សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ ការនាំចេញរថយន្ត និងផលិតផលសំខាន់ៗរបស់អាល្លឺម៉ង់ត្រូវបានរងផលប៉ះពាល់យ៉ាងខ្លាំងពីកត្តាពន្ធគយអាម៉េរិក ខណៈដែលប្រទេសនេះគឺជាអ្នកនាំចេញដ៏សំខាន់ និងមានសេដ្ឋកិច្ចធំជាងគេនៅក្នុងសហភាពអឺរ៉ុប នេះបើយោងតាមសេចក្ដីរាយការណ៍ពី Yahoo!News។
ក្រោមកិច្ចព្រមព្រៀងកាលពីខែសីហា កន្លងទៅ អាម៉េរិកបានទម្លាក់ពន្ធគយមកត្រឹម ១៥% លើការនាំចូលរថយន្តពីអឺរ៉ុប បន្ទាប់ពីអត្រាពន្ធដំបូង ២៥%។ យ៉ាងណាក៏ដោយ បើទោះបីជាអត្រាពន្ធត្រូវបានកាត់បន្ថយ ប៉ុន្តែផលប៉ះពាល់លើការនាំចេញនៅតែមានកម្រិតខ្ពស់ ជាពិសេស យានយន្ត គ្រឿងបន្លាស់ គ្រឿងម៉ាស៊ីន និងផលិតផលគីមី ដែលសុទ្ធតែជាផ្នែកសំខាន់ៗសម្រាប់អាល្លឺម៉ង់ និងសហភាពអឺរ៉ុប។
យោងតាមរបាយការណ៍ពីការិយាល័យបរទេសអាល្លឺម៉ង់ បានប៉ាន់ប្រមាណថា ការនាំចេញសរុបរបស់អាល្លឺម៉ង់ទៅកាន់អាម៉េរិកធ្លាក់ចុះ ៧,៨% ធៀបនឹងឆ្នាំមុន ដោយសារពន្ធគយរបស់អាម៉េរិកនៅតែខ្ពស់ ហើយទំនងជាមិនត្រលប់ទៅកម្រិតអត្រាកាលពីមុនវិញនោះទេ។ ការដាក់ពន្ធខ្ពស់លើយានយន្ត និងគ្រឿងបន្លាស់ ធ្វើឲ្យការនាំចេញរថយន្តរបស់អាល្លឺម៉ង់ទៅកាន់ទីផ្សារអាម៉េរិកធ្លាក់ចុះជិត ១៤% ក្នុងរយៈពេល ៩ ខែដំបូងនៃឆ្នាំ២០២៥។ មិនត្រឹមតែប៉ុណ្ណោះ ពន្ធ ៥០% របស់អាម៉េរិកលើផលិតផលដែកថែប និងអាលុយមីញ៉ូម ធ្វើឲ្យវិស័យជាច្រើនធ្លាក់ចុះ ជាពិសេសគ្រឿងម៉ាស៊ីន។ ទន្ទឹមនឹងនេះ ពន្ធគយក៏បានធ្វើឲ្យការនាំចេញពីវិស័យឧស្សាហកម្មគីមីទៅកាន់អាម៉េរិកបានធ្លាក់ចុះ ៩,៥% ផងដែរ គួបផ្សំជាមួយនឹងកត្តាផ្សេងទៀតដូចជា ការផលិតទាប និងតម្លៃថាមពលខ្ពស់។
ជាមួយគ្នានេះ ស្របពេលដែលអាល្លឺម៉ង់មានចំណែកសំខាន់ជាងគេនៅក្នុងការនាំចេញរបស់សហភាពអឺរ៉ុបទៅកាន់អាម៉េរិក មានការព្រមានថា តំបន់អឺរ៉ុបគួរតែគិតគូររឿងបញ្ហាពន្ធជាមួយដៃគូផ្សេងទៀត និងកាត់បន្ថយការពឹងផ្អែករបស់ខ្លួនតែលើទីផ្សារអាម៉េរិក ដើម្បីធ្វើពិពិធកម្មពាណិជ្ជកម្មឲ្យកាន់តែមានភាពចម្រុះជាងមុន។ សហភាពអឺរ៉ុប គួរតែពង្រីកទំនាក់ទំនងពាណិជ្ជកម្មជាមួយប្រទេសទី៣ តាមរយៈការបញ្ចប់លើកិច្ចព្រមព្រៀងពាណិជ្ជកម្មសេរីឲ្យបានឆាប់រហ័ស ជាពិសេសកិច្ចព្រមព្រៀងពាណិជ្ជកម្ម Mercosur ជាមួយបណ្តាប្រទេសនៅអាម៉េរិកឡាទីន ដែលកំពុងស្ថិតនៅក្រោមការពន្យារពេល។ នៅក្នុងនោះដែរ របាយការណ៍ក៏បានគូសបញ្ជាក់ពីប្រទេសឥណ្ឌា និងឥណ្ឌូណេស៊ី ជាទីផ្សារដ៏មានសក្តានុពលសម្រាប់សហភាពអឺរ៉ុប៕
Account
Security
Favourite Content