សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ យោងតាមរបាយការណ៍របស់អគ្គនាយកដ្ឋានគយ និងរដ្ឋាករ (GDCE) នៃក្រសួងសេដ្ឋកិច្ច និងហិរញ្ញវត្ថុ បានឱ្យដឹងថា ផលិតផលកម្ពុជាដែលនាំចេញទៅកាន់ទីផ្សារសហរដ្ឋអាមេរិកមានតម្លៃ ៨ ២១៧ ដែល តួលេខនេះមានការកើនឡើងប្រហែល ២៣ ភាគរយបើធៀបនឹងរយៈពេលដូចគ្នាកាលពីឆ្នាំមុន។
របាយការណ៍ បានឱ្យដឹងថា គិតចន្លោះខែមករា ដល់ខែវិច្ឆិកានៃឆ្នាំ២០២២នេះ ប្រទេសកម្ពុជាបាននាំចេញផលិតផល មានតម្លៃទឹកប្រាក់រហូតដល់៨ ២១៧លានដុល្លារ ទៅកាន់សហរដ្ឋអាមេរិក ពោលគឺកើនឡើង២៣ភាគរយបើធៀបនឹងរយៈពេលដូចគ្នាកាលពីឆ្នាំមុន។
ទន្ទឹមនឹងនោះ កម្ពុជាបាននាំចូលផលិតផលពីសហរដ្ឋអាមេរិកតម្លៃ ២៩២,៧ លានដុល្លារអាមេរិក ធ្លាក់ចុះ ៤,៨ ភាគរយពីមួយឆ្នាំកន្លងទៅ។ សហរដ្ឋអាមេរិកនៅតែជាប្រទេសទិញផលិតផលរបស់កម្ពុជាច្រើនជាងគេតាមពីក្រោយដោយប្រទេសវៀតណាម ចិន ជប៉ុន កាណាដា និងអាល្លឺម៉ង់។ ការនាំចេញ ផលិតផល សំខាន់ៗរបស់កម្ពុជា ទៅកាន់សហរដ្ឋអាមេរិកភាគច្រើនជាសម្លៀកបំពាក់ វាយនភណ្ឌ ហើយរួមបញ្ចូលទាំងទំនិញដូចជា ស្បែកជើង កង់ និងគ្រឿងសង្ហារឹម ក្រោមការអនុគ្រោះពន្ធពាណិជ្ជកម្ម ហើយផលិតផលធ្វើដំណើរ និងផលិតផលកសិកម្ម ត្រូវបាននាំចេញ ក្រោមអនុគ្រោះទូទៅពិសេស (GSP)។ ចំណែក ផលិតផលនាំចូល របស់កម្ពុជា រួមមាន ចំណីសត្វ រថយន្ត គ្រឿងចក្រ គ្រឿអគ្គិសនី និងគ្រឿងអេឡិចត្រូនិក។
ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានមានប្រសាសន៍ថា កម្ពុជាបានទទួលផលប្រយោជន៍ជាបណ្តើរៗ ពីប្រព័ន្ធអនុគ្រោះពន្ធទូទៅ របស់សហរដ្ឋអាមេរិក និងបានផ្តល់ការងារបន្ថែមទៀតដល់ប្រជាជនកម្ពុជា។ នៅក្នុងបច្ចុប្បន្នភាពសេដ្ឋកិច្ចកម្ពុជា ធនាគារពិភពលោក បាននិយាយថាការនាំចេញរបស់កម្ពុជាទៅកាន់សហរដ្ឋអាមេរិកមានភាពចម្រុះជាងផលិតផលនាំចេញទៅសហភាពអឺរ៉ុប។ការនាំចេញទំនិញទៅកាន់សហរដ្ឋអាមេរិក ដែលជាទីផ្សារនាំចេញដ៏ធំបំផុតរបស់កម្ពុជា បានបន្តកើនឡើងយ៉ាងខ្លាំង។ទោះបីជាកម្មវិធីប្រព័ន្ធអនុគ្រោះទូទៅរបស់សហរដ្ឋអាមេរិកផុតកំណត់នៅថ្ងៃទី៣១ ខែធ្នូ ឆ្នាំ២០២០ ខណៈដែលការផ្តល់សុពលភាពឡើងវិញកំពុងរង់ចាំការអនុម័តពីសភារបស់សហរដ្ឋអាមេរិក។
សម្រាប់ទីផ្សារសហរដ្ឋអាមេរិក ខណៈដែលការនាំចេញផលិតផល (កាត់ដេរ ទំនិញធ្វើដំណើរ និងស្បែកជើង) នៅតែបន្តដណ្តើមយកចំណែកធំបំផុត ដែលមានចំនួន ៥៩.១ ភាគរយ ធៀបនឹង ៨០.៩ ភាគរយនៅក្នុងទីផ្សារសហភាពអឺរ៉ុប។ទំនិញនាំចេញធំទី២ ទី៣ និងទី៤ ដែលកំណត់សម្រាប់ទីផ្សារសហរដ្ឋអាមេរិកគឺផលិតផលឈើ/គ្រឿងសង្ហារឹម (៥.២ ភាគរយ) គ្រឿងបន្លាស់អគ្គិសនី/រថយន្ត និងខ្សែកាប (៤.៥ ភាគរយ) និងកង់ (៣.៨ ភាគរយ) រៀងគ្នា។
យោងតាមរបាយការណ៍របស់អគ្គនាយកដ្ឋានគយ និងរដ្ឋាករកម្ពុជា(GDCE) បានឱ្យដឹងថា ប្រទេសកម្ពុជាបាននាំចេញទំនិញមានតម្លៃប្រមាណ ២០,៤៥៧ លានដុល្លារទៅកាន់ទីផ្សារពិភពលោកក្នុងរយៈពេល ១១ ខែ នៃឆ្នាំ២០២២ កើនឡើង១៨.១% បើធៀបនឹងរយៈពេលដូចគ្នាកាលពីឆ្នាំមុន។
ទិន្នន័យនេះ បានបង្ហាញថា ចាប់ពីខែមករា ដល់ខែវិច្ឆិកា ឆ្នាំ២០២២ កម្ពុជាបាននាំចេញទំនិញ ទៅកាន់ទីផ្សារគោលដៅសំខាន់ៗ តម្លៃ ២០ ៤៥៧ លានដុល្លារ កើនឡើង ១៨.១% និងនាំចូលមកវិញក្នុងតម្លៃ ២៧ ៧៤៧ លានដុល្លារ កើនឡើង៩,២ ភាគរយធៀបនឹងឆ្នាំមុន៕
Account
Security
Favourite Content