ខ្លីៗពីក្រុមហ៊ុន និងសហគ្រាសចំនួន៣ ដែលត្រូវបានចាត់ទុកជាអាជីវកម្មបរិយាបន្ន

ផ្អែកតាមការផ្សព្វផ្សាយដោយក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានបញ្ជាក់ថា សម្រាប់អាជីវកម្មបរិយាប័ន្ន (Inclusive Business IB) គឺជាបណ្តាញអាជីវកម្មប្រកបដោយលក្ខណៈពិសេសឈរលើគោលការណ៍បែបពាណិជ្ជកម្ម ហើយពោរពេញដោយភាពច្នៃប្រឌិត នវានុវត្តន៍ និងមានចំណូលគួរឱ្យកត់សម្គាល់។ អាជីវកម្មប្រភេទនេះ បានចូលរួមចំណែកយ៉ាងសំខាន់ក្នុងការផ្តល់ដំណោះស្រាយលើការផ្តល់ចំណូល និងលើកកម្ពស់ជីវភាពរបស់បណ្តាប្រជាជនក្រីក្រ និងអ្នកមានចំណូលទាបដែលមានលក្ខណៈជាប្រព័ន្ធ និងចីរភាព។ ខាងក្រោមនេះ ជាក្រុមហ៊ុន និងសហគ្រាសចំនួន៣ ដែលត្រូវបានចាត់ទុកជាអាជីវកម្មបរិយាបន្ន ៖

ទី១- MUCH Mobile Healthcare, Cambodia ទទួលបានជ័យលាភីលេខ ២ ក្នុងកម្មវិធីការប្រកួតប្រជែងអាជីវកម្មបរិយាប័ន្នឆ្នើម និងត្រូវបានចាត់ទុកជាអាជីវកម្មបរិយាបន្ន។ MUCH គឺជាអាជីវកម្មបរិយាប័ន្នដែលផ្តល់សេវាថែទាំសុខភាពតាមផ្ទះប្រកបដោយវិជ្ជាជីវៈក្នុងប្រទេសកម្ពុជា។ MUCH បានប្តេជ្ញាលើកកម្ពស់គុណភាពជីវិតរបស់មនុស្សចាស់ និងជួយដល់ស្ត្រីដែលមានបន្ទុកលើការថែទាំ និងមិនទទួលបានប្រាក់ខែ ខណៈពេលដែលពួកគាត់បានលះបង់មហិច្ឆតា និងការងារក្នុងក្តីស្រមៃរបស់ពួកគេ។ តាមរយៈសេវាកម្មរបស់ខ្លួន MUCH នឹងបណ្តុះបណ្តាលស្ត្រី ដែលភាគច្រើនជាស្ត្រីដែលគ្មានជំនាញ និងរស់នៅតំបន់ជនបទឱ្យចេះពីជំនាញថែទាំ និងផ្តល់ឱកាសការងារដល់ពួកគេដើម្បីក្លាយជាគិលានុបដ្ឋាយិកា ឬអ្នកថែទាំប្រកបដោយវិជ្ឋាជីវៈ។

MUCH បានទទួលទឹកប្រាក់ចំនួន ១៥ ០០០ ដុល្លារអាមេរិក ដើម្បីគាំទ្រអាជីវកម្ម និងរៀបចំសិក្ខាសាលាបណ្តុះបណ្តាលផ្នែកថែទាំដល់ស្ត្រីនៅតាមខេត្តដែលមានបំណងចង់បន្តជំនាញថែទាំនេះ។ ស្ត្រីដែលបានទទួលការបណ្តុះបណ្តាលចំនួន ៣០ នាក់នឹងទទួលបានឱកាសការងារដើម្បីធ្វើការជាអ្នកថែទាំនៅ MUCH ។ អ្នកដែលមិនចង់ក្លាយជាអ្នកថែទាំក៏អាចប្រើចំណេះដឹង និងជំនាញនេះដើម្បីមើលថែទាំសមាជិកគ្រួសារដែលមានវ័យចំណាស់ផងដែរ។

