ក្រុមហ៊ុន​ជាង​២០​០មកពីប្រទេស​ជាង​១០​ បង្ហាញ​ម៉ាកយីហោ​ក្នុង​ព្រឹត្តិការណ៍​ពិព័រណ៍ពាណិជ្ជកម្ម​ដ៏ធំ​នៅរាជធានីភ្នំពេញ

ភ្នំពេញ ៖ ក្រុមហ៊ុនប្រមាណជាង​២០០​ក្រុមហ៊ុន មកពីប្រទេស​ជាង​១០​ បានបង្ហាញម៉ាកយី​ហោ​របស់ខ្លួននៅក្នុងព្រឹត្តិការណ៍ពិព័រណ៍​អន្តរជាតិដ៏ធំមួយ​នៅក្នុងរាជធានីភ្នំពេញ រយៈពេល​ ៣ថ្ងៃ ចាប់ពីថ្ងៃទី១៧ ដល់​ថ្ងៃទី​១៩ ខែកញ្ញា ឆ្នាំ២០២៥ ។​

ពិព័រណ៍នេះ ក៏មានការ​គាំទ្រពី​ក្រសួងពាណិជ្ជកម្ម ក្រសួង​កសិកម្ម​ រុក្ខា​ប្រមាញ់​ និងនេសាទ ​ក្រសួងសុខាភិបាល សភាពាណិជ្ជកម្ម​កម្ពុជា សម្ព័ន្ធសហគមន៍​កសិកម្មកម្ពុជា សមាគម​សហព័ន្ធកសិករ​កម្ពុជា​នៃអ្នកផលិ​ត​កសិកម្ម សមាគមអ្នកចិញ្ចឹមត្រីកម្ពុជា សមាគមអ្នកចិញ្ចឹមស​ត្វ​កម្ពុជា សមាគមពាណិជ្ជកម្មកម្ពុជា និងសមាគមបណ្ដាញកសិករ​តេជោ​ ។ ក្រៅពីនេះ ក៏មានការគាំទ្រពីសមាគមចិញ្ចឹមសត្វ របស់វៀតណាម សមាគមជីវៀតណាម (FAV) សមាគមថ្នាំសត្វល្បាយវៀតណាម (VIPA) សមាគមពេទ្យកែសម្ផស្ស និងឡេសឺរកម្ពុជា (CAMLA) សមាគមស្ប៉ា និងសុខភាពកម្ពុជា (CSWA) សមាគមអភិវឌ្ឍវិទ្យាសាស្ត្រមន្ទីរពិសោធន៍ (AMLD) សមាគមឧបករណ៍វេជ្ជសាស្ត្រទីក្រុងហូជីមិញ (HMEA) និងសហព័ន្ធម្រេច និងគ្រឿងទេសកម្ពុជា (CPSF)។ បន្ថែមពីនេះ ក៏មានការចូលរួមគាំទ្រពីស្ថាប័នឯកទេសផ្សេងៗ និងសមាគមជាច្រើនទៀតផងដែរ។

នៅក្នុងឱកាស​នៃការ​បើកសម្ពោធពិព័រណ៍នោះ លោក ​វីន នី ប្រធានគណៈកម្មការរៀបចំពិព័រណ៍ និងជានាយក​ក្រុមហ៊ុន VEAS បានឱ្យដឹងថា ព្រឹត្តិការណ៍​ពាណិជ្ជកម្ម​អន្តរជាតិមួយនេះ នឹង​ជួយផ្សារ​ភ្ជាប់​រវាង​អ្នកផលិត​មកពីតំបន់​ផ្សេងៗទៅកាន់​អ្នក​ប្រើប្រាស់​នៅកម្ពុជា ហើយវាក៏បានជួយដល់​វិស័យកសិកម្ម ចិញ្ចឹមសត្វ សុខាភិបាល នៅកម្ពុជា​បានមួយកម្រិតផងដែរ តាមរយៈការ​នាំយក​បច្ចេកវិទ្យា​ថ្មីៗបន្ថែម​មកកាន់ទីផ្សារ​នៃប្រទេស​កម្ពុជា ។​

លោកបានបង្ហាញពីក្ដី​រំពឹងថា ស៊េរីពិព័រណ៍ពាណិជ្ជកម្មដីធំនេះ រំពឹងទទួលបានភ្ញៀវជាពាណិជ្ជកម្មជាង ៣០០០ នាក់ ពីទូទាំងប្រទេសកម្ពុជា និងប្រទេសក្នុងតំបន់ ហើយកម្មវិធីនេះក៏នឹងក្លាយជាវេទិកាពាណិជ្ជកម្មដ៏ពិសេសសម្រាប់សហគ្រាសកម្ពុជា ក្នុងការអភិវឌ្ឍអាជីវកម្ម និងបណ្តាញអន្តរជាតិរបស់ខ្លួន ។

