វឌ្ឍនៈភាពសេដ្ឋកិច្ចសកលសំខាន់ៗដែលគួរតាមដានសម្រាប់ឆ្នាំ២០២៣ខាងមុខនេះ

រាប់ចាប់ពីបញ្ហារាតត្បាតកូវីដទៅដល់វិបត្តិសេដ្ឋកិច្ចដោយសារកូវីដបូករួមទាំងបញ្ហាវិបត្តិសកលជាច្រើនបន្ថែមពីលើទៀតដូចជាបញ្ហានៅអ៊ុយក្រែន, បញ្ហាគោលនយោបាយសូន្យកូវីដរបស់ចិន, បញ្ហាសង្វាក់ផលិតកម្មសកល បូករួមទាំងបញ្ហាស្បៀងអាហារ និងថាមពលក្នុងឆ្នាំ២០២២កន្លងមកនេះ សេដ្ឋកិច្ចសកលបានហ៊ុំព័ទ្ធទៅដោយទុក្ខលំបាកជាបន្តបន្ទាប់។

បើទោះបីហាក់ដូចជាមិនមានពន្លឺសម្រាប់បញ្ហាជម្លោះនៅអ៊ុយក្រែននៅឡើយក៏ដោយ ខណៈដែលបញ្ហាអតិផរណាកំពុងកើតឡើងនៅស្ទើរគ្រប់ទីកន្លែងនោះ ជាដំណឹងល្អមុនឆ្នាំ២០២៣មកដល់នៅពេលនេះ ប្រទេសចិនបានប្រកាសបើកទ្វារប្រទេសឡើងវិញ និងព្យាយាមបន្ធូរបន្ថយនូវគោលនយោបាយសូន្យកូវីដដែលអនុញ្ញាតឲ្យមានសកម្មភាពសេដ្ឋកិច្ចឡើងវិញសម្រាប់ពលរដ្ឋទាំង ១,៤ពាន់លាននាក់របស់ខ្លួន។

សម្រាប់ឆ្នាំ២០២៣ខាងមុខនេះតើមានដឹងទេថា នៅមានបញ្ហាអ្វីដែលនៅតែបន្តកើនឡើងកំដៅ ហើយនិន្នាការសេដ្ឋកិច្ចសកលណាខ្លះដែល គួរតែធ្វើការតាមដាននាពេលខាងមុខនេះ ៖

បញ្ហាអតិផរណា និងបញ្ហាអត្រាការប្រាក់

អត្រាអតិផរណាអាចនឹងធូរស្រាល និងរុញច្រានឲ្យបណ្តាធនាគារបន្ថយអត្រាការប្រាក់មកវិញ ប៉ុន្តែវានឹងបន្តធ្វើឲ្យមានផលប៉ះពាល់រយៈពេលគួរសមមួយ។ មូលនិធិហិរញ្ញវត្ថុអន្តរជាតិ IMF ធ្វើការព្យាករណ៍ចុងក្រោយនេះថា អតិផរណារបស់សកលនឹងមានប្រហែលជា ៦,៥ភាគរយធៀបទៅនឹងឆ្នាំ២០២២នេះដែលមានប្រមាណជា ៨,៨ភាគរយ។ សាស្ត្រាចារ្យជាន់ខ្ពស់នៃសកលវិទ្យាល័យ Sheffiled Hallamលោក  Alexander Tziamalis បានលើកឡើងថា ៖ អ្វីដែល IMF បានព្យាករណ៍

បង្ហាញថាអត្រាអតិផរណានៅតែមានទំហំខ្ពស់ជាងអត្រាការប្រាក់ដែលបណ្តាធនាគារលោកខាងលិចបានបង្កើនដល់ទៅ២ភាគរយ។ មានន័យថា វត្ថុធាតុដើម និងតម្លៃថាមពលទាំងឡាយនឹងនៅតែបន្តមានតម្លៃខ្ពស់នៅឡើយក្នុងរយៈពេលមួយ ហើយនឹងទាញឲ្យសង្វាក់ផលិតកម្មនៅតែមានតម្លៃខ្ពស់ដូចគ្នា។

កំណើនសេដ្ឋកិច្ចយឺត៣ឆ្នាំជាប់គ្នាកំណត់បានថា ពិភពលោកនឹងធ្លាក់ចូលវិបត្តិសេដ្ឋកិច្ច

អ្នកជំនាញជាច្រើនមើលឃើញថា ទោះបីជាតម្លៃទំនិញអាចនឹងធូរស្រាលមកវិញក្តី ប៉ុន្តែក្នុងឆ្នាំ២០២៣ខាងមុខនេះកំណើនសេដ្ឋកិច្ចនឹងនៅតែមានកំណើនយឺតយ៉ាវ ហើយអត្រាការប្រាក់ក៏មិនទាន់ធ្លាក់ចុះមកវិញភ្លាមៗឡើយ។

IMF ដដែលបានព្យាករណ៍ថា សេដ្ឋកិច្ចសកលនឹងទទួលបានកំណើនប្រមាណជា ២,៧ភាគរយនៅឆ្នាំក្រោយ ពោលគឺទាបជាងកំណើនសេដ្ឋកិច្ចកាលីឆ្នាំ២០២២ ដែលមានប្រមាណជា ៣,២ភាគរយ ខណៈដែល OECD បានព្យាករណ៍ថា កំណើនសេដ្ឋកិច្ចនឹងកើនឡើង ២,២ភាគរយនៅឆ្នាំក្រោយធៀបទៅនឹងឆ្នាំ២០២២ ដែលមាន៣,១ភាគរយ។ អ្នកសេដ្ឋកិច្ចវិទូបានលើកឡើងដូចគ្នាថា កំណើនសេដ្ឋកិច្ចយឺតយ៉ាវ និងស្ថិតនៅក្នុងទំរង់ធ្លាក់ចុះរយៈពេល៣ឆ្នាំចុងក្រោយនេះអាចកំណត់បានថា ឆ្នាំ២០២៣ គឺជាឆ្នាំដែលពិភពលោកបានធ្លាក់ចូលទៅក្នុងវិបត្តិសេដ្ឋកិច្ចជាស្ថាពរ។

