សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ និងក្រុមសហគមន៍អឺរ៉ុប នាថ្ងៃទី២៨ ខែវិច្ឆិកា ឆ្នាំ២០២៤កន្លងទៅ បានអញ្ជើញចុះត្រួតពិនិត្យក្រុមហ៊ុនមីរ៉ាត់ អាហ្គ្រីថេក ឯ.ក របស់ជប៉ុន ទៅលើការកែច្នៃគ្រាប់ស្វាយចន្ទីនៅស្រុកកំពង់ស្វាយ ខេត្តកំពង់ធំ។
នៅក្នុងដំណើរនោះ ឯកឧត្តមរដ្ឋមន្ដ្រី និងគណៈប្រតិភូអឺរ៉ុប បានចុះត្រួតពិនិត្យនិតិវិធីការផលិតគ្រាប់ស្វាយចន្ទី ការលាងសម្អាត ការកែច្នៃ រហូតដល់ការវេចខ្ចប់នាំចេញទៅទីផ្សារ ដែលគ្រប់ដំណាក់កាលគឺធ្វើឡើងប្រកបទៅដោយអនាម័យខ្ពស់ រសជាតិឆ្ងាញ់ មានគ្រាប់ធំ និងមានគុណភាពល្អ។
ជាមួយនឹងបច្ចេកវិទ្យាស្តង់ដារនេះ ក្រុមហ៊ុន MIRARTH Agri Tech ក៏បាននាំចេញគ្រាប់ស្វាយចន្ទីកែច្នៃរួចទៅសហគមន៍អឺរ៉ុបជាលើកដំបូង ចំនួន២៥០តោន ដែលតាមតម្លៃប៉ាន់ស្មានគឺប្រមាណជាង២០០លានដុល្លារអាមេរិក ក្នុងរដូវកាលនេះ។
លោក ខេនថារ៉ូ តានិគូជី (Kentaro Taniguchi) ប្រធានក្រុមហ៊ុនមីរ៉ាត់ (MIRARTH) បានមានប្រសាសន៍ថា៖ ការនាំចេញចន្ទី ទៅអឺរ៉ុបនេះបានបង្ហាញថាស្វាយចន្ទីដែលផលិតនៅរោងចក្រនៅ ខេត្តកំពង់ធំនេះ មានគុណភាពស្តង់ដារអន្តរជាតិ ហើយការបើករោងចក្រកែច្នៃចន្ទីនៅកម្ពុជានេះ អាចបង្កើតការងារថ្មី និងកាត់បន្ថយចំណាកស្រុករបស់ប្រជាពលរដ្ឋទៅធ្វើការនៅបរទេស។
លោកប្រធានក្រុមហ៊ុន បានឱ្យដឹងទៀតថា៖ «ក្រុមហ៊ុនមានផែនការបន្ថែមសមត្ថភាពផលិតឱ្យបាន៣,០០០ តោន ហើយសាងសង់រោងចក្រធំមួយដែលអាចមានលទ្ធភាពផលិតចន្ទី ២០,០០០ តោនក្នុងរយៈពេល ៣ ឆ្នាំខាងមុខ និងថែមទាំងកំពុងសិក្សាដំណើរការប្រើប្រាស់សំបកស្វាយចន្ទីសម្រាប់បង្កើតថាមពលបៃតងទៀតផង។»
ជាមួយគ្នានេះ ឯកឧត្តម តូច ប៊ុនហួរ រដ្ឋលេខាធិការក្រសួងកសិកម្ម រុក្ខាប្រមាញ់និងនេសាទ បានឱ្យដឹងដែរថា ផ្ទៃដីដាំដុះដំណាំស្វាយចន្ទីទូទាំងប្រទេសមានប្រមាណ៥៨ម៉ឺនហិកតា តែពីរឬ៣ឆ្នាំទៀតអាចនឹងកើនឡើងជាង៦០ម៉ឺនហិកតា។ទទួលផលក្នុងឆ្នាំ២០២៤ មានចំនួន៨៧ម៉ឺនតោន ក្នុងនោះ៨៥ភាគរយបាននាំចេញប្រទេសវៀតណាម នៅសល់ជាង១០ភាគរយកែច្នៃនៅក្នុងស្រុកនិងមួយចំនួនទៀតនាំគ្រាប់ឆៅទៅកាន់ប្រទេសឥណ្ឌា ម៉ាឡេស៊ី ថៃ និងបង់ក្លាដែស៕
Account
Security
Favourite Content