លោកបណ្ឌិត​ តាន់ មុនីវណ្ណ អនុប្រធាន​សភាពាណិជ្ជកម្មកម្ពុជា បានថ្លែងថា ​ការ​តាំងពិព័រណ៍​នាពេលនេះ គឺរៀបចំឡើង​ស្របតាមការ​អភិវឌ្ឍសេដ្ឋកិច្ច​សង្គម​ដ៏សកម្មរបស់​កម្ពុជា នៅលើវិស័យកសិកម្ម​ ដែលជា​ឆ្អឹង​ខ្នង​សំខាន់នៃសេដ្ឋកិច្ចជាតិ ជាមួយ​នឹង​ការ​រីក​ចម្រើន​លើ​ផលិតផល​គ្រឿង​សម្អាង ឱសថស្ថាន មន្ទីរពិសោធន៍ ឧបករណ៍វេជ្ជសាស្ត្រ​ ចំណីអាហារ និងភេសជ្ជៈ ព្រមទាំងវិស័យ​សត្វ​ចិញ្ចឹម​នៅកម្ពុជា​ ដែលកំពុង​មានការរីក​ចម្រើនគួរឱ្យកត់សម្គាល់​ផងដែរ ។​

លោក​បណ្ឌិត​ក៏បានអំពាវនាវ​ដល់​អ្នកចូលរួមជាតិ និងអន្តរជាតិ ក៏ដូចជាអ្នកពាក់ព័ន្ធទាំងអស់​ ដូចជា​ម្ចាស់អាជីវកម្ម អ្នកវិនិយោគ​ និងអ្នកច្នៃប្រឌិត ចូរចាប់យកឱកាស​ដ៏សំខាន់​ពីពិព័រណ៍មួយ​នេះ ហើយនេះក៏ជា​ឱកាស​ដើម្បីបង្កើន​កិច្ច​សហប្រតិបត្តិការ​​ និងចែករំលែក​ចំណេះដឹង ដើម្បីពង្រីក​ខ្លួន​កាន់តែល្អប្រសើរ​នាពេលនេះ ​និងអនាគត​ ។

ឯកឧត្តម​ វ៉ា រុតសាន រដ្ឋលេខាធិការ​ក្រសួង​ពាណិជ្ជកម្ម​ បានមានប្រសាសន៍ដែរថា ការ​រៀបចំព្រឹត្តិការណ៍ពិព័រណ៍​នៅពេលនេះ នឹងក្លាយជា​សក្ខីភាព ​និងការ​រួម​ចំណែកយ៉ាង​សំខាន់​ក្នុងការពង្រឹង​សកម្មភាពពាណិជ្ជកម្ម​ នៅក្នុងប្រទេស​កម្ពុជា ។ សម្រាប់ព្រឹត្តិការណ៍នេះ​ ពិតមានសារសំខាន់ខ្លាំង​ណាស់ ជាពិសេស​ ការជំរុញ​សកម្មភាពសេដ្ឋកិច្ច ពាណិជ្ជកម្ម​ ការ​វិនិយោគរវាងប្រទេស​កម្ពុជា​ និងបណ្ដា​ប្រទេស​នានា​ដែលបានចូលរួមក្នុងថ្ងៃនេះ ៕




របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា ២០២៦ CAMESCO26 ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា

ព្រឹត្តិការណ៍, អត្ថបទពាណិជ្ជកម្ម

• 21/11/2026

ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា រាជធានីភ្នំពេញ ៖ សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា២០២៦ (CAMESCO26) បានប្រព្រឹត្តទៅនៅ សណ្ឋាគារ Shangri-La ភ្នំពេញ ដោយមានអ្នកចូលរួមប្រមាណ ៣០០ នាក់ តំណាងឱ្យស្ថាប័ន និងអង្គការចំនួន ២៤០។ ក្រោមប្រធានបទ៖

ក្រសួងទេសចរណ៍ ជំរុញ និងពង្រឹងសមត្ថភាពអ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍ផ្នែកភាសា

ព្រឹត្តិការណ៍, អាជីវកម្មថ្មី និងនវានុវត្ត

• 21/11/2026

ភ្នំពេញ ៖ ក្រសួងទេសចរណ៍ តាមរយៈនាយកដ្ឋានបណ្តុះបណ្តាលជំនាញវិជ្ជាជីវៈទេសចរណ៍ សហការជាមួយក្រុមហ៊ុន Edifyworld Co., Ltd នាថ្ងៃទី២០ ខែវិច្ឆិកា ឆ្នាំ២០២៦ នៅទីស្ដីការក្រសួង បានរៀបចំសិក្ខាសាលាពង្រឹងសមត្ថភាពគ្រូបង្គោល អ្នកវាយតម្លៃបង្គោល អ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍​ ផ្នែកភាសាអង់គ្លេសពិសេស (Master Class) ក្នុងវិស័យបដិសណ្ឋារកិច្ច

សាកល្បងជោគជ័យភ្លាម សហគមន៍កសិកម្មទំនើបស្រុកព្រះស្តេច ត្រៀមបង្កើនទុនដាំត្រសក់ផ្អែម ២៥ ០០០ដុល្លារ ភ្លែត!