ទី២- សហគ្រាសឥដ្ឋបរិស្ថាន ម៉ាយឌ្រីមហូម ត្រូវបានទទួលស្គាល់ថាជាអាជីវកម្មបរិយាបន្នមួយដែលបានដោះស្រាយបញ្ហាកង្វះខាតលំនៅដ្ឋានក្នុងប្រទេសកម្ពុជា ដោយផ្តល់ឲ្យនូវឥដ្ឋបរិស្ថានដែលងាយស្រួលក្នុងការសាងសង់។ ជាមួយនឹងការកើនឡើងនូវតម្លៃសម្ភារៈសំណង់ ដូចជា ខ្សាច់ និងស៊ីម៉ង់ត៍ជាដើម។ សហគ្រាសនេះ នៅតែបន្តផ្ដល់នូវប្រាក់ខែសមរម្យ និងលក្ខខណ្ឌការងារល្អសម្រាប់បុគ្គលិក។ សហគ្រាសមួយនេះកំពុងផលិតផលិតផលថ្មី ក្នុងនោះរួមមានក្បឿងដំបូលបរិស្ថានដែលផលិតពីកាកសំណល់ប្លាស្ទិច ខ្សាច់ និងសារធាតុពណ៌ផ្សេងៗ។ សហគ្រាសឥដ្ឋបរិស្ថាន ម៉ាយឌ្រីមហូម បានទទួលការគាំទ្រពីគម្រោង PRISME ក្នុងការអភិវឌ្ឍសមត្ថភាពរបស់ពួកគេ ការទទួលបានការណែនាំពីអ្នកជំនាញ ការបង្កើតគម្រោងហិរញ្ញវត្ថុនិងធុរកិច្ចផ្សេងៗ រួមទាំងការភ្ជាប់ទំនាក់ទំនងជាមួយវិនិយោគិនបរទេស និងភាគីពាក់ព័ន្ធផ្សេងៗដែលមានសក្តានុពលសម្រាប់ការពង្រីកអាជីវកម្មរបស់ពួកគេ។

ទី៣ – សហគ្រាសផ្គត់ផ្គង់ទឹកសូទ្រនិគម (WSSN) គឺជាអាជីវកម្មបរិយាបន្នមួយនៅក្នុងប្រទេសកម្ពុជាដែលមានឯកទេសក្នុងការប្រមូល សម្អាត និងចែកចាយទឹកស្អាតនៅតាមតំបន់ជនបទ។ ទឹកស្អាតគឺចាំបាច់ណាស់សម្រាប់ជីវិត ហើយតាមរយៈសេវាកម្មរបស់ WSSN ប្រជាជន និងអាជីវកម្មនៅក្នុងតំបន់នោះបានរាយការណ៍ថា មានភាពប្រសើរឡើងនៃសុខុមាលភាព និងអនាម័យ។

សូមជម្រាបដែរថា AMS Economy នឹងបន្តផ្សព្វផ្សាយពីឈ្មោះក្រុមហ៊ុន សហគ្រាស និងអាជីវកម្មដែលត្រូវបានចាត់ជាអាជីវកម្មបរិយាបន្នជាបន្តបន្ទាប់ទៀត ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្តេចធិបតី ៖ ការគ្រប់គ្រងធនធានទឹកបានកាន់តែល្អ អាចជួយដល់ការអភិវឌ្ឍសង្គម និងសេដ្ឋកិច្ច

ព្រឹត្តិការណ៍, សេដ្ឋកិច្ច

• 11/04/2024

ទឹកគឺជាធនធានដ៏មានសារៈសំខាន់សម្រាប់ការអភិវឌ្ឍសង្គម និងសេដ្ឋកិច្ច ហើយការប្រើប្រាស់ធន​ធានទឹកប្រកបដោយប្រសិទ្ធភាព និងស័ក្ដិសិទ្ធិភាព គឺពិតជារបៀបវារៈសំខាន់ខ្លាំងបំផុត។

ស្លឹកទ្រាំង មានប្រយោជន៍ច្រើន និងធ្វើកាបូបបានស្អាតប្លែក និងប្រើបានយូរ

ជំនួញ, ព្រឹត្តិការណ៍

• 11/04/2024

ទ្រាំង ជាដំណាំមួយប្រភេទដែលមានអត្ថប្រយោជន៍ច្រើន សូម្បីស្លឹកក៏អាចយកទៅវិញកែច្នៃជាសម្ភារប្រើប្រាស់ ជាពិសេសធ្វើជាការបូបដ៏មានសោភ័ណភាពស្រស់ស្អាត។

វិស័យកម្មន្តសាល និងការងើបឡើងវិញ ជួយជំរុញកំណើនសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 11/04/2024

ADB ព្យាករថាសេដ្ឋកិច្ចកម្ពុជានឹងកើនឡើងក្នុងអត្រា ៥,៨% ក្នុងឆ្នាំ២០២៤និង៦,០%ក្នុងឆ្នាំ២០២៥ ដោយសារកំណើនក្នុងវិស័យកម្មន្តសាល និង វិស័យទេសចរណ៍ ។

ភាពរីកចម្រើននៃប្រព័ន្ធធនាគារនៅកម្ពុជាបង្ហាញយ៉ាងច្បាស់នូវជំនឿទុកចិត្តរបស់សាធារណជន និងវិនិយោគិនមកលើវិស័យនេះ

