សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
វិបត្តិសេដ្ឋកិច្ចកាន់តែធ្ងន់ធ្ងរនៅពាសពេញទ្វីបអឺរ៉ុបចាប់តាំងតែពីវិបត្តិកូវីដរហូតមកដល់វិបត្តិជម្លោះនៅអ៊ុយក្រែននៅមិនទាន់មានសញ្ញាធូរស្រាលនៅឡើយ ប៉ុន្តែអ្នកជំនាញមើលឃើញថាសកម្មភាពអន្តោប្រវេសន៍កំពុងក្លាយជាបញ្ហាថ្មីបន្ថែមទៅលើទុក្ខលំបាកដែលទ្វីបនេះកំពុងឆ្លងកាត់។
ក្រុមអ្នកជំនាញសេដ្ឋកិច្ច និងនយោបាយអន្តរជាតិមើលឃើញថាបញ្ហាអន្តោប្រវេសន៍កំពុងធ្វើឲ្យរង្គោះរង្គើរដល់ក្រុមអ្នកនយោបាយ និងមេដឹកនាំជាច្រើននៅអឺរ៉ុប ហើយវានឹងបន្តរីករាលដាលទៅកាន់ប្រទេសផ្សេងទៀតកាន់តែច្រើននៅក្នុងប្លុកនេះ ជាពិសេសក្រោយបរាជ័យរបស់ប្រទេសហូឡង់ដែលថ្មីៗនេះរដ្ឋាភិបាលទីក្រុង Amsterdam បានក្លាយជាប្រទេសដំបូងគេដែលត្រូវជួបនឹងវិបត្តិថ្មីមួយនេះ។
បញ្ហាអន្តោប្រវេសន៍នឹងបន្តចាក់ឬសចាក់គល់បង្កបញ្ហាលំបាកទៅដល់មេដឹកនាំរបស់ប្រទេសផ្សេងទៀតក្នុងតំបន់អឺរ៉ុបម្នាក់ម្តងៗប្រសិនបើពួកគេមិនអាចសម្រេចចិត្តបាននៅក្នុងដំណាក់កាលប្រទាញប្រទង់ព្រមទាំងទស្សនៈផ្ទុយគ្នារបស់ពលរដ្ឋខ្លួនឯងទេនោះ។ បច្ចុប្បន្នមានពលរដ្ឋនៅម្ខាងបានបង្ហាញអំពីក្តីបារម្ភនៃការហូលចូលក្រុមជនអន្តោប្រវេសន៍ច្រើនពេកចូលប្រទេសរបស់ពួកគេហើយម្ខាងទៀតក៏បានដាក់បន្ទុករដ្ឋាភិបាលដូចគ្នាប្រសិនបើពួកគេប្រើប្រាស់ច្បាប់គ្រប់គ្រងតឹងតែងដែលនឹងធ្វើឲ្យមានការព្រាត់ប្រាសគ្នារវាងក្រុមគ្រួសារនៃក្រុមធ្វើអន្តោប្រវេសន៍។
ជាលទ្ធផលជាក់ស្តែងបានបង្ហាញរួចទៅហើយនូវភាពចលាចលនៅក្នុងតំបន់ចំពោះបញ្ហានេះដោយវាបានធ្វើឲ្យមានការសុំលាលែងចេញពីតំណែងរបស់នាយករដ្ឋដ៏មានប្រជាប្រិយភាព និងកាន់តំណែងបានយូរជាងគេរបស់ប្រទេសហូឡង់គឺលោក Mark Rutte កាលពីខែមុន។
មូលហេតុនៃការលាលែងក៏ដោយសារតែរដ្ឋាភិបាលលោកមិនបានទទួលការគាំទ្រក្នុងការសម្រេចចិត្តទៅលើកិច្ចព្រមព្រៀងថ្មីមួយក្នុងការគ្រប់គ្រងក្រុមជនអន្តោប្រវេសន៍ដែលវាត្រូវបានក្រុមអ្នកជំនាញនិងវិភាគជាច្រើនយល់ឃើញថាព្រឹត្តិការណ៍នេះនឹងក្លាយទៅជាគំរូដំបូងគេនៃប្រទេសដែលនឹងទទួលរងបញ្ហាអន្តោប្រវេសន៍ ហើយវានឹងបន្តរីករាលដាលទៅកាន់ប្រទេសផ្សេងៗទៀតក្នុងតំបន់អឺរ៉ុបដូចជាអាល្លឺម៉ង់, អ៊ីតាលី, បារាំង និងអេស្បាញផង។
ទោះបីជាយ៉ាងណាក្តី វិបត្តិអន្តោប្រវេសន៍គឺមិនមែនជាបញ្ហាថ្មីនោះទេពីព្រោះថាវាបានកើតឡើងអស់រយៈពេលជាងមួយទសវត្រ៍សចុងក្រោយនេះ។ ការកើនឡើងនៃការធ្វើចំណាកស្រុកដោយក្នុងនោះគិតត្រឹមថ្ងៃទី៣០ ខែកក្កដាប៉ុណ្ណោះ ជនចំណាកស្រុកឬជនអន្តោប្រវេសន៍ប្រមាណជាង ១២៧ ០០០នាក់បានធ្វើដំណើរចូលមកដល់ទ្វីបអឺរ៉ុបក្នុងឆ្នាំ២០២៣នេះ ដែលជាអត្រាកើនឡើងយ៉ាងលឿនពោលគឺលឿនជាងតួលេខកាលពីឆ្នាំមុនដែលមានត្រឹមតែ ១៩០ ០០០នាក់ប៉ុណ្ណោះ។
យោងតាមទិន្នន័យពីអង្គការសហប្រជាជាតិទទួលបន្ទុកកិច្ចការងារអន្តោប្រវេសន៍អន្តរជាតិ ការធ្វើចំណាកស្រុកភាគច្រើនពួកគេគឺធ្វើដំណើរតាមសមុទ្រដែលជាមធ្យោបាយដ៏គ្រោះថ្នាក់បំផុតនិងមានចំនួនអ្នកបាត់បង់ជីវិតច្រើនជាងគេបំផុតផងដែរ៕
Account
Security
Favourite Content