ព្រឹត្តិការណ៍, សេដ្ឋកិច្ច

• 20/11/2026

ព្រៃវែង ៖ សហគមន៍កសិកម្មទំនើបស្រុកព្រះស្តេច ខេត្តព្រៃវែង គ្រោងពង្រីកផ្ទៃដីដាំត្រសក់ផ្អែម ២ប្រភេទដែលមានតម្រូវការខ្ពស់នៅលើទីផ្សារ ទៅដល់ ៤៥ ០០០ម៉ែត្រការ៉េ ឬស្មើនឹង ៥០ ខ្នងផ្ទះសំណាញ់ បន្ទាប់ពីជោគជ័យលើការប្រមូលផលសាកល្បងលើកដំបូងបានជិត ២តោន។ កញ្ញា ហួន ស៊ីអឺ ប្រធានសហគមន៍កសិកម្មទំនើប ស្រុកព្រះស្តេច បានប្រាប់បណ្តាញសារព័ត៌មាន

កម្មវិធីថ្មី គាំទ្រដោយសហភាពអឺរ៉ុប កំណត់គោលដៅធ្វើសវនកម្មថាមពលបៃតងចំនួន ២១០ លើក នៅតាមរោងចក្រកម្ពុជា

ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ រោងចក្រកាត់ដេរសម្លៀកបំពាក់ និងស្បែកជើងនៅកម្ពុជា នឹងទទួលបានការធ្វើសវនកម្មថាមពលចំនួន ២១០ លើក លើការគាំទ្រផ្នែកថាមពលកកើតឡើងវិញ និងការលើកកម្ពស់សុវត្ថិភាពនៅកន្លែងការងារ ក្រោម «ភាពជាដៃគូកម្ពុជា-សហភាពអឺរ៉ុប សម្រាប់ការអនុវត្តថាមពលប្រកបដោយចីរភាពក្នុងវិស័យឧស្សាហកម្ម» ដែលត្រូវបានប្រកាសដាក់ឱ្យដំណើរការជាផ្លូវការនៅរាជធានីភ្នំពេញ កាលពីថ្ងៃទី១៩ ខែវិច្ឆិកា ឆ្នាំ២០២៦។ វិស័យកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ (GFT)

ទីក្រុងស៊ិនជិន រយៈពេល ៩ ខែ ស្រូបទាញទុនវិនិយោគបរទេសកើនឡើងជាង ៦០ភាគរយ

ព្រឹត្តិការណ៍, អាជីវកម្មថ្មី និងនវានុវត្ត

• 20/11/2026

បរទេស ៖ ទីក្រុងស៊ិនជិន ឬ Shenzhen ដែលគេស្គាល់ថាជាប៉ូលបច្ចេកវិទ្យាដ៏សំខាន់នៅភាគខាងត្បូងប្រទេសចិន និងជាម្ចាស់ផ្ទះនៃកិច្ចប្រជុំកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) ក្នុងឆ្នាំនេះ កំពុងក្លាយជាគោលដៅដ៏មានឥទ្ធិពលក្នុងការទាក់ទាញវិនិយោគិនពីបរទេស។ ជាក់ស្តែង ក្នុងរយៈពេល ៩ ខែដំបូងនៃឆ្នាំនេះ ទំហំទុនវិនិយោគផ្ទាល់ពីបរទេស (FDI) នៅក្នុងទីក្រុងនេះបានហក់ឡើងដល់ ៤៤ ពាន់លានយ័ន ឬប្រមាណ

រាជរដ្ឋាភិបាល ជំរុញឱ្យ​មានការវិនិយោគ​គម្រោងអភិវឌ្ឍរមណីយដ្ឋានទេសចរណ៍នៅលើកោះក្នុងខេត្ត​ព្រះសីហនុ

ព្រឹត្តិការណ៍, សេដ្ឋកិច្ច

• 20/11/2026

រដ្ឋាភិបាល​បានលើកទឹកចិត្ត​និង​ជំរុញ​ឱ្យមានការ​វិនិយោគតាមបណ្ដាកោះ​នានា​ក្នុងខេត្ត​ព្រះសីហនុ ជាពិសេស​វិស័យទេសចរណ៍