ព្រឹត្តិការណ៍, ហិរញ្ញវត្ថុ

• 11/04/2024

ក្នុងរយៈពេល ៣០ឆ្នាំនេះ ប្រព័ន្ធធនាគារនៅកម្ពុជារក្សាបានភាពរីកចម្រើឥតឈប់ឈរ ដោយបន្តរក្សាបាននូវភាពធន់ និងបោះជំហានទៅមុខជាលំដាប់ ក្នុងការរួមចំណែកជំរុញសកម្មភាពសេដ្ឋកិច្ច

តម្លៃប្រេងឡើងថ្លៃ ១​ ដុល្លារបន្ថែមក្នុងមួយបារ៉ែល បន្ទាប់ពីមានការវាយប្រហារនៅតំបន់ហ្គហ្សា

ព្រឹត្តិការណ៍, សេដ្ឋកិច្ច

• 11/04/2024

តម្លៃប្រេងឆៅម៉ាក Brent ឡើងថ្លៃ ១,២ ភាគរយ ឬ ៩០,៤៨ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ១,២ ភាគរយ ឬ ៨៦,២១ ដុល្លារក្នុងមួយបារ៉ែល

កម្ពុជា និងតំបន់ឈូងសមុទ្រពិសេស ចុះអនុស្សរណៈនៃការយោគយល់គ្នាជំរុញកិច្ចសហប្រតិបត្តិការសេដ្ឋកិច្ច

ព្រឹត្តិការណ៍, សេដ្ឋកិច្ច

• 11/04/2024

ក្រសួងឧស្សាហកម្ម វិទ្យាសាស្ត្រ បច្ចេកវិទ្យានិងនវានុវត្តន៍និងតំបន់ឈូងសមុទ្រពិសេសចុះអនុស្សរណៈយោគយល់គ្នាជំរុញកិច្ចសហប្រតិបត្តិការសេដ្ឋកិច្ច

តួកគីកំពុងមានជម្លោះពាណិជ្ជកម្មជាមួយនឹងអ៊ីស្រាអែល ទាក់ទងទៅនឹងសង្រ្គាមនៅតំបន់ហ្គាហ្សា

ព្រឹត្តិការណ៍, សេដ្ឋកិច្ច

• 11/04/2024

ទីក្រុងអង់ការ៉ាបានដាក់ការរឹតបន្តឹងលើពាណិជ្ជកម្មសម្រាប់ការនាំចេញផលិតផល ៥៤​ ប្រភេទទៅកាន់អ៊ីស្រាអែល ​បន្ទាប់​ពី​រដ្ឋាភិបាល​អ៊ីស្រាអែល​បដិសេធ​មិន​អនុញ្ញាត​ឲ្យ​ជំនួយ​តួកគី​ទម្លាក់​ចូល​ក្នុង​តំបន់​ហ្គាហ្សា

សម្ដេច​ធិបតី ៖ គម្រោង​ព្រែកជីកហ្វូណន​តេជោ​ ជីកថ្មីតែ​៧គីឡូម៉ែត្រ​ប៉ុណ្ណោះ

ព្រឹត្តិការណ៍, អចលនទ្រព្យ

• 11/04/2024

គម្រោងព្រែកជីកហ្វូណនតេជោ​​ គ្រោង​នឹង​បើក​ការដ្ឋាន​នៅ​ពាក់​កណ្ដាល​ឆ្នាំ ២០២៤​នេះ ហើយគម្រោងនេះ មានប្រវែង​ប្រមាណ១៨០គ.ម ប៉ុន្តែជីក​ថ្មីតែ៧គ.មប៉ុណ្ណោះ

សម្តេចធិបតី ៖ តម្លៃទីផ្សារកសិផលប្រែប្រួលមិនទៀងទាត់ ខណៈរាជរដ្ឋាភិបាលប្រឹងប្រែងរក្សាលំនឹងទីផ្សារ​

ព្រឹត្តិការណ៍, សេដ្ឋកិច្ច

• 11/04/2024

សម្តេចធិបតីបានគូសបញ្ជាក់ថា វិស័យកសិកម្មនៅតែដើរតួនាទីយ៉ាងសំខាន់ក្នុងសេដ្ឋកិច្ចកម្ពុជា ហេតុនេះហើយរាជរដ្ឋាភិបាលនៅតែបន្តយកចិត្តទុកដាក់ជំរុញ និងលើកកម្ពស់

ចង្ក្រានបរិស្ថាន ៖ ជួយពលរដ្ឋជាច្រើនគ្រួសារឱ្យសន្សំសំចៃថវិកាបានច្រើនជាងមុន

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 11/04/2024

តាមរយៈចង្ក្រាននេះ គេអាចប្រើអុសតិចជាងមុន អាចតម្លើង ឬបន្ថយកម្ដៅបាន និងអាចកាត់បន្ថយផ្សែងរហូតទៅដល់ ៩៥% ដែលជាការគិតគូដល់សុខមាលភាពអ្នកប្រើប្រាស់