សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ដើមឆ្នាំ២០២២នេះ កម្ពុជាទទួលបានកិច្ចព្រមព្រៀងពាណិជ្ជកម្មសេរីចំនួនពីរដែលចូលជាធរមានតាំងពីថ្ងៃទី១ ខែមករា ឆ្នាំ២០២២ ប៉ុន្តែមកដល់ពេលនេះកិច្ចព្រមព្រៀងពាណិជ្ជកម្មសេរីទាំងពីរនេះ មិនទាន់ហុចផលជាផ្លែផ្កាធំប៉ុន្មាននោះឡើយ ខណៈដែលរដ្ឋមន្ត្រីក្រសួងពាណិជ្ជកម្មបានបញ្ជាក់ឱ្យដឹងថា មានឧបសគ្គចំនួន២ដែលធ្វើឱ្យរារាំងដល់ការនាំចេញរបស់កម្ពុជាតាមរយៈកិច្ចព្រមព្រៀងពាណិជ្ជកម្មសេរីនេះ ។
ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្មកម្ពុជាបានថ្លែងប្រាប់អ្នកសារព័ត៌មាននៅក្នុងសិក្ខាសាលាផ្សព្វផ្សាយពីការយល់ដឹងអំពីកិច្ចព្រមព្រៀងអាសិប និងនីតិវិធីសម្រាប់ការស្នើសុំវិញ្ញាបនបត្របញ្ជាក់ដើមកំណើតទំនិញតាមរយៈប្រព័ន្ធស្វ័យប្រវត្តិកម្មនៅថ្ងៃទី២៩ មិថុនា ២០២២ ថា ទំហំនៃការនាំចេញរបស់កម្ពុជាតាមរយៈកិច្ចព្រមព្រៀងពាណិជ្ជកម្មសេរីពីរដែលចូលជាធរមានកាលពីដើមឆ្នាំ២០២២នេះ មិនទាន់មានច្រើនប៉ុន្មានទេ ដោយសារតែមិនទាន់បានយល់ដឹងពីនីតិវិធីសម្រាប់បញ្ជាក់ប្រភពដើមកំណើតទំនិញ ដូច្នេះហើយទើបក្រសួងបានរៀបចំនូវការផ្សព្វផ្សាយនេះឡើងនិងគ្រោងធ្វើការផ្សព្វផ្សាយជាបន្តបន្ទាប់ទៀតដើម្បីបញ្ជ្រាបចំណេះដឹងដល់អ្នកនាំចេញ ។
ឯកឧត្តមបានបញ្ជាក់ថា ៖
“បញ្ហាធំៗមានពីរដែលនាំឱ្យការរារាំងដល់ការនាំចេញទំនិញរបស់កម្ពុជាទៅកាន់ដៃគូកិច្ចព្រមព្រៀងពាណិជ្ជកម្មសេរីនោះ គឺបញ្ហាកូវីដ១៩ និងបញ្ហាសង្គ្រាមរវាងរុស្ស៊ី និងអ៊ុយក្រែន ប៉ុន្តែអ្នកវិភាគមួយចំនួនគាត់ភ្លេចគិតត្រង់ចំណុចនេះ ទើបគាត់ចង់ឃើញតួលេខនាំចេញបានខ្ពស់ហើយបើសិនជាគ្មានបញ្ហាពីរនេះទេ នឹងធ្វើឱ្យទីផ្សារសេរីរបស់យើងនឹងរលូន”
ឯកឧត្តមបន្តថា ៖
“ក្នុងឆ្នាំ២០២២នេះ មានទាំងកូវីដ១៩ផង និងវិបត្តិសង្គ្រាមរវាងរុស្ស៊ី និងអ៊ុយក្រែនផង និងបានធ្វើឱ្យតម្លៃ ប្រេងឥន្ធនៈហក់ឡើងខ្ពស់ ជួបឧបសក្គដល់ការដឹកជញ្ជូនទំនិញពីកម្ពុជាទៅទីផ្សារអន្តរជាតិនិងដឹកពីខាងក្រៅចូលប្រទេសវិញ”
សូមបញ្ជាក់ថា កិច្ចព្រមព្រៀងអាសិប មានសមាជិកចំនួន១៥ប្រទេស ក្នុងនោះមានប្រទេសអាស៊ានទាំង១០ បូករួមជាមួយប្រទេសសេដ្ឋកិច្ចជឿនលឿនចំនួន៥ទៀតរួមមាន អូស្ត្រាលី ចិន ជប៉ុន កូរ៉េខាងត្បូង និងនូវែលហ្សេឡង់ ដែលតំណាងឱ្យ៣០ភាគរយនៃផលិតផលក្នុងស្រុកសរុបរបស់ពិភពលោក និង២៨ភាគរយនៃពាណិជ្ជកម្មពិភពលោក ( គិតត្រឹមឆ្នាំ២០១៩ ) ។ ដោយឡែកអត្ថប្រយោជន៍ ដែលកម្ពុជាទទួលបានពីកិច្ចព្រមព្រៀងនេះ គឺកំណើននាំចេញចន្លោះពី៩,៤ភាគរយទៅ១៨ភាគរយ កំណើនផលិតផលក្នុងស្រុកសរុបចន្លោះពី២ភាគរយទៅ៣,៨ភាគរយ កំណើនការងារពី ៣,២ទៅ៦,២ភាគរយ និងកំណើនចំណូលពន្ធចន្លោះពី ២ភាគរយទៅ ៣,៩ភាគរយ ។ នេះបើតាមការព្យាករពីវិទ្យាស្ថានស្រាវជ្រាវសេដ្ឋកិច្ចសម្រាប់តំបន់អាស៊ាន និងអាស៊ីបូព៌ា៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី ទទួលបានការចុះបញ្ជីលក់សញ្ញាបណ្ណចីរភាពនៅផ្សារមូលបត្រកម្ពុជាជាផ្លូវការ
ព្រឹត្តិការណ៍, អត្ថបទពាណិជ្ជកម្ម
• 11/09/2026
ភ្នំពេញ ៖ នាព្រឹកថ្ងៃព្រហស្បតិ៍ ១៣រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែកញ្ញា ឆ្នាំ២០២៦ ផ្សារមូលបត្រកម្ពុជា បានប្រារព្ធ “ពិធីចុះបញ្ជីលក់សញ្ញាបណ្ណចីរភាពជាផ្លូវការរបស់គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី”ក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណិ្ឌតសភាចារ្យ ហ៊ាន សាហ៊ីប
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
វៀតណាម និងរុស្ស៊ី ដាក់គោលដៅបង្កើនពាណិជ្ជកម្មទ្វេភាគីដល់ ១៥ ពាន់លានដុល្លារ
មេដឹកនាំរុស្ស៊ី ចិន និងអ៊ីរ៉ង់ ត្រៀមជួបជុំគ្នាក្នុងកិច្ចប្រជុំកំពូល SCO ដើម្បីទប់ទល់ឥទ្ធិពលលោកខាងលិច
Account
Security
Favourite Content