សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖កំពង់ផែស្វយ័តភ្នំពេញ ក្នុងរយៈពេល ៨ខែ ឆ្នាំ២០២៤ នេះ ប្រមូលចំណូលដោយមិនទាន់ធ្វើសវនកម្មបានចំនួនសរុបប្រមាណ ជាង ២៧ លានដុល្លារអាម៉េរិក កើនឡើងជាង ១៥ ភាគរយបើធៀបរយៈពេលដូចគ្នាកាលពីឆ្នាំ២០២៣។ នេះបើតាមសេចក្តីប្រកាសព័ត៌មានរបស់កំពង់ផែស្វយ័តភ្នំពេញ។
សេចក្តីប្រកាសពត៌មានដដែលនេះបានឱ្យដឹងថា សម្រាប់ការប្រមូលចំណូលប្រចាំខែសីហា ឆ្នាំ២០២៤ កំពង់ផែស្វយ័តភ្នំពេញអនុវត្តការប្រមូលចំណូលសរុបបានចំនួនជាង ៤ លានដុល្លារអាម៉េរិក កើនឡើង ២៥ ភាគរយបើធៀបទៅនឹងរយៈពេលដូចគ្នាកាលពីឆ្នាំមុន ដោយក្នុងនោះ ការប្រមូលចំណូលពីប្រតិបត្តិការផែបានចំនួន ៣,៨ លានដុល្លារអាម៉េរិក, ចំណូលពីអាជ្ញាធរផែ ជាង ៥៥ ម៉ឺនដុល្លារ និងចំណូលពីសេវាកម្មផ្សេងៗជាង៤ម៉ឺនដុល្លារ។
របាយការណ៍បានបញ្ជាក់ថា ការប្រមូលចំណូលដោយមិនទាន់ធ្វើសវនកម្មរបស់កំពង់ផែស្វយ័តភ្នំពេញនៅក្នុងរយៈ ៨ខែ ឆ្នាំ២០២៤ មានចំនួនសរុបជាង ២៧ លានដុល្លារអាម៉េរិក កើនឡើងជាង ១៥ ភាគរយ ហើយក្នុងនោះការប្រមូលចំណូលពីប្រតិបត្តិការផែ បានចំនួនជាង ២២ លានដុល្លារអាម៉េរិក ចំណូលពីអាជ្ញាធរផែជាង ៣ លានដុល្លារ និងចំណូលពីសេវាកម្មផ្សេងៗជាង៩៦ម៉ឺនដុល្លារ។
គួរបញ្ជាក់ដែរថា សម្រាប់តែខែសីហា ឆ្នាំ២០២៤ កំពង់ផែស្វយ័តភ្នំពេញ ទទួលបានបរិមាណកុងតឺន័រឆ្លងកាត់មានចំនួន ៥៣៨២៥ TEUs កើនប្រមាណ ២៥,៤៦% ធៀបនឹងខែសីហាឆ្នាំ២០២៣។ ចំណែកបរិមាណនាវាដឹកអ្នកដំណើរចូលចតកំពង់ផែស្វយ័តភ្នំពេញនៅខែសីហា មានចំនួន ៤៩គ្រឿង កើន ៣៦ភាគរយ ធៀបនឹងខែសីហា ឆ្នាំ២០២៣៕
Account
Security
Favourite Content