អតិផរណាស្នូលរបស់ជប៉ុនកើនឡើងលើសគោលដៅ ២ % ខណៈអ្នកជំនាញរំពឹងថា អត្រាការប្រាក់អាចនឹងដំឡើងខ្ពស់នៅក្នុងខែធ្នូ

ព្រឹត្តិការណ៍, សេដ្ឋកិច្ច

• 20/11/2026

អតិផរណាស្នូលប្រចាំឆ្នាំរបស់ជប៉ុនបន្តកើនឡើងលើសពីគោលដៅ ២ ភាគរយរបស់ធនាគារកណ្តាលពីរខែជាប់ៗគ្នា ដែលជំរុញឱ្យមានការរំពឹងទុកកាន់តែខ្ពស់អំពីការដំឡើងអត្រាការប្រាក់ក្នុងពេលឆាប់ៗខាងមុខ

ក្រុមហ៊ុនបច្ចេកវិទ្យាអវកាសរបស់បារាំង Thales និងសាកលវិទ្យាល័យ ខេមតិច ចាប់ដៃគូស្វែងរកកិច្ចសហប្រតិបត្តិការលើការអប់រំ និងការស្រាវជ្រាវក្នុងវិស័យអវកាសនៅកម្ពុជា

ព្រឹត្តិការណ៍, អត្ថបទពាណិជ្ជកម្ម

• 20/11/2026

ភ្នំពេញ ៖ ក្រុមហ៊ុន «Thales» មកពីប្រទេសបារាំង និងសាកលវិទ្យាល័យ ខេមតិច (CamTech) បានចុះហត្ថលេខាលើអនុស្សរណៈនៃការយោគយល់គ្នា (MoU) នៅថ្ងៃទី ១៦ ខែវិច្ឆិកា ឆ្នាំ ២០២៦ ដើម្បីស្វែងរកកិច្ចសហប្រតិបត្តិការលើវិស័យអប់រំ និងការស្រាវជ្រាវផ្នែកអវកាស និងអាកាសចរណ៍។ កិច្ចព្រមព្រៀងនេះត្រូវបានចុះហត្ថលេខាដោយឧកញ៉ាវេជ្ជបណ្ឌិត ពុង

LOLC KHQR ផ្តល់ជូននូវភាពងាយស្រួល និងឱកាសឈ្នះរង្វាន់ទឹកប្រាក់ ១៦៨ ០០០ រៀល ដល់អាជីវករក្នុងឱកាសពិធីបុណ្យអុំទូកខាងមុខ!

ព្រឹត្តិការណ៍, អត្ថបទពាណិជ្ជកម្ម

• 20/11/2026

ពិធីបុណ្យអុំទូក បណ្តែតប្រទីប និងសំពះព្រះខែ អកអំបុក កាន់តែខិតជិតមកដល់ហើយ ដែលជាពេលវេលាដ៏មមាញឹកសម្រាប់អាជីវករនៅតាមតំបន់ដែលមានអ្នកធ្វើដំណើរច្រើន ជាពិសេសភោជនីយដ្ឋាន ឬអាហារដ្ឋានដែលលក់ម្ហូបអាហារ ហាងលក់ទំនិញ ឬសេវាកម្មនានា។ ជាមួយនឹងការកើនឡើងនៃចំនួនអតិថិជន អាជីវករក៏អាចប្រឈមនឹងបញ្ហាមួយចំនួនក្នុងការគ្រប់គ្រងការទូទាត់ ដូចជា ការទទួលសាច់ប្រាក់ ការរាប់ប្រាក់ ការរៀបចំប្រាក់អាប់ និងការកត់ត្រាប្រតិបត្តិការលក់ប្រចាំថ្ងៃ។ ដើម្បីជួយសម្រួលដល់បញ្ហាប្រឈមទាំងនេះ អិលអូអិលស៊ី សូមផ្តល់ជូននូវដំណោះស្រាយទូទាត់ឌីជីថលតាមរយៈ

១៨ខែ ខេត្ត​​ភាគឦសានទទួលបានគម្រោង​វិនិយោគចំនួន ៧៦គម្រោង​ បង្កើតឱកាស​ការងារ​បានជាង​ ៨,៣ម៉ឺនកន្លែង​

ព្រឹត្តិការណ៍, សេដ្ឋកិច្ច

• 20/11/2026

ក្នុងរយៈពេលត្រឹមតែ១៨ខែ ឬ១ឆ្នាំកន្លះ តំបន់ភូមិភាគឦសាន​បានទទួល​គម្រោង​វិនិយោគ៧៦គម្រោង​ជាមួយនឹងទុនវិនិយោគ ២,៦៥ពាន់​លានដុល្លារអាម៉េរិក​បង្កើតការងារបានជា​ង៨ម៉ឺននាក់​


Leave a Reply

Your email address will not be published.Required fields are marked *