សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កំណើនអគារខ្ពស់ៗនៅក្នុងប្រទេសកម្ពុជា ជាពិសេសនៅរាជធានីភ្នំពេញបាន និងកំពុងលេចរូបរាងឡើងជាបន្តបន្ទាប់ក្នុងរយៈពេលជាង១ទសវត្សរ៍ចុងក្រោយនេះ ហើយអគារកំពស់ជិត៨០ជាន់មួយ នឹងលេចរូបរាងឡើងនៅតំបន់បឹងកេងកងកណ្ដាលរាជធានីភ្នំពេញ នៅឆ្នាំ២០២៨ ហើយនឹងក្លាយជាអគារខ្ពស់ជាងគេលំដាប់ទី៨នៅអាស៊ាន ។ អគារនេះ ត្រូវបានបោះទុនវិនិយោគដោយក្រុមហ៊ុនជប៉ុន ក្នុងទំហំទឹកប្រាក់១៥០លានដុល្លារអាមេរិក ដោយបានចាប់ផ្ដើមបុកគ្រឹះសាងសង់រួចហើយកាលពីពេលថ្មីៗនេះ ។
បើតាមលោក តានី ស៊ុនជី ម្ចាស់គម្រោងអគារកំពស់៧៧ជាន់ J-Tower 3 បានថ្លែងឱ្យដឹងថា អគារកំពស់ជាងរហូតដល់៣២០ម៉ែត្រនេះ គឺជាគម្រោង៥របស់ខ្លួននៅក្នុងប្រទេសកម្ពុជា ហើយអគារនេះគឺជាគម្រោងអគារខ្ពស់ជាងគេមួយនៅក្នុងប្រទេសកកម្ពុជានាពេលបច្ចុប្បន្ន ហើយបើប្រៀបធៀបនឹងតំបន់អាស៊ាន អគារមួយនេះឈរនៅលំដាប់លេខរៀងទី៨ ជាអគារដែលមានកំពស់ខ្ពស់ជាងគេ ។
លោកបន្តថា គម្រោងនេះនឹងត្រូវសាងសង់ឱ្យរួចរាល់នៅក្នុងអាណត្តិទី៧នៃរដ្ឋសភា ដូច្នេះក្នុងការដឹកនាំរបស់សម្ដេចធិបតី ហ៊ុន ម៉ាណែត នឹងមានអគារខ្ពស់ជាងគេមួយត្រូវបានសាងសង់ឡើងនៅរាជធានីភ្នំពេញ ហើយបើសម្លឹងទៅមើល១០ឆ្នាំខាងមុខនេះ នឹងមិនអាចដឹងថាតើអគារនេះនឹងនៅរក្សាបានជាអគារខ្ពស់ជាងគេនៅកម្ពុជាឬក៏មានការវិនិយោគលើអគារខ្ពស់ណាផ្សេងទៀតឡើយ ។
នៅក្នុងរបាយការណ៍របស់រដ្ឋបាលសាលារាជធានីភ្នំពេញ បានបង្ហាញឱ្យឃើញថា ក្នុងរាជធានីភ្នំពេញ ចំនួនអគារខ្ពស់ៗដែលមានកម្ពស់ចាប់ពី៥ជាន់ឡើងទៅមានចំនួនរហូតដល់ ១៧៧៧អគារគិតត្រឹមឆ្នាំ ២០២៣នេះ និងកំពុងមានការសាងសង់អគារខ្ពស់ៗបែបនេះជាបន្តបន្ទាប់ទៀត ។
ជាការកត់សម្គាល់ តំបន់ដែលមានការសាងសង់អគារខ្ពស់ៗនៅក្នុងរាជធានីភ្នំពេញ ដូចជានៅតំបន់បឹងកេងកង តំបន់កោះពេជ្រ ក្នុងខណ្ឌ ចំការមន និងតំបន់មួយចំនួនក្នុងខណ្ឌ ជ្រោយចង្វា និងខណ្ឌដូនពេញ ។ តំបន់ទាំងនេះ ក៏ឃើញសថាដីធ្លីមានតម្លៃខ្ពស់ជាងគេ ក្នុងចំណោមតំបន់នានាក្នុងរាជធានីភ្នំពេញ ។
យ៉ាងណាក្ដី នៅក្នុងរយៈពេលប៉ុន្មានឆ្នាំចុងក្រោយនេះ សន្ទុះនៃការអភិវឌ្ឍអគារខ្ពស់ៗ នៅកម្ពុជាហាក់មានសកម្មភាពថមថយបន្តិច ហើយក៏មានគម្រោងអគារមួយចំនួនទៀតត្រូវបានផ្អាកការសាងសង់ដោយសារតែវិបត្តិនៃជំងឺកូវីដ១៩ និងវិបត្តិនៃសេដ្ឋកិច្ចសាកល ។ នៅក្នុងឆ្នាំ២០២៣ គម្រោងអគារដែលបានផ្អាកការសាងសង់ក៏ចាប់ផ្ដើមមានសកម្មភាពសាងសង់ឡើងវិញមួយចំនួន និងមួយចំនួនទៀតនៅបន្តជាប់គាំងដដែល ជាពិសេសនៅក្រុងព្រះសីហនុ ។ រាជរដ្ឋាភិបាលក៏បានស្វះស្វែងរកដៃគូវិនិយោគនានាមកបន្តសាងសង់អគារដែលជាប់គាំងទាំងនោះឱ្យរួចរាល់និងដំណើរការប្រតិបត្តិការ ៕
Account
Security
Favourite Content