រហូតមកដល់ពេលបច្ចុប្បន្ននេះ ពិភពលោកបានឆ្លងកាត់នូវសម័យអន្តរកាលថ្មីមួយដោយសារវិរុសឆ្លងដ៏កាចសាហាវកូវីដចាប់តាំងតែពីចុងឆ្នាំ២០១៩ ឆ្នាំ២០២០ និងបន្តដល់ឆ្នាំ២០២១។

យ៉ាងណាក៏ដោយ បើទោះបីជាបានធូរស្រាលខ្លាំងនៅក្នុងឆ្នាំ២០២២ក្តី ប៉ុន្តែស្ថានភាពសេដ្ឋកិច្ចពិភពលោកមិនអាចវិលត្រឡប់មកវិញបានភ្លាមៗនោះឡើយ ដោយសាររបួសដ៏រាំរ៉ៃនេះ រួមជាមួយនឹងការកកើតឡើងនៃវិបត្តិសេដ្ឋកិច្ចថ្មីនៃការសម្រចចិត្តរបស់រុស្ស៊ីបើកប្រតិបត្តិការដោយយោធាទៅលើប្រទេសអ៊ុយក្រែន។

វិបត្តិថាមពលផ្ទុះឡើងនៅតាមប្រទេសជាច្រើន ជាពិសេសអឺរ៉ុប និងរីករាលដាលទៅដល់បណ្តាប្រទេសផ្សេងទៀតបូករួមទាំងអាមេរិកផងដែរ បានធ្វើឲ្យប៉ះពាល់ទៅដល់បញ្ហាតម្លៃក្នុងទីផ្សារខណៈដែលអត្រាអតិផរណាបានបន្តកើនឡើងឥតឈប់ឈរបូករួមទាំងបញ្ហាវិបត្តិស្បៀងអាហារផង និងវិបត្តិបម្រែបម្រួលអាកាសធាតុផង។

ឆ្នាំ២០២២នេះ មានហេតុការណ៍ និងព្រឹត្តិការណ៍ជាច្រើនបានកើតឡើងដែលមានរឿងខ្លះគឺជារឿងដែលគួរឲ្យយើងអាចស្វែងយល់បានពី សេដ្ឋកិច្ច និងចំណេះដឹង ហើយរឿងខ្លះទៀត អាចឲ្យយើងស្វែងយល់បានពីបញ្ហានយោបាយនៅលើពិភពលោកផងដែរ

ខែកក្កដា៖

• ស្រីលង្កា ប្រកាសគ្មានប្រេងសាំងទូទាំងប្រទេសក្នុងពេលដែលសេដ្ឋកិច្ចដួលរលំស្ទើរទាំងស្រុង ហើយសាលារៀនត្រូវបានប្រកាសបិទទ្វារ ខណៈដែលប្រព័ន្ធធ្វើដំណើរសាធារណៈទាំងអស់ក៏ត្រូវបានបិទកាលពីថ្ងៃទី៣ខែកក្កដា

• អង់គ្លេស ប្រកាសអំពីការលាលែងតំណែងរបស់លោក Boris Johnson និងរដ្ឋមន្ត្រីជាច្រើនរូបនៅក្នុងជួរគណៈរដ្ឋមន្ត្រីរបស់លោកហើយជាលទ្ធផលក្នុងរយៈពេលត្រឹមតែ២ខែអង់គ្លេសមាននាយករដ្ឋមន្ត្រីអង់គ្លេសដល់ទៅ៣រូបត្រូវបានផ្លាស់ប្តូរ

• ៨ខែកក្កដា គឺជាថ្ងៃដែលពិភពលោកមានការភ្ញាក់ផ្អើលយ៉ាងខ្លាំងដោយសារតែអតីតនាយករដ្ឋមន្ត្រីជប៉ុនលោក Shinzo Abe ត្រូវបានគេធ្វើឃាតក្នុងពេលធ្វើសេចក្តីថ្លែងការណ៍នៅក្នុងទីក្រុងណារ៉ា

• រុស្សី ប្រកាសនឹងចាកចេញពីស្ថានីយអវកាសអន្តរជាតិ ISS ជាផ្លូវការនៅត្រឹមដំណាច់ឆ្នាំ២០២៤

ខែសីហា៖

• ថ្ងៃទី២ ខែសីហា ប្រធានសភាអាមេរិកលោកស្រី Nancy Pelosi បានបំពេញទស្សនកិច្ចទៅកាន់កោះតៃវ៉ាន់ទាំងប្រថុយប្រថានទោះបីជារដ្ឋាភិបាលទីក្រុងប៉េកាំងបានព្រមានយ៉ាងខ្លាំងក្លាទាំងសកម្មភាពយោធានៅក្បែរដែនកោះក្តី

