សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ យោងតាមរបាយការណ៍របស់សហព័ន្ធស្រូវអង្ករកម្ពុជា (CRF) បានឱ្យដឹងថា នៅក្នុងត្រីមាសទី១ ឆ្នាំ២០២៣ កន្លងទៅនេះ ប្រទេសកម្ពុជាបាននាំចេញអង្ករសរុបចំនួនជាង ១៧ម៉ឺនតោន ដោយទទួលបានប្រាក់ចំណូលប្រមាណជាង ១២៦ លានដុល្លារអាមេរិកពីការនាំចេញអង្ករ ដោយចាប់ពីខែមករា ដល់ ខែមីនាឆ្នាំ២០២៣នេះ កម្ពុជាបាននាំចេញអង្ករ ១៧៦ ៥៨១ តោន កើនឡើង ៣.៥ ភាគរយ ពីចំនួន ១៧០ ៥៣៩ តោនក្នុងរយៈពេលដូចគ្នាកាលពីឆ្នាំមុន។
ប្រទេសចិននៅតែជាអ្នកនាំមុខក្នុងការទិញអង្កររបស់កម្ពុជា ដោយបានទិញអង្ករចំនួន ៨៤ ៧៧៣ តោន ឬ ៤៨ ភាគរយនៃការនាំចេញអង្ករសរុបរបស់កម្ពុជានៅក្នុងត្រីមាសទីមួយ ក្នុងនោះអង្ករកម្ពុជាត្រូវបានដឹកជញ្ជូនទៅកាន់ប្រទេស និងតំបន់ចំនួន៤១។ អង្ករដែលកម្ពុជានាំចេញរួមមាន អង្ករក្រអូបលេខ១ អង្ករក្រអូប អង្ករសគ្រាប់វែង អង្ករសម្រូប និងអង្ករសរីរាង្គ។
ឧកញ៉ា ចាន់ សុឃាំង ប្រធានសហព័ន្ធស្រូវអង្ករកម្ពុជា បានកំណត់ទិសដៅនាំចេញអង្ករឱ្យបាន ៧៥០ ០០០ តោននៅឆ្នាំ២០២៣ និង១ លានតោន នៅឆ្នាំ២០២៥ ដោយបានបញ្ជាថាប្រទេសចិនគឺជាទីផ្សារដ៏ធំមួយ។ សហព័ន្ធនឹងបន្តសហការជាមួយក្រសួងពាណិជ្ជកម្មដើម្បីធានាថា ការលក់អង្កររបស់កម្ពុជាប្រចាំឆ្នាំទៅកាន់ប្រទេសចិនបានច្រើនជាងគេចំនួន ៤០០ ០០០តោនក្នុងមួយឆ្នាំ។
ដោយឡែកកាលពីទី២០ ខែមេសា ឆ្នាំ២០២៣កន្លងទៅ ពិធីចុះអនុស្សរណៈយោគយល់មួយ រវាងលោក ឧកញ៉ា ចាន់ សុឃាំង ប្រធានសហព័ន្ធស្រូវអង្ករកម្ពុជាសហព័ន្ធស្រូវអង្ករកម្ពុជា Cambodia Rice Federation – CRF (ស.អ.ក) និង លោកបណ្ឌិត ហោ សេរីវឌ្ឍន៍ ប្រធានក្រុមប្រឹក្សាភិបាល សមាគមវិនិយោគិននវានុវត្តន៍ និងអភិវឌ្ឍន៍ (IDI) ដែលជាការជំរុញការនាំចេញអង្ករកម្ពុជាទៅទីផ្សារក្រៅប្រទេស។
តាមរយៈអនុស្សរណៈយោគយល់នេះ ស្ថាប័នទាំងពីរនឹងសហការ និងគាំទ្រគ្នាទៅវិញទៅមកក្នុងការនាំចេញអង្ករកម្ពុជាទៅទីផ្សារក្រៅប្រទេស តាមរយៈគម្រោងវិនិយោគដែលនឹងផ្តល់យន្តការគាំទ្រហិរញ្ញវត្ថុដល់អ្នកនាំចេញ ។ ក្រៅពីនេះ គូភាគីនឹងសហការផ្លាស់ប្តូរបទពិសោធន៍ ក៏ដូចជាធនធានក្នុងការរៀបចំជំរុញទីផ្សារអង្ករកម្ពុជាផងដែរ។
សូមបញ្ជាក់ថាសហព័ន្ធស្រូវអង្ករកម្ពុជា គឺជាស្ថាប័នឯកជនតែមួយគត់ តំណាងឱ្យវិស័យស្រូវឧស្សាហកម្មស្រូវអង្ករនៅកម្ពុជា ដែលប្រមូលផ្តុំអ្នកពាក់ព័ន្ធទាំងអស់ មកពីអ្នកផលិត អ្នកកិនកែច្នៃ អ្នកនាំចេញ និងអ្នកផ្តល់សេវាពាក់ព័ន្ធ។
CRF ជាស្ថាប័នឯកជនតែមួយគត់ សម្រាប់វិស័យស្រូវអង្ករនៅកម្ពុជា ដែលស្ថិតក្រោមអភិបាលកិច្ចផ្នែកបច្ចេកទេសរបស់ក្រសួងពាណិជ្ជកម្ម និងជាដៃគូរបស់រាជរដ្ឋាភិបាល ចូលរួមរាល់សកម្មភាពរបស់សហគមន៍ស្រូវអង្ករនៃបណ្តាប្រទេសអាស៊ាន ចូលរួមចរចារជាមួយរដ្ឋាភិបាលនៃបណ្តាប្រទេសនាំចូល រៀបចំសន្និសីទតាំងពិព័រណ៌ស្រូវ-អង្ករថ្នាក់ជាតិ និងអន្តរជាតិជាប្រចាំឆ្នាំ ព្រមទាំងចូលរួមក្នុងការងារផលិតពូជស្រូ វសម្រាប់ចែកចាយជូនប្រជាកសិករ។
សូមបញ្ជាក់ថា នៅឆ្នាំ២០២២ កម្ពុជាបាននាំចេញអង្ករជាង ៦៣ម៉ឺនតោន ទៅកាន់ប្រទេសចំនួន៥៩ រកចំណូលបាន ៤១៤លានដុល្លារ ខណៈចំណូលពីការនាំចេញស្រូវមាន ៨៤១លានដុល្លារ៕
Account
Security
Favourite Content