សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ក្រុមហ៊ុនអាជីវកម្មផលិតកាហ្វេដ៏ល្បីមួយរបស់ប្រទេសថៃដែលមានឈ្មោះថា Doi Kham គឺជាក្រុមហ៊ុនដែលមានប្រវត្តិជាច្រើនទសវត្សរ៍មកហើយ ពោលគឺចាប់តាំងតែពីឆ្នាំ១៩៦៤នៅពេលដែលអតីតស្តេចថៃ King Bhumibol Adulyadej បានយាងទៅទស្សនកិច្ចនៅខេត្តឈៀងម៉ៃ។
ដោយទតឃើញនូវភាពលំបាកនៃក្រុមពលរដ្ឋនៅតាមជនបទ ជាពិសេសតំបន់ភ្នំដែលស្ថិតនៅភាគខាងជើងនៃប្រទេសដែលសំបូរភាគច្រើនដោយជនជាតិភាគតិចនោះ ព្រះអង្គក៏បានចេញបញ្ជាឲ្យមានការរៀបចំអាជីវកម្មថ្មីបញ្ចូលទៅកាន់តំបន់នោះជំនួសឲ្យការងារដាំអាភៀនរបស់ក្រុមពលរដ្ឋក្រីក្រទាំងនោះ។
ពាក្យថា Doi Kham ដែលបានមកពីពាក្យ Doi បូកនឹង Kam ហើយក្នុងនោះ Doi ជាភាសាថៃគឺកូនភ្នំតូចៗចំណែកឯពាក្យថា Khamគឺមានន័យថា ជាដុំមាស។ បច្ចុប្បន្នក្រុមហ៊ុន Doi Kam កំពុងតែដំណើរកទៅលើការផលិតភេសជ្ជៈជាច្រើនផ្សេងទៀតក្រៅតែពីកាហ្វេដែលមានទាំងទឹកផ្លែឈើព្រមទាំងដំណាប់ផ្លែឈើគ្រប់ប្រភេទផង។
ចំពោះកិច្ចការងារសង្គម ច្បាស់ណាស់ Doi Kham បានជួយគាំទ្រដល់ក្រុមពលរដ្ឋកុលសម្ព័ន្ធជាច្រើនរយពាន់គ្រួសារតាមរយៈការទទួលទិញគ្រាប់កាហ្វេដែលមានគុណភាពខ្ពស់ដោយផ្ទាល់ពីសហគមន៍ទាំងនេះ ហើយផ្តល់ទៅវិញជាមួយនឹងនូវតម្លៃដ៏សមរម្យ និងការបណ្តុះបណ្តាលស្តីពីការអនុវត្តកសិកម្មប្រកបដោយនិរន្តរភាព។ បន្ទាប់មក Doi Kham ធ្វើដំណើរការ និងទីផ្សារកាហ្វេ ដោយធានានូវអត្ថប្រយោជន៍សេដ្ឋកិច្ចទៅដល់សហគមន៍កុលសម្ព័ន្ធវិញ។
ក្រៅពីនោះគម្រោង Royal Project Foundation នៃក្រុមហ៊ុន Doi Kham ដែលពេលនេះកំពុងប្រតិបត្តិការនូវស្ថានីយស្រាវជ្រាវចំនួន៤កន្លែង និងមជ្ឈមណ្ឌលអភិវឌ្ឍដល់ទៅ៣៥កន្លែងនៅទូទាំងតំបន់ជាមួយនឹងក្រុមអ្នកភូមិជនជាតិភាគតិច និងជនជាតិថៃសរុប ១៤១០៩គ្រួសារ ឬស្មើនឹង ៨៥០០០នាក់ដែលសុទ្ធសឹងជាពលរដ្ឋមានជីវភាពក្រីក្រ។
ក្រៅពីជួយផ្តល់អត្ថប្រយោជន៍ជាច្រើនដល់ពលរដ្ឋក្រីក្រនៅតំបន់ភាគខាងជើងប្រទេសហើយនោះ Doi Kham ក៏បានផ្តល់ការងារពេញម៉ោងដលពលរដ្ឋថៃជាច្រើនរយនាក់ផងដែរដើម្បីធានាឲ្យបាននូវប្រាក់ចំណេញដែលមានចន្លោះពី ២ទៅ ២,៥ពាន់លានបាតជារៀងរាល់ឆ្នាំ។
គួរឲ្យដឹងដែរថា ធុរកិច្ចបរិយាប័ន្ន គឺជាអាជីវកម្មឈរលើគោលការណ៍ធុរកិច្ច សំដៅទៅលើអង្គភាពទាំងឡាយណាដែលបង្កើតដំណោះស្រាយជាប្រព័ន្ធ មានភាពច្នៃប្រតិដ្ឋ និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈមពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប (BoP និង B40)។ បន្ទាត់អាជីវកម្មបរិយាប័ន្ន ត្រូវបានបង្កើតឡើងក្នុងគោលបំណងផ្តល់ប្រាក់ចំណូលខ្ពស់គួរសម និងបង្កើននូវស្តង់ដារជីវភាពរស់នៅប្រសើរជាងមុនដល់ក្រុមមនុស្សដែលមានចំណូលទាបនៅបាតពីរ៉ាមីត ៤០% និងក្រុមមនុស្សដែលងាយរងគ្រោះ៕
Account
Security
Favourite Content