសហភាពអឺរ៉ុបនៅបឹងទន្លេសាប ក្នុងភូមិសាស្រ្តខេត្តបាត់ដំបង នារសៀលថ្ងៃទី៣១ ខែកមរា ឆ្នាំ២០២៤ ឯកឧត្តម អ៊ាង សុផល្លែត រដ្ឋមន្ត្រីក្រសួងបរិស្ថាន បានមានប្រសាសន៍បញ្ជាក់ថា បឹងទន្លេសាប គឺជាឃ្លាំងស្ដុកសារធាតុប្រូតេអ៊ីនដ៏សំខាន់របស់កម្ពុជា ដែលមានន័យថា ជាកន្លែងនៃប្រភពត្រីចម្រុះរាប់រយប្រភេទសម្រាប់ជាតម្រូវការរបស់ប្រជាជនខ្មែររាប់លាននាក់ជារៀងរាល់ឆ្នាំ។

ឯកឧត្តមរដ្ឋមន្ត្រីក្រសួងបរិស្ថាន បានគូសបញ្ជាក់បន្ថែមថា បឹងទន្លេសាប មិនត្រឹមជាឃ្លាំងស្ដុកសារធាតុប្រូតេអ៊ីនទេ វាក៏ជាបឹងដ៏ធំជាងគេនៅតំបន់អាស៊ីអាគ្នេយ៍ ដែលចាំបាច់ត្រូវមានការថែរក្សា ដើម្បីកិត្តិយសរបស់ជាតិ រក្សាបានទ្រព្យសម្បត្តិដែលប្រទេសដទៃមិនមាន ខណៈដែលបឹងទន្លេសាបមួយនេះអាចទាញជាផលប្រយោជន៍បម្រើឱ្យវិស័យ​ទេសចរណ៍ និងវិស័យផ្សេងៗទៀត។

គួររំលឹកថា គិត​ត្រឹមចុង​ឆ្នាំ​២០២២​ ក្រោយ​ការ​អនុវត្ត​នូវ​វិធានការ​បង្ក្រាបការ​ទន្ទ្រានដី​រដ្ឋ​ក្នុង​ដែន​ព្រៃលិច​ទឹក​នៃបឹង​ទន្លេសាប​ រដ្ឋាភិបាល​បាន​សម្រេច​កែ​សម្រួល​ព្រំប្រទល់​តំបន់២​ និង​តំបន់៣ ​នៃ​បឹង​ទន្លេសាប​ ​បាន​ចំនួន​សរុប​ទំហំជាង​ ២៤,៩៤០ហិកតា​ ជូន​ពលរដ្ឋ​ចំនួន​ជាង ១ម៉ឺន​ ៥ពាន់​គ្រួសារ។​

ក្នុងរបាយការណ៍ដដែលបានបង្ហាញថា រាជរដ្ឋាភិបាលបានសម្រេចកាត់ឆ្កៀលផ្ទៃដីទំហំ ២៥៣ ហិកតាចេញពីតំបន់៣ ក្នុងខេត្តកំពង់ឆ្នាំង ដើម្បីផ្តល់ជាកម្មសិទ្ធិជូនពលរដ្ឋចំនួនជាង១ពាន់គ្រួសារ និងកែសម្រួលផ្ទៃដីទំហំជាង ៣,៣៩១ហិកតា ចេញពីតំបន់៣ បញ្ចូលមកក្នុងតំបន់២ និងបានផ្តល់សិទ្ធិអាស្រ័យផលដល់ពលរដ្ឋជាង ១ ៦៨៨គ្រួសារ។ ដោយឡែក ក្នុងខេត្តពោធិ៍សាត់វិញ រដ្ឋបានកែសម្រួលផ្ទៃដីទំហំជាង ៣ ៤៤៨ហិកតា ៧៧អា ចេញពីតំបន់៣ បញ្ចូលមកក្នុង តំបន់២ និងផ្តល់ជាសិទ្ធិប្រើប្រាស់ និងអាស្រ័យផលជូនប្រជាពលរដ្ឋចំនួន ១ ៦៥៨គ្រួសារ។

ក្នុងរបាយការណ៍នោះបានបង្ហាញទៀតថា រដ្ឋក៏បានកែសម្រួលផ្ទៃដីទំហំ ១០ ០១៤ហិកតាក្នុងខេត្តកំពង់ធំ ចេញពីតំបន់២ បញ្ចូលមកក្នុងតំបន់១ ដោយផ្តល់កម្មសិទ្ធិជូនពលរដ្ឋចំនួន ៩ ១៤៤គ្រួសារ និងបានកែសម្រួលផ្ទៃដីទំហំ ៦ ៣៨៥ហិក​តា ស្មើនឹង ២ ០២៥ក្បាលដី ចេញពីតំបន់៣ បញ្ចូលមកក្នុងតំបន់២ និងផ្ដល់សិទ្ធិកាន់កាប់អាស្រ័យផលដល់ពលរដ្ឋចំនួន ១ ៧៤៩គ្រួសារ។ ចំណែក ខេត្តបាត់ដំបង ផ្ទៃដីទំហំ ៤០២ហិកតា រដ្ឋាភិបាលបានដកចេញពីតំបន់៣បញ្ចូលមកក្នុងតំបន់២ និងប្រគល់ឱ្យពលរដ្ឋអាស្រ័​យផលចំនួន ១៩១គ្រួសារ និងបានកែសម្រួលផ្ទៃដីទំហំ ៩៨៧ហិកតា ចេញពីតំបន់២ បញ្ចូលមកក្នុងតំបន់១ និងផ្តល់ជាកម្មសិទ្ធិជូនពលរដ្ឋចំនួន ១ ២០៩គ្រួសារ។ ចំណែកឯខេត្តបន្ទាយមានជ័យ រដ្ឋបានកែសម្រួលផ្ទៃដីទំហំ ​៥៨ហិកតា ចេញពីតំបន់៣ បញ្ចូលមកក្នុងតំបន់២ និងផ្តល់ជូនជាសិទ្ធិប្រើប្រាស់ និងអាស្រ័យជូនពលរដ្ឋចំនួន២២គ្រួសារ។ ខណៈ ខេត្តសៀមរាបវិញ មិនមានរបាយការណ៍ណាបញ្ជាក់នៅឡើយ។


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *