សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពពី FX បានរាយការណ៍ថា តម្លៃមាសបានធ្លាក់ចុះបន្តិចកាលពីសប្តាហ៍មុន ប៉ុន្តៃវានៅតែមានតម្លៃខ្ពស់ជាង ២ ៥០០ ដុល្លារក្នុងមួយអោនដដែល ដោយសារអំណាចនៃតម្លៃប្រាក់ដុល្លារអាម៉េរិកចុះខ្សោយ។
ទន្ទឹមនឹងនេះ មាសមានតម្លៃ ២ ៥១៣ ដុល្លារក្នុងមួយអោន ដែលធ្លាក់ចុះពី ២ ៥៣០ ដុល្លារកាលពីសប្តាហ៍មុន។ ការឡើងថ្លៃដល់កម្រិតខ្ពស់ជាង ២ ៥០០ ដុល្លារក្នុងមួយអោននេះ គឺជាការកើនឡើងប្រចាំខែជាលើកដំបូងចាប់តាំងពីខែមីនា ដែលបង្ហាញពីការកើនឡើងតម្រូវការអ្នកប្រើប្រាស់។ ទន្ទឹមនឹងនេះ ការកើនឡើងនៃតម្រូវការរបស់ចិនមានសារៈសំខាន់ទៅលើទីផ្សារ ដោយសារវារារាំងទៅនឹងភាពមិនប្រាកដប្រជានៃសេដ្ឋកិច្ចពិភពលោក និងសម្ពាធពីទីផ្សារសហរដ្ឋអាមេរិក។ របាយការណ៍របស់ក្រុមប្រឹក្សាមាសពិភពលោកបង្ហាញថា ការកើនឡើងតម្រូវការនៅក្នុងប្រទេសចិនអាចជាសញ្ញានៃការកើនឡើងទំនុកចិត្តរបស់អ្នកប្រើប្រាស់ និងចំណាប់អារម្មណ៍លើមាស ដោយសារវាជាទ្រព្យសម្បត្តិមានសុវត្ថិភាពក្នុងអំឡុងពេលមានអតិផរណា និងការធ្លាក់ចុះតម្លៃរូបិយប័ណ្ណ។
ថ្មីៗនេះ ប្រាក់ដុល្លារអាមេរិកក៏ជាកត្តាមួយទៀតដែលជំរុញតម្លៃមាសឡើងថ្លៃផងដែរ ដោយសារសន្ទស្សន៍ប្រាក់ដុល្លារអាមេរិកធ្លាក់ចុះ បើធៀបនឹងរូបិយប័ណ្ណសំខាន់ៗផ្សេងទៀត។ ជាទូទៅ ការធ្លាក់ចុះតម្លៃប្រាក់ដុល្លារនឹងជំរុញតម្លៃមាសឡើងថ្លៃ ដោយសារនៅពេលដែលប្រាក់ដុល្លារធ្លាក់ចុះ មាសកាន់តែមានភាពទាក់ទាញសម្រាប់អ្នកវិនិយោគ។ ទន្ទឹមនឹងនេះ ការធ្លាក់ចុះតម្លៃប្រាក់ដុល្លារត្រូវបានផ្សារភ្ជាប់ទៅនឹងការកើនឡើងនៃការរំពឹងទុកជុំវិញការចេញផ្សាយទិន្នន័យសេដ្ឋកិច្ចរបស់សហរដ្ឋអាមេរិកនាពេលខាងមុខ រួមមានតួលេខការទាមទារអត្ថប្រយោជន៍គ្មានការងារធ្វើ និងផលិតផលក្នុងស្រុកសរុប (GDP) ផងដែរ។ គេព្យាករណ៍ថា សូចនាករទាំងនេះអាចនឹងជំរុញធនាគារកណ្តាលអាម៉េរិកទម្លាក់អត្រាការប្រាក់ ដោយសារសុន្ទរកថាថ្មីមួយរបស់លោក Jerome Powell ប្រធានធនាគារកណ្តាលបានថ្លែងពីហានិភ័យចំពោះទីផ្សារការងារពីការរក្សាអត្រាការប្រាក់ខ្ពស់។
ឥឡូវនេះ វិនិយោគិនកំពុងរង់ចាំមើលថា ប្រសិនបើររបាយការណ៍ការងារខ្សោយអាចបង្កើនបង្កើនក្តីសង្ឃឹមសម្រាប់ការបន្ធូរបន្ថយគោលនយោបាយរូបិយវត្ថុលឿនជាងមុន។ ប្រសិនបើតួលេខអតិផរណាខ្ពស់ ធនាគារកណ្តាលអាចរក្សាអត្រាការប្រាក់ខ្ពស់នៅដដែល នោះតម្លៃមាសអាចធ្លាក់ចុះ។ ប្រសិនបើតួលេខអតិផរណាធ្លាក់មកត្រឹមគោលដៅកំណត់ដោយធនាគារកណ្តាល នោះអត្រាការប្រាក់អាចនឹងត្រូវបានកាត់បន្ថយ ប៉ុន្តែតម្លៃមាសនឹងឡើងថ្លៃ៕
Account
Security
Favourite Content