• អង់គ្លេស ប្រកាសទទួលបានអត្រាអតិផរណាដ៏អាក្រក់បំផុតមិនធ្លាប់មានរយៈពេល៤០ឆ្នាំ ឬប្រមាណជា១០,១ភាគរយ

• អតីតនាយករដ្ឋមន្ត្រីម៉ាឡេស៊ី លោក Najib Razak ត្រូវបានតុលាការចោទប្រកាន់ពីបទលាងលុយកខ្វក់ដោយការជាប់គុករយៈពេល១២ឆ្នាំ

ខែកញ្ញា៖

• ៥កញ្ញា នាយករដ្ឋមន្ត្រីអង់គ្លេសថ្មី លោកស្រី Liz Truss ត្រូវបានប្រកាសឲ្យចូលកាន់តំណែង

ខែតុលា៖

• មនុស្សរត់ជាន់គ្នាស្លាប់នៅកីឡាដ្ឋានបាល់ទាត់ក្នុងទីក្រុង Malang ប្រទេសឥណ្ឌូនេស៊ីរហូតទៅដល់១៣១នាក់

• លោក Xi Jinping ទទួលបានការគាំទ្របន្តកាន់តំណែងអាណត្តិទី៣របស់ខ្លួនជាប្រធានបក្សកុម្មុយនីសចិន

• នាយករដ្ឋមន្ត្រីអង់គ្លេសទី៣ ក្នុងរយៈពេលត្រឹម២ខែ លោក Rishi Sunak ត្រូវបានប្រកាសចូលកាន់តំណែង

ខែវិច្ឆិកា៖

• ប្រធានាធិបតីអាមេរិក លោក Joe Biden និងលោកប្រធានាធិបតីចិន Xi Jinping ជួបគ្នាដោយផ្ទាល់ជាលើកដំបូងនៅក្នុងកិច្ចប្រជុំ G20 ដែលធ្វើឡើងនៅក្នុងប្រទេសឥណ្ឌូនេស៊ីនាថ្ងៃទី១៤ខែវិច្ឆិកា

• ថ្ងៃទី១៥ខែវិច្ឆិកា អតីតប្រធានាធិបតីអាមេរិក លោក Donald Trump ប្រកាសចូលរួមការប្រកួតប្រជែងតំណាងប្រធានាធិបតីសាជាថ្មីនៅឆ្នាំ២០២៤

• រញ្ជួយដីកម្រិត៥,៦រិចទ័រកាលពីថ្ងៃទី២១ខែវិច្ឆកា ក្នុងទីក្រុង Cianjur ប្រទេសឥណ្ឌូនេស៊ីបានសម្លាប់មនុស្ស២៦៨នាក់ និងរបួសជាង១០០០នាក់

• ប្រធានបាល់ទាត់កាតាសារភាពថា កម្មករសាងសង់កីឡាដ្ឋានបាល់ទាត់ចន្លោះពី៤០០ ទៅ ៥ ០០០នាក់បានបាត់បង់ជីវិតនៅក្នុងអំឡុងពេលធ្វើការងារឲ្យបានទាន់ពេលវេលានៃព្រឹត្តិការណ៍បាល់ទាត់ពិភពលោកឆ្នាំ២០២២

ខែធ្នូ៖

• ថ្ងៃទី១៦ ខែធ្នូកន្លងមកនេះ ប្រទេសជប៉ុនបានធ្វើការប្រកាសដ៏គួរឲ្យចាប់អារម្មណ៍មួយក្នុងការបង្កើនកម្លាំងយោធាក្នុងទំហំដ៏ច្រើនបំផុតមួយមិនធ្លាប់មានចាប់តាំងតែពីសង្គ្រាមលោកលើកទី២ ដោយលើកឡើងពីបញ្ហាតានតឹងជាមួយនឹងចិនផង និងជាមួយនឹងកូរ៉េខាងជើងផង

• អាហ្សង់ទីន យកឈ្នះជើងឯកចាស់បារាំងក្នុងលទ្ធផលកាត់សេចក្តីបាល់១១ម៉ែត្រ ៤ទល់នឹង ២ ខណៈដែលកំពូលកីឡាករ Lionel Messi រកបាន២គ្រាប់ ហើយ Kylian Mbappe រកបាន៣គ្រាប់ម្នាក់ឯងក្តី

ប្រធានាធិបតីអ៊ុយក្រែនបំពេញទស្សនកិច្ចទៅកាន់ទីក្រុងវ៉ាស៊ិនតោនជាលើកដំបូងចាប់តាំងតែពីពេលរុស្ស៊ីចូលលុកលុយក្នុងប្រទេស និងបានជួបផ្ទាល់ជាមួយនឹងប្រធានាធិបតីអាមេរិកទៀតផង៕