សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពព័ត៌មានពីរ៉យទ័របានរាយការណ៍ថា បញ្ហាបម្រែបម្រួលអាកាសធាតុនឹងជះឥទ្ធិពលយ៉ាងខ្លាំងដល់វិបត្តិមនុស្សធម៌នាឆ្នាំ២០២៣ខាងមុខនេះ ហើយបូករួមទាំងបញ្ហាជម្លោះប្រដាប់អាវុធ និងការធ្លាក់ចុះសេដ្ឋកិច្ចផងនោះ វានឹងអាចធ្វើឲ្យប៉ះពាល់កាន់តែធ្ងន់ធ្ងរពីលើវិបត្តិមួយនេះ។
នៅក្នុងប៉ុន្មានឆ្នាំចុងក្រោយនេះ អត្រានៃតម្រូវការជំនួយមនុស្សធម៌បានកើនឡើងយ៉ាងខ្លាំងរហូតឡើងដល់ ៣៣៩,២ លាននាក់ បើធៀបនឹងកាលពីឆ្នាំ២០១៤ មានត្រឹមតែចំនួន ៨១លាននាក់ប៉ុណ្ណោះ។ គណៈកម្មាធិការសង្គ្រោះអន្តរជាតិនៃអង្គការក្រៅរដ្ឋាភិបាល (IRC) បានកត់សម្គាល់ឃើញថា បញ្ហាបម្រែបម្រួលអាកាសធាតុគឺជាកត្តាសំខាន់ដែលជំរុញល្បឿននៃគ្រោះមហន្តរាយដល់មនុស្សជាតិជាខ្លាំង។ ជាមួយគ្នានេះគេក៏បានរកឃើញថា ប្រទេសចំនួន ២០ កំពុងស្ថិតនៅក្នុងបញ្ជីតាមដានភាពអាសន្ន ដែលក្នុងនោះមានដូចជាប្រទេសហៃទី និងអាហ្វហ្គានីស្ថានជាដើម បើទោះបីជាប្រទេសទាំងនេះរួមចំណែកត្រឹមតែ ២ ភាគរយចំពោះការបំភាយកាបូនលើពិភពលោកក៏ដោយ។
ក្នុងមួយឆ្នាំៗ ប្រទេសទាំងអស់ត្រូវប្រឈមនឹងបញ្ហាគ្រោះធម្មជាតិដូចជា ទឹកជំនន់ ខ្យល់ព្យុះ និងគ្រោះរាំងស្ងួតដែលបង្កមកពីបញ្ហាអាកាសធាតុ។ រដ្ឋាភិបាលគ្រប់ប្រទេសគឺចាំបាច់ត្រូវតាមដានដោយយកចិត្តទុកដាក់ ដោយសារវាបានបង្កជាហានិភ័យហិរញ្ញវត្ថុផងដែរ ពីព្រោះពួកគេត្រូវបញ្ជេញលុយរាប់ពាន់លានដុល្លារ ដើម្បីដោះស្រាយបញ្ហាទាំងនោះ។
នៅក្នុងឆ្នាំ២០២២នេះ មនុស្សជាតិបានរងផលប៉ះពាល់ពីបញ្ហាបម្រែបម្រួលអាកាសធាតុ គឺអាក្រក់ស្រាប់រួចទៅហើយដែលមិនអាចជៀសសរួច។ ជាក់ស្តែង ការធ្លាក់ភ្លៀងក្នុងរយៈពេលយូរបាននាំមកនូវអសន្តិសុខស្បៀងដល់ប្រទេសសូម៉ាលី និងអេត្យូពីជាដើម និងបានសម្លាប់មនុស្សរាប់ពាន់នាក់ក្នុងប្រទេសប៉ាគីស្ថាន។ IRC ក៏បានប្រកាសផងដែរថា ពិភពលោកត្រូវការវិនិយោគយ៉ាងសកម្មបន្ថែមទៀតក្នុងកិច្ចការពារ និងកាត់បន្ថយផលប៉ះពាល់ពីការប្រែប្រួលអាកាសធាតុ ដែលគិតត្រឹមខែខែវិច្ឆិកា ឆ្នាំ២០២២ តម្រូវការផ្នែកជំនួយមនុស្សធម៌ និងការផ្តល់ហិរញ្ញប្បទានបានកើនឡើងដល់ឱនភាពសកលចំនួន ២៧ ពាន់លានដុល្លាររួចទៅហើយ ខណៈដែលពិភពលោកចាំបាច់ត្រូវការទឹកប្រាក់ចំនួន ៣៨៤ ពាន់លានដុល្លារក្នុងមួយឆ្នាំរហូតដល់ឆ្នាំ២០២៥ ដើម្បីវិនិយោគលើការការពារ និងគ្រប់គ្រងប្រព័ន្ធអេកូឡូស៊ីរបស់ពិភពលោក៕
Account
Security
Favourite Content