ចិនប្រកាសបើកទ្វារប្រទេសឡើងវិញ

ជាប្រធានបទដែលគួរឲ្យចាប់អារម្មណ៍ និងតាមដានជាងគេបំផុត ពីព្រោះថាចិន គឺជាប្រទេសដែលមានវត្តមានកូវីដមុនគេ និងជាប្រទេសដែលបានបិទទ្វារយូរជាងគេ ឬត្រូវជាជិត៣ឆ្នាំមកហើយ ពីព្រោះថាទើបតែបានប្រកាសបើកប្រទេសវិញកាលពីសប្តាហ៍កន្លងមកនេះប៉ុណ្ណោះ។

ក្នុងនាមជារោងចក្រនៃពិភពលោកផង និងជាមហាអំណាចសេដ្ឋកិច្ចធំបំផុតជាងគេទី២របស់ពិភពលោកផង ការបើកទ្វារឡើងវិញលើកនេះបានក្លាយទៅជាដំណឹងដ៏ល្អសម្រាប់ប្រទេសជាច្រើនមិនថាជាអតិថិជនរបស់ចិន ឬជាអ្នកផ្គត់ផ្គង់ឲ្យចិននោះទេ ជាពិសេសបណ្តាប្រទេសក្នុងតំបន់អាស៊ីអាគ្នេយ៍ផងដែរ។ ប៉ុន្តែក្នុងនោះក៏មានការព្រួយបារម្ភដែរថាចំនួននៃអ្នកឆ្លងកូវីដនឹងអាចកើនឡើងវិញនៅក្នុងប្រទេសផង និងបណ្តាប្រទេសមួយចំនួនផ្សេងផងក្នុងពេលវេលាដែលពលរដ្ឋចិនចាប់ផ្តើមសកម្មភាពធ្វើដំណើរឡើងវិញបែបនេះ។

អត្រាការប្រកាសក្ស័យធននៃបណ្តាក្រុមហ៊ុននានាលើពិភពលោក

ឆ្នាំ២០២២ថ្វីត្យិតតែចំនួននៃការប្រកាសក្ស័យធននៃក្រុមហ៊ុនទាំងឡាយមានចំនួនធ្លាក់ចុះពិតមែនធៀបទៅនឹងឆ្នាំ២០២០ និងឆ្នាំ២០២១ប៉ុន្តែវិបត្តិផ្សេងទៀតបន្ទាប់ពីកូវីដ ដូចជាវិបត្តិថាមពលវិបត្តិអតិផរណា និងវិបត្តិសង្វាក់ផលិតកម្មផងបានកំពុងធ្វើឲ្យចំនួននេះចាប់ផ្តើមកើនឡើងសាជាថ្មី។ ជាក់ស្តែងត្រឹមនៅក្នុងប្រទេសអាមេរិកប៉ុណ្ណោះក្រុមហ៊ុនដែលបានប្រកាសក្ស័យធនកាលពីឆ្នាំ២០២១មានប្រមាណជា១៦ ១៤០ ធៀបទៅនឹងឆ្នាំ២០២០ ដែលមានទៅដល់ ២២ ៣៩១ ក្រុមហ៊ុន និងឆ្នាំ២០១៩ មានប្រមាណជា ២២ ៩១០ក្រុមហ៊ុន។

Allianz Trade បានធ្វើការព្យាករណ៍ថាក្នុងឆ្នាំ២០២២ការប្រកាសក្ស័យធនសរុបនៅទូទាំងពិភពលោកនឹងមានចំនួនកើនឡើងដល់ទៅ១០ភាគរយ ហើយកាន់តែអាក្រក់នៅក្នុងឆ្នាំ២០២៣ខាងមុខទំហំនេះនឹងមានការកើនឡើងកាន់តែខ្លាំងទៀតដល់ទៅ១៩ភាគរយ។

ការបែកខ្ញែកនៃសកលភាវូបនីយកម្មនៅតែបន្ត

ចាប់តាំងតែពីរដ្ឋាភិបាលអាមេរិកក្រោមការដឹកនាំរបស់លោក Donald Trump មកដល់អាណតិ្តរបស់លោកប្រធានាធិបតីអាមេរិក Joe Biden បញ្ហាជម្លោះពាណិជ្ជកម្មរវាងមហាយក្សអាមេរិក និងមហាយក្សចិននៅមិនទាន់ស្ថានភាពល្អប្រសើរនៅឡើយ។ ហើយមួយរយៈចុងក្រោយនេះ កាន់តែក្តៅជាងមុន ពោលគឺកាលពីខែសីហាកន្លងមកនេះលោក Biden ទើបតែបានចុះហត្ថលេខាទៅលើកតិកាសញ្ញា The CHIPS and Science ដែលជាច្បាប់ថ្មីក្នុងការរារាំងការនាំចេញបន្ទះឈីប និងផលិតផលបច្ចេកវិទ្យាមួយចំនួនទៅឲ្យទីផ្សារប្រទេសចិនដើម្បីធានាឲ្យបាននូវការនាំមុខគេក្នុងឧស្សាហកម្មបន្ទះឈីប និងបច្ចេកវិទ្យារបស់សហរដ្ឋអាមេរិកក្នុងទីផ្សារសកលលោក៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